ਚੀਨ : ਰੈਸਟੋਰੈਂਟ ''ਚ ਫੱਟਿਆ ਸਿਲੰਡਰ, 6 ਦੀ ਮੌਤ ਤੇ 9 ਜ਼ਖਮੀ
Sunday, Oct 13, 2019 - 02:55 PM (IST)
ਬੀਜਿੰਗ (ਭਾਸ਼ਾ)— ਪੂਰਬੀ ਚੀਨ ਦੇ ਜਿਆਂਗਸੂ ਸੂਬੇ ਵਿਚ ਐਤਵਾਰ ਨੂੰ ਇਕ ਰੈਸਟੋਰੈਂਟ ਵਿਚ ਸਿਲਡੰਰ ਫੱਟ ਗਿਆ। ਇਸ ਧਮਾਕੇ ਵਿਚ 6 ਲੋਕਾਂ ਦੀ ਮੌਤ ਹੋ ਗਈ ਅਤੇ 9 ਹੋਰ ਜ਼ਖਮੀ ਹੋ ਗਏ। ਸ਼ਹਿਰ ਦੇ ਪ੍ਰਚਾਰ ਵਿਭਾਗ ਨੇ ਦੱਸਿਆ ਕਿ ਜਿਸ਼ਾਨ ਜ਼ਿਲੇ ਦੇ ਵੁਕਸੀ ਸ਼ਹਿਰ ਦੇ ਇਕ ਰੈਸਟੋਰੈਂਟ ਵਿਚ ਸਥਾਨਕ ਸਮੇਂ ਮੁਤਾਬਕ 11 ਵਜੇ ਗੈਸ ਸਿਲੰਡਰ ਫੱਟ ਗਿਆ।
ਇਸ ਹਾਦਸੇ ਵਿਚ ਝੁਲਸੇ ਕੁੱਲ 15 ਲੋਕਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ, ਜਿਨ੍ਹਾਂ ਵਿਚੋਂ 6 ਲੋਕਾਂ ਦੀ ਮੌਤ ਹੋ ਗਈ। ਬਾਕੀ 9 ਲੋਕਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਰਾਹਤ ਅਤੇ ਬਚਾਅ ਕੰਮ ਜਾਰੀ ਹੈ।
