ਚੀਨ ਨੇ ਤਾਈਵਾਨ ਨੇੜੇ ਵੱਡੇ ਪੱਧਰ ''ਤੇ ਕੀਤਾ ਫੌਜੀ ਅਭਿਆਸ

ਤਾਈਪੇਈ (ਏਪੀ) ਚੀਨ ਨੇ ਸੋਮਵਾਰ ਨੂੰ ਤਾਈਵਾਨ ਅਤੇ ਇਸ ਦੇ ਬਾਹਰਲੇ ਟਾਪੂਆਂ ਦੇ ਆਲੇ-ਦੁਆਲੇ ਵੱਡੇ ਪੈਮਾਨੇ 'ਤੇ ਫੌਜੀ ਅਭਿਆਸ ਕੀਤਾ, ਜਿਸ ਨੂੰ ਉਸ ਨੇ ਤਾਈਵਾਨ ਦੀ ਆਜ਼ਾਦੀ ਵਿਰੁੱਧ ਚੇਤਾਵਨੀ ਦੱਸਿਆ। ਚੀਨ ਦੇ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਇਹ ਅਭਿਆਸ ਤਾਈਵਾਨ ਦੇ ਰਾਸ਼ਟਰਪਤੀ ਲਾਈ ਚਿੰਗ-ਤੇ ਦੁਆਰਾ ਬੀਜਿੰਗ ਦੀਆਂ ਮੰਗਾਂ ਨੂੰ ਸਵੀਕਾਰ ਕਰਨ ਤੋਂ ਇਨਕਾਰ ਕਰਨ ਦਾ ਜਵਾਬ ਹੈ ਕਿ ਤਾਈਵਾਨ ਆਪਣੇ ਆਪ ਨੂੰ ਕਮਿਊਨਿਸਟ ਪਾਰਟੀ ਦੇ ਸ਼ਾਸਨ ਅਧੀਨ ਚੀਨ ਦਾ ਹਿੱਸਾ ਮੰਨਦਾ ਹੈ। ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਨੇ ਇਨ੍ਹਾਂ ਅਭਿਆਸਾਂ ਨੂੰ ਉਕਸਾਉਣ ਵਾਲਾ ਦੱਸਿਆ ਅਤੇ ਕਿਹਾ ਕਿ ਉਸ ਦੀ ਫੌਜ ਜਵਾਬ ਦੇਣ ਲਈ ਤਿਆਰ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-SCO ਸੰਮੇਲਨ ਲਈ ਪਾਕਿਸਤਾਨ ਪਹੁੰਚਿਆ ਭਾਰਤੀ ਵਫ਼ਦ, ਇਸਲਾਮਾਬਾਦ 'ਚ ਫ਼ੌਜ ਤਾਇਨਾਤ

ਚੀਨ ਦੀ ਈਸਟਰਨ ਥੀਏਟਰ ਕਮਾਂਡ ਦੇ ਬੁਲਾਰੇ ਨੇਵੀ ਦੇ ਸੀਨੀਅਰ ਕੈਪਟਨ ਲੀ ਸ਼ੀ ਨੇ ਕਿਹਾ ਕਿ ਨੇਵੀ, ਏਅਰ ਫੋਰਸ ਅਤੇ ਮਿਜ਼ਾਈਲ ਕੋਰ ਨੇ ਅਭਿਆਸ ਵਿੱਚ ਹਿੱਸਾ ਲਿਆ। ਲੀ ਨੇ ਇੱਕ ਬਿਆਨ ਵਿੱਚ ਕਿਹਾ, "ਇਹ ਤਾਈਵਾਨ ਦੀ ਆਜ਼ਾਦੀ ਦਾ ਸਮਰਥਨ ਕਰਨ ਵਾਲਿਆਂ ਲਈ ਇੱਕ ਸਖ਼ਤ ਚੇਤਾਵਨੀ ਹੈ ਅਤੇ ਸਾਡੀ ਰਾਸ਼ਟਰੀ ਪ੍ਰਭੂਸੱਤਾ ਦੀ ਰਾਖੀ ਲਈ ਸਾਡੇ ਦ੍ਰਿੜ ਇਰਾਦੇ ਦਾ ਪ੍ਰਤੀਕ ਹੈ।" ਦੂਜੇ ਵਿਸ਼ਵ ਯੁੱਧ ਦੇ ਅਖੀਰ ਵਿਚ ਚੀਨ ਨਾਲ ਏਕੀਕ੍ਰਿਤ ਹੋਣ ਤੋਂ ਪਹਿਲਾਂ ਤਾਈਵਾਨ ਇਕ ਜਾਪਾਨੀ ਬਸਤੀਸੀ। ਇਹ 1949 ਵਿੱਚ ਵੰਡਿਆ ਗਿਆ ਜਦੋਂ ਚੀਨ ਵਿੱਚ ਮਾਓ ਜ਼ੇ-ਤੁੰਗ ਦੇ ਕਮਿਊਨਿਸਟਾਂ ਦੇ ਸੱਤਾ ਵਿੱਚ ਆਉਣ ਤੋਂ ਬਾਅਦ ਉਸਦੇ ਵਿਰੋਧੀ ਚਿਆਂਗ ਕਾਈ-ਸ਼ੇਕ ਦੇ ਸਮਰਥਕ ਤਾਈਵਾਨ ਭੱਜ ਗਏ। ਡੈਮੋਕ੍ਰੇਟਿਕ ਪ੍ਰੋਗਰੈਸਿਵ ਪਾਰਟੀ ਦੇ ਅੱਠ ਸਾਲਾਂ ਦੇ ਸ਼ਾਸਨ ਨੂੰ ਜਾਰੀ ਰੱਖਦੇ ਹੋਏ, ਮਈ ਵਿੱਚ ਲਾਈ ਨੇ ਅਹੁਦਾ ਸੰਭਾਲਿਆ। ਇਹ ਪਾਰਟੀ ਚੀਨ ਦੀ ਇਸ ਮੰਗ ਨੂੰ ਰੱਦ ਕਰਦੀ ਹੈ ਕਿ ਤਾਈਵਾਨ ਨੂੰ ਚੀਨ ਦਾ ਹਿੱਸਾ ਮੰਨਿਆ ਜਾਵੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।