ਬੰਗਲਾਦੇਸ਼ ''ਚ ਤੇਜ਼ੀ ਨਾਲ ਵਧੀ ''ਮੇਥ'' ਨਸ਼ੇ ਦੀ ਵਰਤੋਂ ਅਤੇ ਵਪਾਰ, ਅਧਿਕਾਰੀਆਂ ਦੀ ਵਧੀ ਚਿੰਤਾ

ਢਾਕਾ (ਏ.ਐੱਨ.ਆਈ.): ਬੰਗਲਾਦੇਸ਼ ਵਿਚ ਬਹੁਤ ਜ਼ਿਆਦਾ ਨਸ਼ੇ ਵਾਲੀ ਦਵਾਈ ਮੇਥਮਫੇਟਾਮਾਈਨ ਜਿਸ ਨੂੰ 'ਮੇਥ' ਵੀ ਕਿਹਾ ਜਾਂਦਾ ਹੈ, ਦੇ ਵੱਧਦੇ ਵਪਾਰ ਅਤੇ ਵਰਤੋਂ ਨੇ ਬੰਗਲਾਦੇਸ਼ੀ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਦੀ ਚਿੰਤਾ ਵਧਾ ਦਿੱਤੀ ਹੈ। ਢਾਕਾ ਟ੍ਰਿਬਿਊਨ ਦੀ ਰਿਪੋਰਟ ਮੁਤਾਬਕ ਅਧਿਕਾਰੀਆਂ ਨੂੰ ਪਤਾ ਚੱਲਿਆ ਕਿ ਮੇਥ ਦਵਾਈ ਜੋ ਮੇਥਾਮਫੇਟਾਮਾਈਨ ਅਤੇ ਕੈਫੀਨ ਦਾ ਮਿਸ਼ਰਨ ਹੈ ਜੋ ਜ਼ਿਆਦਾ ਸ਼ੁੱਧ ਅਤੇ ਸ਼ਕਤੀਸ਼ਾਲੀ ਨਸ਼ੇ ਦੇ ਤੌਰ 'ਤੇ ਪ੍ਰਚਲਿਤ ਹੋ ਰਹੀ ਹੈ।

ਢਾਕਾ ਟ੍ਰਿਬਿਊਨ ਨੇ ਉੱਚ ਰੈਕਿੰਗ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਦੇ ਹਵਾਲੇ ਨਾਲ ਦੱਸਿਆ ਕਿ ਮਹਿੰਗਾ ਨਸ਼ਾ ਹੋਣ ਕਾਰਨ ਮੇਥ ਦੇ ਜ਼ਿਆਦਾ ਖਪਤਕਾਰ ਸੰਪੰਨ ਪਰਿਵਾਰਾਂ ਦੇ ਨੌਜਵਾਨ ਹੀ ਹਨ। ਖਪਤਕਾਰਾਂ ਮੁਤਾਬਕ ਮੇਥ ਵਿਚ ਨਾੜੀ ਉਤੇਜਕ ਤੱਤ ਯਾਬਾ ਦਵਾਈ ਦੀ ਤੁਲਨਾ ਵਿਚ 20 ਗੁਣਾ ਜ਼ਿਆਦਾ ਵੱਧ ਸ਼ਕਤੀਸ਼ਾਲੀ ਹੈ ਜੋ ਤੁਰੰਤ ਉਤਸ਼ਾਹ ਦੀ ਭਾਵਨਾ ਪੈਦਾ ਕਰਦਾ ਹੈ। ਵੀਰਵਾਰ ਨੂੰ ਨਾਰਕੋਟਿਕਸ ਕੰਟਰੋਲ ਵਿਭਾਗ (ਡੀ.ਐੱਨ.ਸੀ.) ਨੇ ਇਕ ਔਰਤ ਅਤੇ ਉਸ ਦੇ ਜਵਾਈ ਨੂੰ 1 ਕਰੋੜ ਰੁਪਏ ਦੇ ਨਸ਼ੇ ਦੇ ਨਾਲ ਗ੍ਰਿਫ਼ਤਾਰ ਕੀਤਾ ਸੀ।

ਪੜ੍ਹੋ ਇਹ ਅਹਿਮ ਖਬਰ- ਚੀਨ 'ਚ ਚੱਲ ਰਹੀ ਅਸਲੀ Squid Game, ਇੰਝ ਵੇਚੇ ਜਾ ਰਹੇ ਹਨ ਕੈਦੀਆਂ ਦੇ ਅੰਗ

ਜਾਤਰਾਬਾੜੀ ਵਿਚ ਛਾਪੇਮਾਰੀ ਦੌਰਾਨ ਕੁਲੀਨ ਬਲ ਨੇ 5 ਕਿਲੋ ਡਰਗੱਜ਼ ਆਈਸ ਵੀ ਬਰਾਮਦ ਕੀਤਾ ਸੀ ਅਤੇ 2 ਲੋਕਾਂ, ਮੁਹੰਮਦ ਹੁਸੈਨ ਉਰਫ ਖੋਕੋਨ ਅਤੇ ਮੁਹੰਮਦ ਰਫੀਕ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਖੋਕੋਨ 'ਤੇ ਮੇਥ ਡਰੱਗ ਦੀ ਸਪਲਾਈ ਕਰਨ ਵਾਲੇ ਇਕ ਗਿਰੋਹ ਵਿਚ ਸ਼ਾਮਲ ਦਾ ਸ਼ੱਕ ਹੈ। ਇਸ ਵਿਚਕਾਰ ਸ਼ਨੀਵਾਰ ਨੂੰ ਰੈਪਿਡ ਐਕਸ਼ਨ ਬਟਾਲੀਅਨ (ਆਰ.ਏ.ਬੀ.) ਨੇ 12.5 ਕਰੋੜ ਰੁਪਏ ਕੀਮਤ ਦੀ ਮੇਥ ਦਵਾਈ ਦੀ ਜ਼ਬਤ ਕੀਤੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਦਵਾਈ ਦੀ ਲੰਬੇ ਸਮੇਂ ਤੱਕ ਵਰਤੋਂ ਧਮਨੀਆਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ, ਜਿਸ ਦੇ ਨਤੀਜੇ ਵਜੋਂ ਬਲੀਡਿੰਗ ਹੋ ਸਕਦੀ ਹੈ ਅਤੇ ਦਿਲ, ਗੁਰਦੇ ਅਤੇ ਲੀਵਰ ਨੂੰ ਗੰਭੀਰ ਨੁਕਸਾਨ ਹੋ ਸਕਦਾ ਹੈ। ਢਾਕਾ ਟ੍ਰਿਬਿਊਨ ਦੀ ਰਿਪੋਰਟ ਮੁਤਾਬਕ ਹਾਲ ਹੀ ਵਿਚ ਅਧਿਕਾਰੀਆਂ ਨੇ ਕ੍ਰਿਸਟਲ ਮੇਥ ਦੀਆਂ 13 ਖੇਪਾਂ ਨੂੰ ਵੀ ਢਾਕਾ ਵਿਚ ਫੜਿਆ ਹੈ ਜਿਹਨਾਂ ਵਿਚੋਂ ਸਾਰੇ ਕਥਿਤ ਤੌਰ 'ਤੇ ਮਿਆਂਮਾਰ ਤੋਂ ਆਏ ਸਨ।