ਕੰਤਾਸ ਨੇ ਜੁਲਾਈ 2021 ਤੋਂ ਅੰਤਰਰਾਸ਼ਟਰੀ ਉਡਾਣਾਂ ਲਈ ਬੁਕਿੰਗ ਕੀਤੀ ਸ਼ੁਰੂ

ਸਿਡਨੀ (ਬਿਊਰੋ): ਕੰਤਾਸ ਨੇ ਇਸ ਸਾਲ ਜੁਲਾਈ ਤੋਂ ਅੰਤਰਰਾਸ਼ਟਰੀ ਉਡਾਣਾਂ ਲਈ ਬੁਕਿੰਗ ਦੁਬਾਰਾ ਖੋਲ੍ਹ ਦਿੱਤੀ ਹੈ। ਕੋਰੋਨਾ ਲਾਗ ਦੀ ਬੀਮਾਰੀ ਦੇ ਕਾਰਨ ਆਸਟ੍ਰੇਲੀਆਈ ਏਅਰਲਾਈਨ ਮਹੀਨਿਆਂ ਤੋਂ ਬੰਦ ਸੀ ਪਰ ਹੁਣ 2021 ਦੇ ਮੱਧ ਤੋਂ ਇਸ ਦੀ ਬੁਕਿੰਗ ਦੁਬਾਰਾ ਖੋਲ੍ਹ ਦਿੱਤੀ ਗਈ ਹੈ। ਹੁਣ 1 ਜੁਲਾਈ ਤੋਂ ਅਮਰੀਕਾ ਅਤੇ ਯੂਕੇ ਸਮੇਤ ਵਿਦੇਸ਼ੀ ਉਡਾਣਾਂ ਬੁੱਕ ਕਰਨਾ ਸੰਭਵ ਹੈ।

ਏਅਰਲਾਈਨ ਨੇ ਪਿਛਲੇ ਕੁਝ ਮਹੀਨਿਆਂ ਤੋਂ ਬਹੁਤ ਘੱਟ ਪਰਤਣ ਵਾਲੀਆਂ ਉਡਾਣਾਂ ਸ਼ੁਰੂ ਕੀਤੀਆਂ ਹਨ ਪਰ ਹੋਰ ਸਾਰੀਆਂ ਅੰਤਰਰਾਸ਼ਟਰੀ ਉਡਾਣਾਂ ਬੰਦ ਹਨ। ਕੰਤਾਸ ਨੇ ਅੱਜ ਕਿਹਾ ਕਿ ਅੰਤਰਰਾਸ਼ਟਰੀ ਉਡਾਣਾਂ ਦੀ ਮੁੜ ਬਹਾਲੀ ਟੀਕਾਕਰਨ ਦੀ ਸ਼ੁਰੂਆਤ ਅਤੇ ਅੰਤਰਰਾਸ਼ਟਰੀ ਸਰਹੱਦਾਂ ਦੇ ਮੁੜ ਖੋਲ੍ਹਣ ਦੇ ਅਧੀਨ ਹੋਵੇਗੀ।ਇਕ ਬਿਆਨ ਵਿਚ ਕਿਹਾ ਗਿਆ,“ਅਸੀਂ ਵਿਕਾਸਸ਼ੀਲ ਕੋਵਿਡ-19 ਸਥਿਤੀ ਦੇ ਜਵਾਬ ਵਿਚ ਆਪਣੀ ਅੰਤਰਰਾਸ਼ਟਰੀ ਅਨੁਸੂਚੀ ਦੀ ਸਮੀਖਿਆ ਅਤੇ ਅਪਡੇਟ ਕਰਨਾ ਜਾਰੀ ਰੱਖਦੇ ਹਾਂ। ਹਾਲ ਹੀ ਵਿਚ ਅਸੀਂ ਆਪਣੀ ਅੰਤਰਰਾਸ਼ਟਰੀ ਸੇਵਾਵਾਂ ਦੀ ਵਿਕਰੀ ਨੂੰ ਆਪਣੀ ਆਸ ਨੂੰ ਦਰਸਾਉਣ ਲਈ ਜੋੜਿਆ ਹੈ ਕਿ ਅੰਤਰਰਾਸ਼ਟਰੀ ਯਾਤਰਾ ਜੁਲਾਈ 2021 ਤੋਂ ਮੁੜ ਸ਼ੁਰੂ ਹੋਣੀ ਹੈ।”

ਪੜ੍ਹੋ ਇਹ ਅਹਿਮ ਖਬਰ- ਕਤਰ-ਸਾਊਦੀ ਦੀ ਦੂਰ ਹੋਵੇਗੀ 3 ਸਾਲ ਪੁਰਾਣੀ ਖਟਾਸ, ਟਰੰਪ ਦੇ ਜਵਾਈ ਅੱਜ ਕਰਾਉਣਗੇ ਸਮਝੌਤਾ

ਕੰਤਾਸ ਨੇ ਕਿਹਾ ਕਿ ਇਸ ਦੀਆਂ ਮਾਰਚ ਦੀਆਂ ਕੁਝ ਉਡਾਣਾਂ ਸਨ, ਜੋ ਜੁਲਾਈ ਤੱਕ ਪੈਂਡਿੰਗ ਕਰ ਦਿੱਤੀਆਂ ਗਈਆਂ ਹਨ।ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਜਦੋਂ ਤੱਕ ਕੋਈ ਟੀਕਾ ਨਹੀਂ ਮਿਲ ਜਾਂਦਾ ਉਦੋਂ ਤੱਕ ਕੌਮਾਂਤਰੀ ਯਾਤਰਾ ਦੁਬਾਰਾ ਸ਼ੁਰੂ ਨਹੀਂ ਕੀਤੀ ਜਾਵੇਗੀ।ਸਾਵਧਾਨੀ ਦੇ ਤਹਿਤ ਵਿਸ਼ਵ ਟੀਕਾਕਰਨ ਸਰਟੀਫਿਕੇਟ ਵੀ ਮੰਗਿਆ ਗਿਆ ਹੈ। ਗੌਰਤਲਬ ਹੈ ਕਿ ਆਸਟ੍ਰੇਲੀਆ ਨੇ ਅਜੇ ਤੱਕ ਕਿਸੇ ਟੀਕੇ ਨੂੰ ਪ੍ਰਵਾਨਗੀ ਨਹੀਂ ਦਿੱਤੀ ਹੈ, ਪਰ ਦੂਜੇ ਦੇਸ਼ ਪਹਿਲਾਂ ਹੀ ਇਸ ਦੀ ਸ਼ੁਰੂਆਤ ਕਰ ਚੁੱਕੇ ਹਨ।