ਇਲਾਕੇ ''ਚ ਲੱਗ ਗਿਆ Lockdown! ਘਰਾਂ ''ਚ ਰਹਿਣ ਲਈ ਮਜਬੂਰ ਹੋਏ ਟੈਕਸਾਸ ਦੇ ਲੋਕ

ਇੰਟਰਨੈਸ਼ਨਲ ਡੈਸਕ : ਅਮਰੀਕਾ ਵਿਖੇ ਟੈਕਸਾਸ ਰਾਜ ਦੇ ਔਰੇਂਜ ਕਾਊਂਟੀ  ਵਿੱਚ ਇੱਕ ਬੇਹੱਦ ਅਜੀਬੋ-ਗਰੀਬ ਘਟਨਾ ਵਾਪਰੀ। ਇੱਥੇ ਇੱਕ 18-ਪਹੀਆ ਵੱਡਾ ਟਰੱਕ ਪਲਟਣ ਕਾਰਨ ਲਗਭਗ 24 ਲੱਖ ਮਧੂ-ਮੱਖੀਆਂ ਬਾਹਰ ਨਿਕਲ ਆਈਆਂ ਅਤੇ ਹਵਾ ਵਿੱਚ ਫੈਲ ਗਈਆਂ।, ਜਿਸ ਕਾਰਨ ਪੂਰੇ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਅਤੇ ਪ੍ਰਸ਼ਾਸਨ ਨੂੰ ਰਿਹਾਇਸ਼ੀ ਇਲਾਕੇ ਵਿੱਚ ਲੌਕਡਾਊਨ ਲਗਾਉਣ ਲਈ ਮਜ਼ਬੂਰ ਹੋਣਾ ਪਿਆ।

NEW: A Texas neighborhood was forced to go on lockdown after an 18-wheeler flipped over, releasing 24 *million* honeybees.

The truck was carrying more than 400 hives with about 60,000+ bees in each hive when the truck driver lost control and flipped into a ditch.

Locals in… pic.twitter.com/Lr5hSVu90r

— Collin Rugg (@CollinRugg) June 23, 2026

ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਮਧੂ-ਮੱਖੀਆਂ ਦੇ ਬਕਸਿਆਂ ਨਾਲ ਲੱਦਿਆ ਇੱਕ 18-ਪਹੀਆ ਟਰੱਕ ਅਚਾਨਕ ਬੇਕਾਬੂ ਹੋ ਕੇ ਸੜਕ 'ਤੇ ਪਲਟ ਗਿਆ। ਟਰੱਕ ਪਲਟਦੇ ਹੀ ਇਸ ਵਿੱਚ ਮੌਜੂਦ ਲੱਖਾਂ ਦੀ ਗਿਣਤੀ ਵਿੱਚ ਮੱਖੀਆਂ ਬਾਹਰ ਨਿਕਲ ਆਈਆਂ। ਇਹ ਮੱਖੀਆਂ ਇੰਨੀਆਂ ਜ਼ਿਆਦਾ ਅਤੇ ਖ਼ਤਰਨਾਕ ਸਨ ਕਿ ਇਨ੍ਹਾਂ ਨੇ ਆਸ-ਪਾਸ ਦੀਆਂ ਸੜਕਾਂ ਅਤੇ ਘਰਾਂ ਨੂੰ ਆਪਣੇ ਘੇਰੇ ਵਿੱਚ ਲੈ ਲਿਆ। ਮਧੂ-ਮੱਖੀਆਂ ਦੇ ਇਸ ਭਿਆਨਕ ਹਮਲੇ ਨੂੰ ਦੇਖਦਿਆਂ ਸਥਾਨਕ ਪ੍ਰਸ਼ਾਸਨ ਨੇ ਤੁਰੰਤ ਹਰਕਤ ਵਿੱਚ ਆਉਂਦਿਆਂ ਨੇੜਲੇ ਇਲਾਕੇ ਵਿੱਚ 'ਸ਼ੈਲਟਰ-ਇਨ-ਪਲੇਸ' (ਲੌਕਡਾਊਨ) ਦਾ ਐਲਾਨ ਕਰ ਦਿੱਤਾ। ਲੋਕਾਂ ਨੂੰ ਸਖ਼ਤ ਹਦਾਇਤ ਦਿੱਤੀ ਗਈ ਹੈ ਕਿ ਉਹ ਆਪਣੇ ਘਰਾਂ ਦੀਆਂ ਖਿੜਕੀਆਂ ਅਤੇ ਦਰਵਾਜ਼ੇ ਪੂਰੀ ਤਰ੍ਹਾਂ ਬੰਦ ਰੱਖਣ ਅਤੇ ਜਦੋਂ ਤੱਕ ਸਥਿਤੀ ਕਾਬੂ ਹੇਠ ਨਹੀਂ ਆਉਂਦੀ, ਬਾਹਰ ਨਾ ਨਿਕਲਣ।

ਪੜ੍ਹੋ ਇਹ ਅਹਿਮ ਖ਼ਬਰ-  ਗਰਮੀਆਂ ਦੌਰਾਨ 'ਫ੍ਰੀ ਮੂਵੀ' ਦਾ ਮਿਲੇਗਾ ਆਨੰਦ! ਜਿਨੇਵਾ ਪ੍ਰਸਾਸਨ ਦੀ ਇਨ੍ਹਾਂ ਲੋਕਾਂ ਲਈ ਸ਼ਾਨਦਾਰ ਪਹਿਲ

ਮੌਕੇ 'ਤੇ ਮਧੂ-ਮੱਖੀ ਪਾਲਕਾਂ ਅਤੇ ਮਾਹਿਰਾਂ ਦੀਆਂ ਟੀਮਾਂ ਨੂੰ ਬੁਲਾਇਆ ਗਿਆ ਤਾਂ ਜੋ ਇਨ੍ਹਾਂ ਲੱਖਾਂ ਮੱਖੀਆਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਕਾਬੂ ਕੀਤਾ ਜਾ ਸਕੇ। ਪੁਲਿਸ ਨੇ ਸੜਕ ਦੇ ਉਸ ਹਿੱਸੇ ਨੂੰ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਹੈ ਤਾਂ ਜੋ ਕੋਈ ਵਾਹਨ ਚਾਲਕ ਇਨ੍ਹਾਂ ਦੇ ਹਮਲੇ ਦਾ ਸ਼ਿਕਾਰ ਨਾ ਹੋਵੇ। ਦੱਸਿਆ ਜਾ ਰਿਹਾ ਹੈ ਕਿ ਮੱਖੀਆਂ ਦੀ ਵੱਡੀ ਗਿਣਤੀ ਕਾਰਨ ਬਚਾਅ ਕਾਰਜਾਂ ਵਿੱਚ ਕਾਫੀ ਦਿੱਕਤਾਂ ਪੇਸ਼ ਆ ਰਹੀਆਂ ਹਨ। ਅਧਿਕਾਰੀਆਂ ਵੱਲੋਂ ਟਰੱਕ ਵਿਚ ਲੱਦੇ ਛੱਤਿਆਂ ਦੇ ਮਾਲਕ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ। ਹਾਦਸੇ ਵਾਲੀ ਥਾਂ ’ਤੇ ਤਸਵੀਰ ਖਿੱਚਣ ਪੁੱਜੇ ਕਈ ਫੋਟੋ ਪੱਤਰਕਾਰ ਵੀ ਮਧੂ-ਮੱਖੀਆਂਦੇ ਤਿੱਖੇ ਡੰਗ ਦਾ ਸ਼ਿਕਾਰ ਬਣ ਗਏ ਪਰ ਮਾਮਲਾ ਗੰਭੀਰ ਹੋਣ ਤੋਂ ਬਚਾਅ ਰਿਹਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।