ਪਾਕਿਸਤਾਨ ’ਚ ਸਾਈਬਰ ਹਮਲਾ, ਬੈਂਕ ਸੇਵਾਵਾਂ ਨੂੰ ਕੀਤਾ ਪ੍ਰਭਾਵਿਤ
Monday, Nov 01, 2021 - 10:44 AM (IST)
ਨਵੀਂ ਦਿੱਲੀ– ਅਧਿਕਾਰੀਆਂ ਨੇ ਨੈਸ਼ਨਲ ਬੈਂਕ ਆਫ ਪਾਕਿਸਤਾਨ (ਐੱਨ. ਬੀ. ਪੀ.) ’ਤੇ ਇਕ ਸਾਈਬਰ ਹਮਲੇ ਦਾ ਪਤਾ ਲਗਾਇਆ ਹੈ, ਜਿਸਨੇ ਬੈਂਕ ਦੀਆਂ ਸੇਵਾਵਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਡਾਨ ਨਿਊਜ਼ ਨੇ ਬੈਂਕ ਦੇ ਇਕ ਬਿਆਨ ਦੇ ਹਵਾਲੇ ਨਾਲ ਕਿਹਾ ਕਿ 29 ਅਕਤੂਬਰ ਦੀ ਦੇਰ ਰਾਤ ਅਤੇ 30 ਅਕਤੂਬਰ ਦੀ ਸਵੇਰੇ ਐੱਨ. ਬੀ. ਪੀ. ਦੇ ਸਰਵਰ ’ਤੇ ਇਕ ਸਾਈਬਰ ਹਮਲੇ ਦਾ ਪਤਾ ਲੱਗਾ, ਜਿਸਨੇ ਬੈਂਕ ਦੀਆਂ ਕੁਝ ਸੇਵਾਵਾਂ ਨੂੰ ਪ੍ਰਭਾਵਿਤ ਕੀਤਾ।
ਇਸ ਵਿਚ ਕਿਹਾ ਗਿਆ ਹੈ ਕਿ ਪ੍ਰਭਾਵਿਤ ਪ੍ਰਣਾਲੀਆਂ ਨੂੰ ਠੀਕ ਕਰਨ ਲਈ ਫੌਰੀ ਕਦਮ ਉਠਾਏ ਗਏ ਹਨ। ਬੈਂਕ ਦੇ ਬਿਆਨ ਵਿਚ ਕਿਹਾ ਕਿ ਕਿਸੇ ਵੀ ਗਾਹਕ ਜਾਂ ਵਿੱਤੀ ਡਾਟਾ ਨਾਲ ਸਮਝੌਤਾ ਨਹੀਂ ਕੀਤਾ ਗਿਆ ਹੈ। ਕੌਮਾਂਤਰੀ ਸੋਮਿਆਂ ਸਮੇਤ ਉਦਯੋਗ ਦੇ ਮੋਹਰੀ ਵਿਸ਼ੇ ਮਾਹਰਾਂ ਦੀ ਵਰਤੋਂ ਕਰ ਕੇ ਇਲਾਜ ਦੇ ਯਤਨ ਜਾਰੀ ਹਨ।
ਅਜੇ ਵੀ ਗਾਹਕਾਂ ਲਈ ਐੱਨ. ਬੀ. ਪੀ. ਦੀਆਂ ਸੇਵਾਵਾਂ ਪ੍ਰਭਾਵਿਤ ਹਨ। ਅਸੀਂ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਕੰਮ ਕਰ ਰਹੇ ਹਾਂ ਅਤੇ ਵਿਸ਼ਵਾਸ ਹੈ ਕਿ ਜ਼ਰੂਰੀ ਗਾਹਕ ਸੇਵਾਵਾਂ ਸੋਮਵਾਰ ਸਵੇਰ ਤੱਕ ਬਹਾਲ ਕਰ ਦਿੱਤੀਆਂ ਜਾਣਗੀਆਂ।
