ਆਸਟ੍ਰੇਲੀਆ ਨੇ 'ਮੰਕੀਪਾਕਸ' ਨੂੰ ਰਾਸ਼ਟਰੀ ਪੱਧਰ 'ਤੇ ਛੂਤਕਾਰੀ ਬੀਮਾਰੀ ਕੀਤਾ ਘੋਸ਼ਿਤ

ਕੈਨਬਰਾ (ਵਾਰਤਾ) ਆਸਟ੍ਰੇਲੀਆਈ ਸਰਕਾਰ ਨੇ ਵੀਰਵਾਰ ਨੂੰ ਮੰਕੀਪਾਕਸ ਨੂੰ ਰਾਸ਼ਟਰੀ ਪੱਧਰ 'ਤੇ ਇੱਕ ਛੂਤਕਾਰੀ ਬੀਮਾਰੀ ਘੋਸ਼ਿਤ ਕੀਤਾ।ਇਹ ਕਦਮ ਜੋ ਕਿ ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਇਸ ਨੂੰ ਅੰਤਰਰਾਸ਼ਟਰੀ ਚਿੰਤਾ ਦੀ ਜਨਤਕ ਸਿਹਤ ਐਮਰਜੈਂਸੀ ਘੋਸ਼ਿਤ ਕਰਨ ਤੋਂ ਕੁਝ ਦਿਨ ਬਾਅਦ ਆਇਆ ਹੈ, ਇਸ ਦਾ ਮਤਲਬ ਹੈ ਕਿ ਸੰਘੀ ਸਰਕਾਰ ਨੂੰ ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਰਾਸ਼ਟਰੀ ਨੀਤੀ, ਦਖਲਅੰਦਾਜ਼ੀ ਅਤੇ ਜਨਤਕ ਸੰਦੇਸ਼ ਨੂੰ ਲਾਗੂ ਕਰਨਾ ਚਾਹੀਦਾ ਹੈ।

ਆਸਟ੍ਰੇਲੀਆ ਵਿੱਚ ਮੰਕੀਪਾਕਸ ਦੇ 44 ਕੇਸਾਂ ਦੀ ਪੁਸ਼ਟੀ ਹੋਈ ਹੈ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਯਾਤਰੀ ਸਨ, ਜੋ ਹਾਲ ਹੀ ਵਿੱਚ ਵਿਦੇਸ਼ਾਂ ਤੋਂ ਵਾਪਸ ਆਏ ਸਨ। ਆਸਟ੍ਰੇਲੀਆ ਵਿੱਚ ਮੰਕੀਪਾਕਸ ਦੇ ਜ਼ਿਆਦਾਤਰ ਮਾਮਲੇ 21 ਤੋਂ 40 ਸਾਲ ਦੀ ਉਮਰ ਦੇ ਲੋਕਾਂ ਵਿੱਚ ਸਨ।ਮੁੱਖ ਮੈਡੀਕਲ ਅਫਸਰ (ਸੀਐਮਓ) ਪੌਲ ਕੈਲੀ, ਜਿਸ ਨੇ ਇਹ ਘੋਸ਼ਣਾ ਕੀਤੀ, ਨੇ ਕਿਹਾ ਕਿ ਮੰਕੀਪਾਕਸ ਕੋਵਿਡ-19 ਨਾਲੋਂ “ਬਹੁਤ ਘੱਟ ਨੁਕਸਾਨਦੇਹ” ਹੈ ਅਤੇ ਮੌਜੂਦਾ ਪ੍ਰਕੋਪ ਦੌਰਾਨ “ਉਨ੍ਹਾਂ ਦੇਸ਼ਾਂ ਤੋਂ ਬਾਹਰ ਜਿੱਥੇ ਵਾਇਰਸ ਮਹਾਮਾਰੀ ਹੈ” ਕਾਰਨ ਮੌਤਾਂ ਨਹੀਂ ਹੋਈਆਂ ਹਨ।ਉਹਨਾਂ ਨੇ ਕਿਹਾ ਕਿ ਮੰਕੀਪਾਕਸ ਵੀ ਕੋਵਿਡ-19 ਵਾਂਗ ਨਹੀਂ ਫੈਲਦਾ ਅਤੇ ਬਹੁਤ ਘੱਟ ਪ੍ਰਸਾਰਿਤ ਹੁੰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਮੰਕੀਪਾਕਸ ਦੇ ਮਾਮਲਿਆਂ ਨਾਲ ਆਸਟ੍ਰੇਲੀਆ ਦੁਨੀਆ ਦਾ 24ਵਾਂ ਸਭ ਤੋਂ ਵੱਧ ਸੰਕਰਮਿਤ ਦੇਸ਼
 
ਉਹਨਾਂ ਨੇ ਅੱਗੇ ਕਿਹਾ ਕਿ ਮੰਕੀਪਾਕਸ ਦੇ ਧੱਫੜ ਅਤੇ ਫਲੂ ਵਰਗੇ ਲੱਛਣ ਮੁਕਾਬਲਤਨ ਹਲਕੇ ਹੁੰਦੇ ਹਨ ਅਤੇ ਜ਼ਿਆਦਾਤਰ ਮਾਮਲਿਆਂ ਵਿੱਚ ਖਾਸ ਇਲਾਜਾਂ ਦੀ ਲੋੜ ਤੋਂ ਬਿਨਾਂ ਦੋ ਤੋਂ ਚਾਰ ਹਫ਼ਤਿਆਂ ਵਿੱਚ ਆਪਣੇ ਆਪ ਠੀਕ ਹੋ ਜਾਂਦੇ ਹਨ।ਅਧਿਕਾਰੀ ਨੇ ਅੱਗੇ ਕਿਹਾ ਕਿ  ਰਾਜਾਂ ਅਤੇ ਪ੍ਰਦੇਸ਼ਾਂ ਨੂੰ ਉਨ੍ਹਾਂ ਦੇ ਅਧਿਕਾਰ ਖੇਤਰਾਂ ਦੇ ਅੰਦਰ ਪ੍ਰਕੋਪ ਦੇ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਬੰਧਨ ਕਰਨ ਵਿੱਚ ਸਹਾਇਤਾ ਕਰਨ ਲਈ ਰਾਸ਼ਟਰੀ ਤਾਲਮੇਲ ਪ੍ਰਦਾਨ ਕਰਨ ਲਈ ਰਾਸ਼ਟਰੀ ਘਟਨਾ ਕੇਂਦਰ ਨੂੰ ਐਕਟਿਵ ਕੀਤਾ ਗਿਆ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।