ਚੀਨ-ਰੂਸ ਸਮਝੌਤਾ : 8 ਹਜ਼ਾਰ ਕਿਲੋ ਮੀਟਰ ਲੰਬੀ ਗੈਸ ਪਾਈਪਲਾਈਨ ਕੀਤੀ ਸ਼ੁਰੂ
Thursday, Dec 05, 2019 - 12:32 PM (IST)
ਸੋਚੀ— ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਉਨ੍ਹਾਂ ਦੇ ਚੀਨੀ ਹਮਰੁਤਬਾ ਸ਼ੀ ਜਿਨਪਿੰਗ ਨੇ ਸੋਮਵਾਰ ਨੂੰ ਇੱਕ ਇਤਿਹਾਸਕ ਪਾਈਪਲਾਈਨ ਦੀ ਸ਼ੁਰੂਆਤ ਕੀਤੀ । ਇਸ ਰਾਹੀਂ ਸਾਈਬੇਰੀਆ ਤੋਂ ਉੱਤਰੀ-ਪੂਰਬੀ ਚੀਨ 'ਚ ਕੁਦਰਤੀ ਗੈਸ ਦੀ ਸਪਲਾਈ ਕੀਤੀ ਜਾਵੇਗੀ । ਇਸ ਨਾਲ ਮਾਸਕੋ ਅਤੇ ਬੀਜਿੰਗ ਵਿਚਕਾਰ ਆਰਥਿਕ ਅਤੇ ਰਾਜਨੀਤਕ ਸਬੰਧਾਂ ਨੂੰ ਵਧਾਇਆ ਜਾਵੇਗਾ । 2014 'ਚ ਯੂਕਰੇਨ ਦੇ ਕ੍ਰੀਮਿਆ ਪ੍ਰਾਇਦੀਪ ਨੂੰ ਰੂਸ 'ਚ ਮਿਲਾਏ ਜਾਣ ਮਗਰੋਂ ਲਗਾਈਆਂ ਗਈਆਂ ਪੱਛਮੀ ਵਿੱਤੀ ਰੋਕਾਂ ਦੇ ਬਾਅਦ ਰੂਸ ਆਰਥਿਕ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਿਹਾ ਹੈ । ਇਸ ਪ੍ਰੋਜੈਕਟ ਦੇ ਸ਼ੁਰੂ ਹੋਣ 'ਤੇ ਉਸ ਨੂੰ ਆਰਥਿਕ ਸੰਕਟ ਨਾਲ ਨਜਿੱਠਣ 'ਚ ਮਦਦ ਮਿਲੇਗੀ ।
ਚੀਨ ਦੁਨੀਆ ਦਾ ਸਭ ਤੋਂ ਬਹੁਤ ਊਰਜਾ ਖਪਤਕਾਰ ਦੇਸ਼ ਹੈ । ਦੇਸ਼ ਦੇ ਉੱਤਰੀ ਹਿੱਸੇ ਵਿੱਚ ਕੁਦਰਤੀ ਗੈਸ ਦੀ ਮੰਗ ਵੱਧ ਰਹੀ ਹੈ । ਇਹ ਕਦਮ ਰੂਸ ਦੇ ਸਿਖਰ ਨਿਰਯਾਤ ਬਾਜ਼ਾਰ ਦੇ ਰੂਪ 'ਚ ਚੀਨ ਦੇ ਸਥਾਨ ਨੂੰ ਮਜ਼ਬੂਤ ਕਰੇਗਾ । ਇਸ ਦੇ ਨਾਲ ਹੀ ਰੂਸ ਨੂੰ ਯੂਰਪ ਦੇ ਬਾਹਰ ਸੰਭਾਵਿਤ ਰੂਪ ਨਾਲ ਬਹੁਤ ਵੱਡਾ ਬਾਜ਼ਾਰ ਉਪਲੱਬਧ ਕਰਾਵੇਗਾ । ਇਹ ਕਦਮ ਤਦ ਚੁੱਕਿਆ ਗਿਆ ਹੈ ਜਦੋਂ ਮਾਸਕੋ ਦੋ ਹੋਰ ਮੁੱਖ ਊਰਜਾ ਯੋਜਨਾਵਾਂ- ਨੋਰਡ ਸਟੀਮ 2 ਅੰਡਰਸੀ ਬਾਲਟਿਕ ਗੈਸ ਪਾਈਪਲਾਈਨ ਨੂੰ ਜਰਮਨੀ, ਤੁਰਕੀ ਅਤੇ ਦੱਖਣੀ ਯੂਰਪ ਨੂੰ ਤੁਰਕਸਟ੍ਰੀਮ ਪਾਈਪਲਾਈਨ ਨੂੰ ਲਾਂਚ ਕਰਨ ਦੀ ਉਮੀਦ ਕਰ ਰਿਹਾ ਹੈ ।
ਰੂਸ ਨੂੰ ਮਿਲਣਗੇ 400 ਬਿਲੀਅਨ ਡਾਲਰ—
ਪਾਵਰ ਆਫ ਸਾਇਬੇਰੀਆ ਗੈਸ ਪਾਈਪਲਾਈਨ 8000 ਕਿ.ਮੀ. ਲੰਬੀ ਹੈ । ਰੂਸ 'ਚ ਇਸ ਦੀ ਲੰਬਾਈ 3000 ਅਤੇ ਚੀਨ ਵਿੱਚ 5111 ਕਿ.ਮੀ. ਹੈ । ਸਾਇਬੇਰੀਆ ਪਾਈਪਲਾਈਨ ਪੂਰਬੀ ਸਾਇਬੇਰੀਆ ਦੇ ਚਾਇੰਡਿੰਸਕਾਏ ਅਤੇ ਕੋਵਯਾਤਕਾ ਫੀਲਡ ਤੋਂ ਗੈਸ ਸਪਲਾਈ ਕਰੇਗੀ । ਇਸ ਯੋਜਨਾ ਦੇ ਤਿੰਨ ਦਹਾਕਿਆਂ ਤੱਕ ਚੱਲਣ ਦੀ ਉਮੀਦ ਹੈ । ਰੂਸ ਨੂੰ ਇਸ ਤੋਂ 400 ਬਿਲੀਅਨ ਡਾਲਰ ਮਿਲਣਗੇ ।
ਜਿਨਪਿੰਗ-ਪੁਤਿਨ ਨੇ ਵੀਡੀਓ ਲਿੰਕ ਨਾਲ ਉਦਘਾਟਨ ਵੇਖਿਆ—
ਜਿਨਪਿੰਗ ਅਤੇ ਪੁਤਿਨ ਨੇ ਸੋਮਵਾਰ ਨੂੰ ਇੱਕ ਵੀਡੀਓ ਲਿੰਕ ਦੇ ਮਾਧਿਅਮ ਰਾਹੀਂ ਪਾਈਪਲਾਈਨ ਦਾ ਉਦਘਾਟਨ ਵੇਖਿਆ । ਚੀਨੀ ਮੀਡੀਆ ਨੇ ਦੱਸਿਆ ਕਿ ਕੁਦਰਤੀ ਗੈਸ ਪਾਈਪਲਾਈਨ ਦੇ ਉਦਘਾਟਨ ਮਗਰੋਂ ਉਨ੍ਹਾਂ ਨੇ ਸੋਮਵਾਰ ਦੁਪਹਿਰ ਨੂੰ ਫੋਨ 'ਤੇ ਗੱਲ ਕੀਤੀ । ਸੋਮਵਾਰ ਤੋਂ ਹੀ ਚੀਨ 'ਚ ਰੂਸ ਦੀ ਕੁਦਰਤੀ ਗੈਸ ਦੀ ਸਪਲਾਈ ਸ਼ੁਰੂ ਹੋ ਗਈ ਹੈ ।
