ਹਥਿਆਰਾਂ ਦੇ ਗਲੋਬਲ ਵਪਾਰ ''ਚ ਦਬਦਬਾ ਬਣਾਉਣ ਲਈ ਏਅਰ ਸ਼ੋਅ ''ਚ ਚੀਨ ਨੇ ਕੀਤਾ ਪ੍ਰਦਰਸ਼ਨ

ਬੀਜਿੰਗ (ਭਾਸ਼ਾ)- ਹਥਿਆਰਾਂ ਦੇ ਗਲੋਬਲ ਵਪਾਰ ਵਿਚ ਵੱਡੀ ਭੂਮਿਕਾ ਨਿਭਾਉਣ, 'ਬੋਇੰਗ' ਅਤੇ 'ਏਅਰਬੱਸ' ਨਾਲ ਮੁਕਾਬਲਾ ਕਰਨ ਦੇ ਮਕਸਦ ਨਾਲ ਚੀਨ ਮੰਗਲਵਾਰ ਨੂੰ ਸ਼ੁਰੂ ਹੋਏ ਏਅਰ ਸ਼ੋਅ ਵਿੱਚ ਨਵੀਨਤਮ ਪੀੜ੍ਹੀ ਦੇ ਲੜਾਕੂ ਜੈੱਟ ਅਤੇ ਜਹਾਜ਼ਾਂ ਦਾ ਪ੍ਰਦਰਸ਼ਨ ਕਰ ਰਿਹਾ ਹੈ। ਚੀਨ ਵਰਤਮਾਨ ਵਿੱਚ ਦੁਨੀਆ ਦਾ ਚੌਥਾ ਸਭ ਤੋਂ ਵੱਡਾ ਹਥਿਆਰ ਨਿਰਯਾਤਕ ਹੈ ਅਤੇ ਇੱਕ ਵਿਸਤ੍ਰਿਤ ਘਰੇਲੂ ਉਦਯੋਗ ਵੱਲੋਂ ਇਸਨੂੰ ਰੂਸ ਉੱਤੇ ਆਪਣੀ ਪੁਰਾਣੀ ਨਿਰਭਰਤਾ ਨੂੰ ਘਟਾਉਣ ਦਾ ਇੱਕ ਮੌਕਾ ਪ੍ਰਦਾਨ ਕਰਦਾ ਹੈ।

ਵੱਖ-ਵੱਖ ਦੇਸ਼ਾਂ ਤੋਂ ਸਮਰਥਨ ਮਿਲਣ ਕਾਰ ਚੀਨ ਹੁਣ ਡਰੋਨ, ਜੰਗੀ ਜਹਾਜ਼ਾਂ ਅਤੇ ਮਿਜ਼ਾਈਲ ਰੱਖਿਆ ਪ੍ਰਣਾਲੀਆਂ ਦੇ ਨਾਲ-ਨਾਲ ਇਸ ਦੇ ਪ੍ਰਮੁਖ, ਸ਼ੀਤ ਯੁੱਧ-ਯੁੱਗ ਦੇ ਜ਼ਮੀਨੀ ਹਥਿਆਰ ਅਤੇ ਗੋਲਾ-ਬਾਰੂਦ ਵੇਚਣ ਲਈ ਮੁਕਾਬਲਾ ਕਰ ਰਿਹਾ ਹੈ। ਮੰਗਲਵਾਰ ਨੂੰ ਸ਼ੁਰੂ ਹੋਏ ਇਸ ਪ੍ਰਦਰਸ਼ਨ ਵਿੱਚ ਫੌਜੀ ਜਹਾਜ਼ਾਂ ਵਿੱਚ ਜੇ-20 ਸਟੀਲਥ ਲੜਾਕੂ ਅਤੇ ਯੂ-20 ਹਵਾਈ ਟੈਂਕਰ ਸ਼ਾਮਲ ਹਨ।

ਸਟਾਕਹੋਮ ਇੰਟਰਨੈਸ਼ਨਲ ਪੀਸ ਰਿਸਰਚ ਇੰਸਟੀਚਿਊਟ ਦੇ ਅਨੁਸਾਰ, 2017 ਅਤੇ 2021 ਦੇ ਵਿਚਕਾਰ, ਚੀਨ ਦਾ ਕੁੱਲ ਗਲੋਬਲ  ਹਥਿਆਰਾਂ ਦੇ ਨਿਰਯਾਤ ਵਿਚ 4.6 ਫ਼ੀਸਦੀ ਹਿੱਸਾ ਸੀ, ਜੋ ਅਮਰੀਕਾ, ਰੂਸ ਅਤੇ ਫਰਾਂਸ ਤੋਂ ਬਾਅਦ ਚੌਥੇ ਸਥਾਨ 'ਤੇ ਸੀ। ਚੀਨ ਤੋਂ ਹਥਿਆਰਾਂ ਦੇ ਨਿਰਯਾਤ ਦਾ ਵੱਡਾ ਹਿੱਸਾ ਪਾਕਿਸਤਾਨ ਨੂੰ ਜਾਂਦਾ ਸੀ, ਜੋ ਲੰਬੇ ਸਮੇਂ ਤੋਂ ਸਹਿਯੋਗੀ ਰਿਹਾ ਹੈ।