ਭਾਰਤ-ਜਾਰਡਨ ਸਬੰਧਾਂ ''ਚ ਗਰਮਜੋਸ਼ੀ: ਯੁਵਰਾਜ ਖ਼ੁਦ ਵਾਹਨ ਚਲਾ ਕੇ PM ਮੋਦੀ ਨੂੰ ਲੈ ਗਏ ਜਾਰਡਨ ਮਿਊਜ਼ੀਅਮ
Tuesday, Dec 16, 2025 - 02:23 PM (IST)
ਅੰਮਾਨ (ਭਾਸ਼ਾ) : ਭਾਰਤ ਤੇ ਜਾਰਡਨ ਦੇ ਸਬੰਧਾਂ 'ਚ ਗਰਮਜੋਸ਼ੀ ਨੂੰ ਦਰਸਾਉਂਦੇ ਹੋਏ, ਅਰਬ ਦੇਸ਼ ਦੇ ਯੁਵਰਾਜ ਅਲ ਹੁਸੈਨ ਬਿਨ ਅਬਦੁੱਲਾ ਦੂਜਾ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਖੁਦ ਵਾਹਨ ਚਲਾ ਕੇ ਜਾਰਡਨ ਮਿਊਜ਼ੀਅਮ ਲੈ ਕੇ ਗਏ। ਪ੍ਰਧਾਨ ਮੰਤਰੀ ਮੋਦੀ ਜਾਰਡਨ ਦੇ ਸ਼ਾਹ ਅਬਦੁੱਲਾ ਦੂਜਾ ਦੇ ਸੱਦੇ 'ਤੇ ਦੋ ਦਿਨਾਂ ਦੌਰੇ 'ਤੇ ਸੋਮਵਾਰ ਨੂੰ ਜਾਰਡਨ ਦੀ ਰਾਜਧਾਨੀ ਅੰਮਾਨ ਪਹੁੰਚੇ ਸਨ।
On the way to The Jordan Museum with His Royal Highness Crown Prince Al-Hussein bin Abdullah II. pic.twitter.com/CtwcQHkHBZ
— Narendra Modi (@narendramodi) December 16, 2025
ਇਹ ਦੱਸਿਆ ਜਾਂਦਾ ਹੈ ਕਿ ਯੁਵਰਾਜ ਪੈਗੰਬਰ ਮੁਹੰਮਦ ਦੀ 42ਵੀਂ ਪੀੜ੍ਹੀ ਦੇ ਸਿੱਧੇ ਵੰਸ਼ਜ ਹਨ। ਜਾਰਡਨ ਪ੍ਰਧਾਨ ਮੰਤਰੀ ਦੀ ਚਾਰ ਦਿਨਾਂ ਯਾਤਰਾ ਦਾ ਪਹਿਲਾ ਪੜਾਅ ਹੈ, ਜਿਸ ਦੌਰਾਨ ਉਹ ਇਥੋਪੀਆ ਅਤੇ ਓਮਾਨ ਵੀ ਜਾਣਗੇ। ਅੰਮਾਨ ਦੇ ਰਸ ਅਲ-ਐਨ ਇਲਾਕੇ ਵਿੱਚ ਸਥਿਤ, ਜਾਰਡਨ ਮਿਊਜ਼ੀਅਮ ਦੇਸ਼ ਦਾ ਸਭ ਤੋਂ ਵੱਡਾ ਮਿਊਜ਼ੀਅਮ ਹੈ। ਇਸ ਵਿੱਚ ਜਾਰਡਨ ਦੀਆਂ ਕੁਝ ਸਭ ਤੋਂ ਮਹੱਤਵਪੂਰਨ ਪੁਰਾਤੱਤਵ ਅਤੇ ਇਤਿਹਾਸਕ ਵਿਰਾਸਤਾਂ ਦਾ ਪ੍ਰਦਰਸ਼ਨ ਕੀਤਾ ਗਿਆ ਹੈ। ਸਾਲ 2014 ਵਿੱਚ ਬਣੇ ਇਸ ਮਿਊਜ਼ੀਅਮ ਵਿੱਚ ਪ੍ਰਾਗ-ਇਤਿਹਾਸਕ ਕਾਲ ਤੋਂ ਲੈ ਕੇ ਵਰਤਮਾਨ ਸਮੇਂ ਤੱਕ ਖੇਤਰ ਦੀ ਸਭਿਅਤਾਗਤ ਯਾਤਰਾ ਨੂੰ ਦਰਸਾਇਆ ਗਿਆ ਹੈ। ਮਿਊਜ਼ੀਅਮ ਵਿੱਚ 15 ਲੱਖ ਸਾਲ ਪੁਰਾਣੀਆਂ ਜਾਨਵਰਾਂ ਦੀਆਂ ਹੱਡੀਆਂ ਅਤੇ ਚੂਨੇ ਦੇ ਪਲਾਸਟਰ ਨਾਲ ਬਣੀਆਂ 9,000 ਸਾਲ ਪੁਰਾਣੀਆਂ ਐਨ ਗਜ਼ਲ ਦੀਆਂ ਮੂਰਤੀਆਂ ਵੀ ਮੌਜੂਦ ਹਨ, ਜਿਨ੍ਹਾਂ ਨੂੰ ਦੁਨੀਆ ਦੀਆਂ ਸਭ ਤੋਂ ਪ੍ਰਾਚੀਨ ਨਿਰਮਿਤ ਮੂਰਤੀਆਂ ਵਿੱਚ ਸ਼ਾਮਲ ਕੀਤਾ ਜਾਂਦਾ ਹੈ।
