ਮਸਾਂ ਬਚਿਆ ਬੋਇੰਗ 777! ਸਟੰਟ ਦੇ ਚੱਕਰ 'ਚ ਹੋਣ ਲੱਗਿਆ ਸੀ ਵੱਡਾ ਹਾਦਸਾ (Video)

ਟੈਕਸਾਸ : ਅਮਰੀਕਾ ਦੇ ਟੈਕਸਾਸ ਵਿਚ ਇੱਕ ਵੱਡਾ ਹਵਾਈ ਹਾਦਸਾ ਹੁੰਦੇ-ਹੁੰਦੇ ਬਚ ਗਿਆ, ਜਦੋਂ ਕਤਰ ਏਅਰਵੇਜ਼ ਕਾਰਗੋ ਲਈ ਤਿਆਰ ਕੀਤਾ ਗਿਆ ਇੱਕ ਬੋਇੰਗ 777-200LR ਮਾਲਵਾਹਕ ਜਹਾਜ਼ ਬੇਹੱਦ ਘੱਟ ਉਚਾਈ 'ਤੇ ਉੱਡਦੇ ਹੋਏ ਜ਼ਮੀਨ ਦੇ ਬਿਲਕੁਲ ਕਰੀਬ ਪਹੁੰਚ ਗਿਆ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇੱਕ ਵੀਡੀਓ ਵਿੱਚ ਦੇਖਿਆ ਗਿਆ ਕਿ ਹਾਰਸਸ਼ੂ ਬੇ ਰਿਜ਼ੌਰਟ ਏਅਰਪੋਰਟ 'ਤੇ ਫਲਾਈਪਾਸ ਦੌਰਾਨ ਜਹਾਜ਼ ਦਾ ਸੱਜਾ ਵਿੰਗ ਜ਼ਮੀਨ ਤੋਂ ਮਹਿਜ਼ ਕੁਝ ਇੰਚ ਦੀ ਦੂਰੀ 'ਤੇ ਸੀ।

Que raso!

Um 777-200LR(F) que está em processo de preparação para entrega para a Qatar foi visto dando esse rasante espetacular sobre o Horseshoe Bay Resort Jet Center, no Texas!

Esse foi baixo! pic.twitter.com/btzClzKiU5

— Eric Breno ✈️🇧🇷 (@EBaviation) June 25, 2026

ਐਵੀਏਸ਼ਨ ਮਾਹਿਰਾਂ ਨੇ ਇਸ ਕਾਰਨਾਮੇ ਦੀ ਸਖ਼ਤ ਨਿਖੇਧੀ ਕਰਦਿਆਂ ਇਸ ਨੂੰ ਬੇਹੱਦ ਜੋਖਮ ਭਰਿਆ ਦੱਸਿਆ ਹੈ। ਮਾਹਿਰਾਂ ਅਨੁਸਾਰ, 200 ਫੁੱਟ ਤੋਂ ਵੱਧ ਵਿੰਗਸਪੈਨ ਵਾਲੇ ਵੱਡੇ ਜਹਾਜ਼ ਘੱਟ ਉਚਾਈ 'ਤੇ ਬਹੁਤ ਸੰਵੇਦਨਸ਼ੀਲ ਹੁੰਦੇ ਹਨ, ਜਿੱਥੇ ਹਵਾ ਜਾਂ ਕੰਟਰੋਲ ਵਿੱਚ ਮਾਮੂਲੀ ਬਦਲਾਅ ਵੀ ਵੱਡੀ ਦੁਰਘਟਨਾ ਦਾ ਕਾਰਨ ਬਣ ਸਕਦਾ ਹੈ। ਹਾਲਾਂਕਿ ਜਹਾਜ਼ 'ਤੇ ਕਤਰ ਏਅਰਵੇਜ਼ ਦੇ ਰੰਗ ਸਨ, ਪਰ ਮਾਲਕ ਕੰਪਨੀ ਜੈਟਰਨ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਵਿੱਚ ਕਤਰ ਏਅਰਵੇਜ਼ ਜਾਂ ਉਨ੍ਹਾਂ ਦੇ ਪਾਇਲਟ ਸ਼ਾਮਲ ਨਹੀਂ ਸਨ।

ਜੈਟਰਨ ਕੰਪਨੀ ਦੇ ਅਨੁਸਾਰ, ਇਹ ਜਹਾਜ਼ ਦੀ ਡਿਲੀਵਰੀ ਤੋਂ ਪਹਿਲਾਂ ਦੀ ਆਖਰੀ ਟੈਸਟ ਫਲਾਈਟ ਸੀ। ਕੰਪਨੀ ਨੇ ਮੰਨਿਆ ਹੈ ਕਿ ਵੀਡੀਓ ਵਿਚ ਦਿਖਾਈ ਗਈ ਹਰਕਤ ਆਪਰੇਸ਼ਨਲ ਮਿਆਰਾਂ ਦੇ ਮੁਤਾਬਕ ਨਹੀਂ ਸੀ ਅਤੇ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਦੀ ਲੋੜ ਹੈ। ਰਿਪੋਰਟਾਂ ਮੁਤਾਬਕ, ਇਹ ਜਹਾਜ਼ ਇੰਡੀਆਨਾ ਤੋਂ ਫੋਰਟ ਵਰਥ ਅਲਾਇੰਸ ਏਅਰਪੋਰਟ ਜਾ ਰਿਹਾ ਸੀ, ਪਰ ਰਸਤੇ ਵਿਚ ਜੈਟਰਨ ਦੇ ਬੇਸ (ਹਾਰਸਸ਼ੂ ਬੇ) ਉੱਪਰੋਂ ਫਲਾਈਓਵਰ ਕਰਨ ਲਈ ਮੁੜਿਆ ਸੀ।

ਰਾਹਤ ਦੀ ਗੱਲ ਇਹ ਰਹੀ ਕਿ ਜਹਾਜ਼ ਦਾ ਜ਼ਮੀਨ ਨਾਲ ਕੋਈ ਸੰਪਰਕ ਨਹੀਂ ਹੋਇਆ ਅਤੇ ਇਸ ਨੇ ਬਾਅਦ ਵਿਚ ਫੋਰਟ ਵਰਥ ਅਲਾਇੰਸ ਏਅਰਪੋਰਟ 'ਤੇ ਸੁਰੱਖਿਅਤ ਲੈਂਡਿੰਗ ਕੀਤੀ। ਹੁਣ ਰੈਗੂਲੇਟਰੀ ਅਧਿਕਾਰੀਆਂ ਵੱਲੋਂ ਇਸ ਗੱਲ ਦੀ ਸਮੀਖਿਆ ਕੀਤੇ ਜਾਣ ਦੀ ਉਮੀਦ ਹੈ ਕਿ ਕੀ ਇਸ ਖ਼ਤਰਨਾਕ ਮੈਨੂਵਰ ਲਈ ਲੋੜੀਂਦੀਆਂ ਮਨਜ਼ੂਰੀਆਂ ਲਈਆਂ ਗਈਆਂ ਸਨ ਜਾਂ ਨਹੀਂ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e