ਵੀ-ਚੈਟ ''ਤੇ ਚੀਨ ਦੇ ਬਾਹਰ ਦੇ ਵਿਸ਼ਾ-ਵਸਤੂ ਦਾ ਸੈਂਸਰ ਕੀਤਾ ਜਾ ਰਿਹੈ : ਅਧਿਐਨ

ਬੀਜ਼ਿੰਗ (ਏਜੰਸੀ) - ਚੀਨ ਵਿਚ ਜ਼ਿਆਦਾਤਰ ਮਸ਼ਹੂਰ ਸੋਸ਼ਲ ਮੀਡੀਆ ਪਲੇਟਫਾਰਮ 'ਵੀ-ਚੈਟ' 'ਤੇ ਸਾਂਝਾ ਕੀਤੇ ਗਏ ਦਸਤਾਵੇਜ਼ਾਂ ਅਤੇ ਚਿੱਤਰਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ ਅਤੇ ਦੇਸ਼ ਵਿਚ ਸਿਆਸੀ ਸੈਂਸਰਸ਼ਿਪ ਲਈ ਇਸ ਨੂੰ ਸੂਚੀਬੱਧ ਕੀਤਾ ਜਾ ਰਿਹਾ ਹੈ।

ਟੋਰਾਂਟੋ ਯੂਨੀਵਰਸਿਟੀ ਦੇ ਆਨਲਾਈਨ ਨਿਗਰਾਨੀ-ਕਰਤਾ ਸਿਟੀਜ਼ਨ ਲੈਬ ਦਾ ਆਖਣਾ ਹੈ ਕਿ ਚੀਨ ਲਈ ਬਾਹਰ ਵੀ-ਚੈਟ ਦੇ ਉਪਯੋਗ-ਕਰਤਾ ਗੈਰ ਇਰਾਦਤਨ ਸੈਂਸਰਸ਼ਿਪ ਵਿਚ ਯੋਗਦਾਨ ਕਰ ਰਹੇ ਹਨ। ਜਿਹੜੇ ਵਿਸ਼ਾ-ਵਸਤੂ ਸਾਂਝੇ ਕੀਤੇ ਜਾ ਰਹੇ ਹਨ ਉਸ ਨੂੰ ਸੈਂਸਰ ਕੀਤਾ ਜਾ ਰਿਹਾ ਹੈ ਅਤੇ ਉਸ ਨੂੰ ਚੀਨ ਦੇ ਅੰਦਰ ਦੇ ਉਪਯੋਗ-ਕਰਤਾ (ਐਪ ਇਸਤੇਮਾਲ ਕਰਨ ਵਾਲੇ) ਨਹੀਂ ਦੇਖ ਪਾ ਰਹੇ। ਵੀ-ਚੈਟ ਦੀ ਮੂਲ ਕੰਪਨੀ ਟੈਨਸੈਂਟ ਨੇ ਇਸ 'ਤੇ ਉਲਟ ਟਿੱਪਣੀ ਨਹੀਂ ਕੀਤੀ ਹੈ। ਅਜੇ ਤੱਕ ਵੀ-ਚੈਟ ਦੇ ਅਜਿਹੇ ਅਕਾਉਂਟ ਦੀ ਨਿਗਰਾਨੀ ਨਹੀਂ ਕੀਤੀ ਜਾ ਰਹੀ ਸੀ ਜੋ ਬਾਹਰ ਰਜਿਸਟਰਡ ਸਨ। ਇਕ ਅੰਦਾਜ਼ੇ ਮੁਤਾਬਕ, ਵੀ-ਚੈਟ ਦਾ ਇਸਤੇਮਾਲ 10 ਕਰੋੜ ਲੋਕ ਕਰਦੇ ਹਨ। ਸਿਟੀਜ਼ਨ ਲੈਬ ਦਾ ਆਖਣਾ ਹੈ ਕਿ ਇਸ ਦੇ ਨਤੀਜੇ ਤਕਨੀਕੀ ਪ੍ਰਯੋਗ 'ਤੇ ਆਧਾਰਿਤ ਹਨ ਅਤੇ ਉਸ ਨੂੰ ਚੀਨ ਤੋਂ ਬਾਹਰ ਰਜਿਸਟਰਡ ਅਕਾਉਂਟ ਦੇ ਸੈਂਸਰਸ਼ਿਪ ਦਾ ਪਤਾ ਨਹੀਂ ਲੱਗ ਰਿਹਾ।