ਪਾਕਿਸਤਾਨੀ ਬਲਾਂ ਨਾਲ ਝੜਪ, ਮਾਰੇ ਗਏ ਅਫਗਾਨ ਤਾਲਿਬਾਨ ਦੇ ਅੱਠ ਜਵਾਨ

ਇਸਲਾਮਾਬਾਦ/ਪੇਸ਼ਾਵਰ (ਭਾਸ਼ਾ): ਅਸ਼ਾਂਤ ਖੈਬਰ ਪਖਤੂਨਖਵਾ ਸੂਬੇ ਨੇੜੇ ਸਰਹੱਦੀ ਖੇਤਰ 'ਚ ਪਾਕਿਸਤਾਨੀ ਸੁਰੱਖਿਆ ਬਲਾਂ ਨਾਲ ਹੋਈ ਭਿਆਨਕ ਝੜਪ 'ਚ ਅਫਗਾਨ ਤਾਲਿਬਾਨ ਦੇ ਘੱਟੋ-ਘੱਟ 8 ਜਵਾਨ ਮਾਰੇ ਗਏ, ਜਿਨ੍ਹਾਂ 'ਚ ਦੋ ਪ੍ਰਮੁੱਖ ਕਮਾਂਡਰ ਵੀ ਸ਼ਾਮਲ ਹਨ। ਸੂਬੇ ਦੇ ਖੁਰਮ ਸਰਹੱਦੀ ਜ਼ਿਲ੍ਹੇ 'ਚ ਹਫ਼ਤੇ ਦੇ ਅੰਤ 'ਚ ਵਾਪਰੀ ਇਸ ਘਟਨਾ 'ਚ 16 ਅਫਗਾਨ ਤਾਲਿਬਾਨ ਫੌਜੀ ਵੀ ਜ਼ਖਮੀ ਹੋ ਗਏ। 'ਦਿ ਡਾਨ' ਅਖਬਾਰ ਨੇ ਸੂਤਰਾਂ ਦੇ ਹਵਾਲੇ ਨਾਲ ਦੱਸਿਆ ਕਿ ਅਫਗਾਨ ਪੱਖ ਨੇ ਸ਼ਨੀਵਾਰ ਸਵੇਰੇ ਪਾਕ-ਅਫਗਾਨ ਸਰਹੱਦ 'ਤੇ ਪਲੌਸਿਨ ਇਲਾਕੇ 'ਚ ਪਾਕਿਸਤਾਨੀ ਚੌਕੀ 'ਤੇ ਭਾਰੀ ਹਥਿਆਰਾਂ ਨਾਲ ਹਮਲਾ ਕੀਤਾ। ਸੂਤਰਾਂ ਨੇ ਕਿਹਾ, “ਸਾਨੂੰ ਦੂਜੇ ਪਾਸੇ ਭਾਰੀ ਨੁਕਸਾਨ ਦੀ ਰਿਪੋਰਟ ਮਿਲੀ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨੀ ਬਲਾਂ ਦੀ ਜਵਾਬੀ ਗੋਲੀਬਾਰੀ 'ਚ ਹੁਣ ਤੱਕ 8 ਅਫਗਾਨ ਤਾਲਿਬਾਨ ਮਾਰੇ ਗਏ ਹਨ ਅਤੇ 16 ਹੋਰ ਜ਼ਖਮੀ ਹੋ ਗਏ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਪਹਾੜੀ ਸੜਕ ਤੋਂ ਡਿੱਗੀ ਯਾਤਰੀ ਬੱਸ, 15 ਲੋਕਾਂ ਦੀ ਦਰਦਨਾਕ ਮੌਤ

ਪਾਕਿਸਤਾਨੀ ਫੌਜ ਦੇ ਮੀਡੀਆ ਵਿੰਗ ਆਈ.ਐਸ.ਪੀ.ਆਰ ਵੱਲੋਂ ਇਸ ਸਬੰਧ ਵਿੱਚ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅਫਗਾਨ ਸੈਨਿਕਾਂ ਨੇ ਸਰਹੱਦ 'ਤੇ ਤਾਇਨਾਤ ਪਾਕਿਸਤਾਨੀ ਸੁਰੱਖਿਆ ਬਲਾਂ 'ਤੇ ਗੋਲੀਬਾਰੀ ਕੀਤੀ ਹੈ। ਅਤੀਤ ਵਿੱਚ ਵੀ ਇਸਲਾਮਾਬਾਦ ਨੇ ਅਜਿਹੀਆਂ ਘਟਨਾਵਾਂ ਨੂੰ ਲੈ ਕੇ ਕਾਬੁਲ ਨਾਲ ਚਿੰਤਾਵਾਂ ਸਾਂਝੀਆਂ ਕੀਤੀਆਂ ਹਨ। ਸੂਤਰਾਂ ਨੇ ਦੱਸਿਆ ਕਿ ਪਾਕਿਸਤਾਨ ਦੇ ਅੰਦਰ ਅੱਤਵਾਦੀ ਗਤੀਵਿਧੀਆਂ 'ਚ ਮਦਦ ਕਰਨ ਤੋਂ ਇਲਾਵਾ ਅਫਗਾਨ ਤਾਲਿਬਾਨ ਅੰਤਰਰਾਸ਼ਟਰੀ ਸਰਹੱਦ 'ਤੇ ਪਾਕਿਸਤਾਨੀ ਬਲਾਂ 'ਤੇ ਹਮਲੇ ਵੀ ਕਰ ਰਿਹਾ ਹੈ। ਤਣਾਅਪੂਰਨ ਸੁਰੱਖਿਆ ਸਥਿਤੀ ਕਾਰਨ ਹਫਤੇ ਦੇ ਅੰਤ ਵਿੱਚ ਦੋਵਾਂ ਦੇਸ਼ਾਂ ਵਿਚਾਲੇ ਵਪਾਰ ਠੱਪ ਹੋ ਗਿਆ ਸੀ। ਐਤਵਾਰ ਨੂੰ ਵੀ ਸਰਹੱਦੀ ਖੇਤਰ 'ਚ ਰੁਕ-ਰੁਕ ਕੇ ਗੋਲੀਬਾਰੀ ਹੋਣ ਦੀਆਂ ਖਬਰਾਂ ਹਨ ਪਰ ਕਿਸੇ ਜਾਨੀ ਨੁਕਸਾਨ ਦੀ ਖਬਰ ਨਹੀਂ ਹੈ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।