ਜਰਮਨੀ 'ਚ ਕੰਟੇਨਰ 'ਚੋਂ 8 ਟਨ ਕੋਣ ਕੀਮਤ 4800 ਕਰੋੜ ਤੋਂ ਪਾਰ

ਬਰਲਿਨ (ਏ.ਪੀ.): ਜਰਮਨ ਅਧਿਕਾਰੀਆਂ ਨੇ ਨਸ਼ਾ ਤਸਕਰੀ ਦੇ ਇੱਕ ਬਹੁਤ ਵੱਡੇ ਨੈੱਟਵਰਕ ਦਾ ਪਰਦਾਫਾਸ਼ ਕਰਦਿਆਂ ਰਿਕਾਰਡ ਮਾਤਰਾ ਵਿੱਚ ਕੋਕੀਨ ਜ਼ਬਤ ਕੀਤੀ ਹੈ। ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ਅਨੁਸਾਰ ਅਧਿਕਾਰੀਆਂ ਨੇ ਇੱਕ ਸਮੁੰਦਰੀ ਕੰਟੇਨਰ ਵਿੱਚੋਂ 8 ਮੀਟ੍ਰਿਕ ਟਨ ਤੋਂ ਵੱਧ ਕੋਕੀਨ ਬਰਾਮਦ ਕੀਤੀ ਹੈ, ਜਿਸ ਦੀ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਕੀਮਤ ਲਗਭਗ 500 ਮਿਲੀਅਨ ਯੂਰੋ (ਲਗਭਗ 582 ਮਿਲੀਅਨ ਡਾਲਰ ਜਾਂ 4,800 ਕਰੋੜ ਰੁਪਏ ਤੋਂ ਵੱਧ) ਦੱਸੀ ਜਾ ਰਹੀ ਹੈ।

 ਜਾਂਚਕਰਤਾਵਾਂ ਨੇ ਦੱਸਿਆ ਕਿ ਇਹ ਨਸ਼ੀਲੇ ਪਦਾਰਥ ਉੱਤਰੀ ਸਾਗਰ ਵਿੱਚ ਸਥਿਤ ਵਿਲਹੇਲਮਸ਼ਾਵਨ ਬੰਦਰਗਾਹ 'ਤੇ ਇੱਕ ਕੰਟੇਨਰ ਵਿੱਚੋਂ ਮਿਲੇ ਸਨ। ਕਾਗਜ਼ਾਂ ਵਿੱਚ ਇਸ ਕੰਟੇਨਰ ਵਿੱਚ 'ਕੋਕੋ ਬੀਨਜ਼' ਹੋਣ ਦਾ ਦਾਅਵਾ ਕੀਤਾ ਗਿਆ ਸੀ, ਪਰ ਜਦੋਂ ਤਲਾਸ਼ੀ ਲਈ ਗਈ ਤਾਂ ਅਧਿਕਾਰੀ ਵੀ ਦੰਗ ਰਹਿ ਗਏ। ਕੰਟੇਨਰ ਦੇ ਅੰਦਰ ਕਾਲੀ ਫੁਆਇਲ ਵਿੱਚ ਲਪੇਟੇ ਹੋਏ 400 ਤੋਂ ਵੱਧ ਪੈਕੇਟ ਮਿਲੇ, ਜਿਨ੍ਹਾਂ ਵਿੱਚੋਂ ਹਰੇਕ ਵਿੱਚ ਕੋਕੀਨ ਦੇ ਲਗਭਗ 20 ਬਲਾਕ ਸਨ।ਪੱਛਮੀ ਅਫਰੀਕਾ ਤੋਂ ਆਈ ਸੀ ਖ਼ੇਪ ਇਹ ਖ਼ਤਰਨਾਕ ਖ਼ੇਪ ਪੱਛਮੀ ਅਫਰੀਕਾ ਤੋਂ ਚੱਲੀ ਸੀ ਅਤੇ ਇਸ ਦੀ ਮੰਜ਼ਿਲ ਸਪੇਨ ਸੀ।

 ਜਰਮਨ ਅਧਿਕਾਰੀਆਂ ਨੇ 9 ਫਰਵਰੀ ਨੂੰ ਹੀ ਇਹ ਨਸ਼ੀਲੇ ਪਦਾਰਥ ਜ਼ਬਤ ਕਰ ਲਏ ਸਨ, ਪਰ ਤਸਕਰਾਂ ਨੂੰ ਫੜਨ ਲਈ ਇਸ ਦੀ ਜਾਣਕਾਰੀ ਗੁਪਤ ਰੱਖੀ ਗਈ ਸੀ। ਨਸ਼ਿਆਂ ਦੀ ਖ਼ੇਪ ਨੂੰ ਜਰਮਨੀ ਵਿੱਚ ਹੀ ਨਸ਼ਟ ਕਰਨ ਤੋਂ ਬਾਅਦ ਖਾਲੀ ਕੰਟੇਨਰ ਨੂੰ ਬਾਰਸੀਲੋਨਾ ਭੇਜ ਦਿੱਤਾ ਗਿਆ ਤਾਂ ਜੋ ਇਸ ਦੇ ਅਸਲੀ ਮਾਲਕਾਂ ਨੂੰ ਫੜਿਆ ਜਾ ਸਕੇ। ਸਪੇਨ 'ਚ ਦੋ ਮੁੱਖ ਮੁਲਜ਼ਮ ਗ੍ਰਿਫਤਾਰ ਇਸ ਵੱਡੀ ਕਾਰਵਾਈ ਦੇ ਸਬੰਧ ਵਿੱਚ ਸਪੇਨ ਦੇ ਅਲਮੇਰੀਆ ਸੂਬੇ ਵਿੱਚੋਂ ਦੋ ਸ਼ੱਕੀ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਇੱਕ ਮੁਲਜ਼ਮ ਇੱਕ ਇੰਪੋਰਟ ਕੰਪਨੀ ਦਾ ਮੈਨੇਜਰ ਹੈ, ਜਿਸ ਦੇ ਤਾਰ ਪਹਿਲਾਂ ਵੀ ਕੋਕੀਨ ਦੀ ਤਸਕਰੀ ਨਾਲ ਜੁੜੇ ਰਹੇ ਹਨ। ਦੋਵਾਂ ਮੁਲਜ਼ਮਾਂ ਨੂੰ ਸਪੇਨ ਵਿੱਚ ਮੁਕੱਦਮੇ ਅਤੇ ਭਾਰੀ ਕੈਦ ਦੀ ਸਜ਼ਾ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।