ਜਰਮਨੀ ਦੀ ਪਹਿਲੀ ਉਦਾਰ ਮਸਜਿਦ ਬਰਲਿਨ ''ਚ ਖੁੱਲ੍ਹੇਗੀ

ਬਰਲਿਨ— ਸੀਰਾਨ ਆਤਿਸ਼ ਦਾ ਇਕ ਅਜਿਹੀ ਮਸਜਿਦ ਬਣਾਉਣ ਦਾ ਸੁਪਨਾ ਜਲਦੀ ਪੂਰਾ ਹੋ ਸਕਦਾ ਹੈ ਜਿੱਥੇ ਔਰਤਾਂ ਅਤੇ ਮਰਦ, ਸੁੰਨੀ ਅਤੇ ਸ਼ੀਆ, ਆਮ ਲੋਕ ਅਤੇ ਸਮਲਿੰਗੀ ਇੱਕਠੇ ਇਬਾਦਤ ਕਰ ਸਕਣਗੇ। ਜਰਮਨੀ 'ਚ ਤੁਰਕੀ ਦੇ ਮਹਿਮਾਨ ਕਾਮਗਾਰੋਂ ਦੀ 54 ਸਾਲਾ ਬੇਟੀ ਏਟੇ ਉਸ ਨਿਰਮਾਣ ਅਧੀਨ ਕਮਰੇ 'ਚ ਦਾਖਲ ਹੁੰਦੇ ਹੀ ਖੁਸ਼ ਹੋ ਗਈ। ਉਸ ਨੇ ਕਿਹਾ, '' ਇਹ ਸੁਪਨਾ ਸੱਚ ਹੋਣ ਜਿਹਾ ਹੈ।''
ਔਰਤਾਂ ਦੇ ਅਧਿਕਾਰ ਦੀ ਮਸ਼ਹੂਰ ਕਾਰਜ ਕਰਤਾ ਅਤੇ ਵਕੀਲ ਆਤਿਸ਼ ਨੇ ਜਰਮਨੀ 'ਚ ਪ੍ਰਗਤੀਸ਼ੀਲ ਮੁਸਲਿਮਾਂ ਲਈ ਇਸ ਤਰ੍ਹਾਂ ਦੀ ਇਬਾਦਤਗਾਹ ਬਣਾਉਣ ਲਈ ਕਰੀਬ ਅੱਠ ਸਾਲ ਤੱਕ ਲੜਾਈ ਲੜੀ। ਉਹ ਅਜਿਹੀ ਜਗ੍ਹਾ ਚਾਹੁੰਦੀ ਸੀ ਜਿੱਥੇ ਮੁਸਲਿਮ ਆਪਣੇ ਧਾਰਮਿਕ ਮਤਭੇਦਾਂ ਨੂੰ ਭੁੱਲ ਕੇ ਆਪਣੇ ਇਸਲਾਮੀ ਮੁੱਲਾਂ 'ਤੇ ਧਿਆਨ ਦੇਣ। ਉਨ੍ਹਾਂ ਮੁਤਾਬਕ ਜਰਮਨੀ 'ਚ ਉਦਾਰਵਾਦੀ ਮੁਸਲਿਮਾਂ ਲਈ ਇਹ ਪਹਿਲੀ ਮਸਜਿਦ ਹੈ। ਇਬਨ ਰੂਸ਼ਦ ਗੋਯਥੇ ਮਸਜਿਦ ਅੱਜ ਖੁੱਲ੍ਹੇਗੀ। ਇੱਥੇ ਔਰਤਾਂ ਨੂੰ ਸਕਾਰਫ ਪਾਉਣਾ ਜ਼ਰੂਰੀ ਨਹੀਂ ਹੋਵੇਗਾ। ਉਹ ਇਮਾਮਾਂ ਦੀ ਤਰ੍ਹਾਂ ਖੁਤਵਾ ਜਾਂ ਉਪਦੇਸ਼ ਦੇ ਸਕਣਗੀਆਂ। ਇਸ ਦੇ ਇਲਾਵਾ ਉਹ ਅਜਾਨ ਵੀ ਦੇ ਸਕਣਗੀਆਂ।