ਸਾਵਧਾਨ! ਜਾਨਵਰਾਂ 'ਚ ਵੀ ਫੈਲ ਰਿਹੈ ਕੋਰੋਨਾਵਾਇਰਸ, ਹੁਣ ਬਿੱਲੀ ਹੋਈ ਇਨਫੈਕਟਡ

ਬ੍ਰਸਲਸ- ਚੀਨ ਤੋਂ ਨਿਕਲਿਆ ਖਤਰਨਾਕ ਕੋਰੋਨਾਵਾਇਰਸ ਹੁਣ ਪੂਰੀ ਦੁਨੀਆ ਦੇ ਲਈ ਮਹਾਮਾਰੀ ਬਣ ਗਿਆ ਹੈ। ਉਥੇ ਹੀ ਇਕ ਬੀਮਾਰੀ ਦੀ ਲਪੇਟ ਵਿਚ ਹੁਣ ਬੇਜ਼ੁਬਾਨ ਜਾਨਵਰ ਵੀ ਆਉਣ ਲੱਗ ਗਏ ਹਨ। ਬੈਲਜੀਅਮ ਵਿਚ ਇਕ ਬਿੱਲੀ ਵਿਚ ਕੋਰੋਨਾਵਾਇਰਸ ਇਨਫੈਕਸ਼ਨ ਦੀ ਪੁਸ਼ਟੀ ਹੋਈ ਹੈ। ਇਹ ਪਹਿਲਾ ਮਾਮਲਾ ਹੈ ਜਦੋਂ ਕੋਈ ਬਿੱਲੀ ਇਸ ਮਹਾਮਾਰੀ ਨਾਲ ਇਨਫੈਕਟਡ ਹੋਈ ਹੋਵੇ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਕ ਹਫਤਾ ਪਹਿਲਾਂ ਹੀ ਬਿੱਲੀ ਦੀ ਮਾਲਕਣ ਵਿਚ ਕੋਰੋਨਾਵਾਇਰਸ ਦੇ ਲੱਛਣ ਦਿਖਣੇ ਸ਼ੁਰੂ ਹੋਏ ਸਨ। ਇਕ ਹਫਤਾ ਬਾਅਦ ਬਿੱਲੀ ਨੂੰ ਵੀ ਵਾਇਰਸ ਦਾ ਇਨਫੈਕਸ਼ਨ ਹੋ ਗਿਆ।

ਨਿਊ ਯਾਰਕ ਪੋਸਟ ਦੀ ਰਿਪੋਰਟ ਮੁਤਾਬਕ ਬਿੱਲੀ ਨੂੰ ਕੋਰੋਨਾਵਾਇਰਸ ਦਾ ਇਨਫੈਕਸ਼ਨ ਉਸ ਦੀ ਮਾਲਕਣ ਤੋਂ ਹੋਇਆ ਹੈ। ਬੈਲਜੀਅਮ ਦੇ ਵਾਇਰਲ ਡਿਸੀਜ਼ ਇੰਸਟੀਚਿਊਟ ਆਫ ਹੈਲਥ ਦੇ ਮੁਖੀ ਸਟਿਫਨ ਨੇ ਇਕ ਪ੍ਰੈੱਸ ਕਾਨਫਰੰਸ ਵਿਚ ਇਸ ਮਾਮਲੇ ਦੀ ਜਾਣਕਾਰੀ ਦਿੱਤੀ ਹੈ। ਬੈਲਜੀਅਮ ਦੇ ਹੈਲਥ ਡਿਪਾਰਟਮੈਂਟ ਮੁਤਾਬਕ ਇਨਫੈਕਟਡ ਬਿੱਲੀ ਵਿਚ ਸਾਹ ਲੈਣ ਦੀ ਸਮੱਸਿਆ ਤੇ ਡਾਈਡੇਸਟਿਵ ਡਿਸਾਡਰ ਦੇ ਲੱਛਣ ਸਨ। ਹਾਂਗਕਾਂਗ ਵਿਚ ਇਨਫੈਕਟਡ ਪਾਏ ਗਏ ਦੋ ਕੁੱਤਿਆਂ ਤੋਂ ਇਲਾਵਾ ਕਿਸੇ ਜਾਨਵਰ ਵਿਚ ਇਨਫੈਕਸ਼ਨ ਦਾ ਇਹ ਤੀਜਾ ਮਾਮਲਾ ਹੈ।

ਬੈਲਜੀਅਮ ਦੇ ਹੈਲਥ ਡਿਪਾਰਟਮੈਂਟ ਵਲੋਂ ਇਹ ਵੀ ਕਿਹਾ ਗਿਆ ਹੈ ਕਿ ਇਕ ਜਾਨਵਰ ਤੋਂ ਦੂਜੇ ਜਾਨਵਰ ਵਿਚ ਵੀ ਇਨਫੈਕਸ਼ਨ ਦਾ ਇਕ ਵੀ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ। ਕੋਰੋਨਾਵਾਇਰਸ ਨੂੰ ਲੈ ਕੇ ਜਾਰੀ ਐਡਵਾਈਜ਼ਰੀ ਵਿਚ ਕਿਹਾ ਗਿਆ ਹੈ ਕਿ ਇਨਫੈਕਟਡ ਵਿਅਕਤੀ ਆਪਣੇ ਪਾਲਤੂ ਜਾਨਵਰ ਨੂੰ ਲੈ ਕੇ ਸਾਵਧਾਨੀ ਵਰਤਣ। ਖਾਸ ਕਰਕੇ ਉਹਨਾਂ ਛੋਹਣ ਵੇਲੇ। ਅਜਿਹਾ ਨਾ ਹੋਵੇ ਕਿ ਉਹ ਵੀ ਇਨਫੈਕਟਡ ਹੋ ਜਾਣ।