ਚਿੰਤਾਜਨਕ! ਨੌਜਵਾਨਾਂ ''ਚ ਘਟੀ ਜਣਨ ਦਰ, ਔਰਤਾਂ ''ਚ ਵਧੀ ਗਰਭ ਧਾਰਨ ਦੀ ਔਸਤ ਉਮਰ

ਇੰਟਰਨੈਸ਼ਨਲ ਡੈਸਕ- 11 ਜੁਲਾਈ ਨੂੰ ਵਿਸ਼ਵ ਆਬਾਦੀ ਦਿਵਸ ਮੌਕੇ ਸੰਯੁਕਤ ਰਾਸ਼ਟਰ ਆਬਾਦੀ ਫੰਡ (UNFPA) ਦੀ ਇਕ ਰਿਪੋਰਟ ਸਾਹਮਣੇ ਆਈ ਹੈ ਜਿਸ ਵਿਚ ਘਟਦੀ ਜਨਮ ਦਰ ਬਾਰੇ ਚਿੰਤਾ ਪ੍ਰ੍ਰਗਟ ਕੀਤੀ ਗਈ ਹੈ। ਰਿਪਰੋਟ ਮੁਤਾਬਕ ਅੱਜ ਦੇ ਨੌਜਵਾਨ ਵਿਆਹ ਅਤੇ ਗਰਭ ਅਵਸਥਾ ਨੂੰ ਤੇਜ਼ੀ ਨਾਲ ਮੁਲਤਵੀ ਕਰ ਰਹੇ ਹਨ, ਜਿਸ ਨਾਲ ਨਾ ਸਿਰਫ਼ ਗਰਭ ਧਾਰਨ ਦੀ ਔਸਤ ਉਮਰ ਵਧੀ ਹੈ, ਸਗੋਂ ਵੱਡੀ ਗਿਣਤੀ ਵਿੱਚ ਨੌਜਵਾਨ ਦੀ ਜਣਨ ਸਮੱਰਥਾ 'ਤੇ ਵੀ ਅਸਰ ਪਿਆ ਹੈ। ਇਹ ਸਮੱਸਿਆ ਕੁਝ ਦੇਸ਼ਾਂ ਵਿੱਚ ਹੋਰ ਵੀ ਡੂੰਘੀ ਹੋ ਗਈ ਹੈ।

ਰਿਪੋਰਟ ਦਰਸਾਉਂਦੀ ਹੈ ਕਿ ਸਮੱਸਿਆ ਨਾ ਸਿਰਫ਼ ਡਿੱਗਦੀ ਜਣਨ ਦਰ ਹੈ, ਸਗੋਂ ਨੌਜਵਾਨਾਂ ਦੀ ਘਟਦੀ ਜਣਨ ਸ਼ਕਤੀ ਅਤੇ ਸੀਮਤ ਵਿਕਲਪ ਵੀ ਹਨ। ਦੁਨੀਆ ਵਿੱਚ ਗਰਭ ਧਾਰਨ ਦੀ ਔਸਤ ਉਮਰ ਹੁਣ 28 ਸਾਲ ਹੋ ਗਈ ਹੈ, ਜੋ ਜਣਨ ਵਿਵਹਾਰ ਵਿੱਚ ਭਾਰੀ ਤਬਦੀਲੀ ਨੂੰ ਦਰਸਾਉਂਦੀ ਹੈ। ਨੌਜਵਾਨਾਂ ਦੀ ਘਟਦੀ ਜਣਨ ਸਮਰੱਥਾ ਦਾ ਮੁੱਖ ਕਾਰਨ ਸਮਾਜਿਕ, ਆਰਥਿਕ ਅਤੇ ਵਾਤਾਵਰਣਕ ਦਬਾਅ ਦਾ ਸੁਮੇਲ ਹੈ। ਰਿਪੋਰਟ ਅਨੁਸਾਰ ਜਲਵਾਯੂ ਪਰਿਵਰਤਨ, ਯੁੱਧ, ਮਹਾਂਮਾਰੀ ਅਤੇ ਭਵਿੱਖ ਬਾਰੇ ਅਨਿਸ਼ਚਿਤਤਾ ਨੌਜਵਾਨਾਂ ਨੂੰ ਪਰਿਵਾਰ ਪਾਲਣ ਤੋਂ ਨਿਰਾਸ਼ ਕਰ ਰਹੀਆਂ ਹਨ। ਇਸ ਦੇ ਨਾਲ ਹੀ ਮਹਿੰਗੇ ਘਰ, ਬੱਚਿਆਂ ਦੀ ਪਰਵਰਿਸ਼ ਦੀ ਲਾਗਤ, ਨੌਕਰੀ ਦੀ ਅਸੁਰੱਖਿਆ ਅਤੇ ਜਣਨ ਸਿਹਤ ਸੇਵਾਵਾਂ ਤੱਕ ਸੀਮਤ ਪਹੁੰਚ ਵਰਗੇ ਆਰਥਿਕ ਕਾਰਨ ਵੀ ਫੈਸਲਾਕੁੰਨ ਭੂਮਿਕਾ ਨਿਭਾ ਰਹੇ ਹਨ। ਇਨ੍ਹਾਂ ਕਾਰਨਾਂ ਕਰਕੇ ਵੱਡੀ ਗਿਣਤੀ ਵਿੱਚ ਨੌਜਵਾਨ ਜਾਂ ਤਾਂ ਗਰਭ ਅਵਸਥਾ ਨੂੰ ਮੁਲਤਵੀ ਕਰ ਰਹੇ ਹਨ ਜਾਂ ਲੋੜੀਂਦੀ ਗਿਣਤੀ ਵਿੱਚ ਬੱਚੇ ਪੈਦਾ ਕਰਨ ਦੇ ਯੋਗ ਨਹੀਂ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ 'ਚ ਅਗਲੇ ਮਹੀਨੇ ਕੁਝ ਵੱਡਾ ਹੋਣ ਦਾ ਖਦਸ਼ਾ! ਦਿੱਤੀ ਗਈ ਇਹ ਚੇਤਾਵਨੀ

ਇਨ੍ਹਾਂ ਦੇਸ਼ਾਂ ਵਿੱਚ ਸਭ ਤੋਂ ਤੇਜ਼ ਗਿਰਾਵਟ

ਰਿਪੋਰਟ ਅਨੁਸਾਰ ਦੁਨੀਆ ਭਰ ਵਿੱਚ ਜਣਨ ਦਰ ਵਿੱਚ ਸਭ ਤੋਂ ਤੇਜ਼ੀ ਨਾਲ ਗਿਰਾਵਟ ਦੱਖਣੀ ਕੋਰੀਆ, ਜਾਪਾਨ, ਇਟਲੀ, ਸਪੇਨ, ਚੀਨ ਅਤੇ ਜਰਮਨੀ ਵਰਗੇ ਦੇਸ਼ਾਂ ਵਿੱਚ ਦੇਖੀ ਜਾ ਰਹੀ ਹੈ। ਇਨ੍ਹਾਂ ਦੇਸ਼ਾਂ ਵਿੱਚ ਔਸਤ ਪ੍ਰਜਨਨ ਦਰ 1.5 ਤੋਂ ਹੇਠਾਂ ਪਹੁੰਚ ਗਈ ਹੈ, ਜੋ ਕਿ ਆਬਾਦੀ ਸਥਿਰਤਾ ਲਈ ਲੋੜੀਂਦੇ ਬਦਲਵੇਂ ਪੱਧਰ (2.1) ਤੋਂ ਬਹੁਤ ਘੱਟ ਹੈ। ਇਸਦਾ ਮੁੱਖ ਕਾਰਨ ਰਹਿਣ-ਸਹਿਣ ਦੀ ਤੇਜ਼ੀ ਨਾਲ ਵਧ ਰਹੀ ਲਾਗਤ, ਮਹਿੰਗਾ ਰਿਹਾਇਸ਼, ਬੱਚਿਆਂ ਦੀ ਦੇਖਭਾਲ 'ਤੇ ਬਹੁਤ ਜ਼ਿਆਦਾ ਖਰਚ ਅਤੇ ਕੰਮ ਵਾਲੀ ਥਾਂ 'ਤੇ ਮਾਪਿਆਂ ਲਈ ਸੀਮਤ ਸਹਾਇਤਾ ਹੈ।
ਦੱਖਣੀ ਕੋਰੀਆ ਅਤੇ ਜਾਪਾਨ ਵਿੱਚ ਖਾਸ ਕਰਕੇ ਨੌਜਵਾਨਾਂ ਵਿੱਚ ਵਿਆਹ ਕਰਨ ਅਤੇ ਮਾਪੇ ਬਣਨ ਦੀ ਇੱਛਾ ਵਿੱਚ ਤੇਜ਼ੀ ਨਾਲ ਗਿਰਾਵਟ ਆਈ ਹੈ, ਜਿੱਥੇ ਨਿੱਜੀ ਆਜ਼ਾਦੀ, ਕਰੀਅਰ ਦੀ ਤਰਜੀਹ ਅਤੇ ਸਮਾਜਿਕ ਦਬਾਅ ਵੱਡੀ ਭੂਮਿਕਾ ਨਿਭਾ ਰਹੇ ਹਨ। ਚੀਨ ਵਿੱਚ ਇੱਕ ਦਹਾਕਾ ਪਹਿਲਾਂ ਖਤਮ ਹੋਈ ਇੱਕ-ਬੱਚਾ ਨੀਤੀ ਦੇ ਲੰਬੇ ਸਮੇਂ ਦੇ ਪ੍ਰਭਾਵ ਅਜੇ ਵੀ ਬਰਕਰਾਰ ਹਨ। ਯੂਰਪੀਅਨ ਦੇਸ਼ਾਂ ਵਿੱਚ ਵੀ ਆਰਥਿਕ ਅਸੁਰੱਖਿਆ, ਬਦਲਦੇ ਪਰਿਵਾਰਕ ਢਾਂਚੇ ਜਨਮ ਦਰ ਨੂੰ ਪ੍ਰਭਾਵਿਤ ਕਰ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।