ਆਸਟ੍ਰੇਲੀਆ ''ਚ ਕੋਵਿਡ ਟੀਕਾ ਲਗਵਾਉਣ ਤੋਂ ਬਾਅਦ 2 ਹੋਰ ਵਿਅਕਤੀਆਂ ਦੀ ਮੌਤ
04/29/2021 7:03:09 PM
ਸਿਡਨੀ (ਭਾਸ਼ਾ): ਆਸਟ੍ਰੇਲੀਆ ਦੇ ਰਾਜ ਨਿਊ ਸਾਬਥ ਵੇਲਜ਼ (ਐਨ.ਐਸ.ਡਬਲਊ.) ਵਿਚ ਦੋ ਹੋਰ ਵਿਅਕਤੀਆਂ ਦੀ ਮੌਤ ਕੋਵਿਡ-19 ਟੀਕੇ ਲੱਗਣ ਤੋਂ ਕੁਝ ਦਿਨ ਬਾਅਦ ਹੋ ਗਈ। ਸਿਹਤ ਅਧਿਕਾਰੀ ਤੁਰੰਤ ਉਨ੍ਹਾਂ ਦੀ ਮੌਤ ਦੇ ਕਾਰਨਾਂ ਦੀ ਜਾਂਚ ਕਰ ਰਹੇ ਹਨ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ, 21 ਅਪ੍ਰੈਲ ਨੂੰ ਉੱਤਰ ਪੂਰਬ ਦੇ ਐਨ.ਐਸ.ਡਬਲਊ. ਦੇ ਇਕ ਹਸਪਤਾਲ ਵਿਚ ਇਕ ਵਿਅਕਤੀ ਦੀ ਮੌਤ ਟੀਕਾ ਪ੍ਰਾਪਤ ਕਰਨ ਤੋਂ ਅੱਠ ਦਿਨਾਂ ਬਾਅਦ ਹੋ ਗਈ ਕਿਉਂਕਿ ਉਸ ਦੇ ਫੇਫੜਿਆਂ ਵਿਚ ਖੂਨ ਦੇ ਥੱਕੇ ਜੰਮ ਗਏ ਸਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਉਸ ਨੂੰ ਫੇਫੜੇ ਦੀ ਸਮੱਸਿਆ ਨਹੀਂ ਸੀ ਹੋਈ।
ਸਥਾਨਕ ਮੀਡੀਆ ਅਨੁਸਾਰ ਇਸ ਪੜਾਅ 'ਤੇ ਇਹ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕਿ 55 ਸਾਲਾ ਬਜ਼ੁਰਗ ਨੂੰ ਟੀਕਾ ਕਿਹੜੇ ਬ੍ਰਾਂਡ ਦਾ ਲਗਾਇਆ ਗਿਆ ਸੀ।ਥੈਰੇਪੈਟਿਕ ਗੁੱਡਜ਼ ਐਡਮਿਨਿਸਟ੍ਰੇਸ਼ਨ (TGA) ਨੇ ਇਸ ਕੇਸ ਦੇ ਜਵਾਬ ਵਿਚ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ,“ਟੀਕਾਕਰਣ ਤੋਂ ਬਾਅਦ ਮੌਤ ਦੇ ਟੀ.ਜੀ.ਏ. ਦੀਆਂ ਸਾਰੀਆਂ ਰਿਪੋਰਟਾਂ ਦੀ ਪੜਤਾਲ ਕੀਤੀ ਜਾਂਦੀ ਹੈ। ਦੂਸਰਾ ਵਿਅਕਤੀ, ਜਿਸ ਦੀ ਉਮਰ 71 ਸਾਲ ਸੀ ਅਤੇ ਉਸ ਨੂੰ ਕਥਿਤ ਤੌਰ 'ਤੇ ਸਿਹਤ ਸੰਬੰਧੀ ਸਮੱਸਿਆਵਾਂ ਸਨ, ਦੀ ਐਸਟੈਰਾਜ਼ੈਨੇਕਾ ਟੀਕਾ ਲੱਗਣ ਤੋਂ ਬਾਅਦ ਸਿਡਨੀ ਵਿਚ ਮੌਤ ਹੋ ਗਈ। ਆਪਣੀ ਮੌਤ ਦੇ ਸਮੇਂ ਵਿਅਕਤੀ ਨੂੰ ਸਿਹਤ ਸੰਬੰਧੀ ਕਈ ਸਮੱਸਿਆਵਾਂ ਸਨ।
ਪੜ੍ਹੋ ਇਹ ਅਹਿਮ ਖਬਰ- ਕੈਨੇਡਾ 'ਚ ਵਧਿਆ ਕੋਵਿਡ ਦਾ ਕਹਿਰ, ਮਾਮਲੇ 1.2 ਮਿਲੀਅਨ ਤੋਂ ਪਾਰ
ਐਨ.ਐਸ.ਡਬਲਊ. ਦੇ ਸਿਹਤ ਅਧਿਕਾਰੀਆਂ ਦੁਆਰਾ ਮਾਹਰਾਂ ਦਾ ਇੱਕ ਪੈਨਲ ਬੁਲਾਇਆ ਗਿਆ ਸੀ ਤਾਂ ਕਿ ਉਹ ਸਥਿਤੀ ਦਾ ਮੁਲਾਂਕਣ ਕਰ ਸਕਣ ਅਤੇ ਇਹ ਨਿਰਧਾਰਿਤ ਕਰਨ ਕੀ ਮੌਤ ਟੀਕਾਕਰਨ ਨਾਲ ਜੁੜੀ ਸੀ ਜਾਂ ਨਹੀਂ। ਜਾਂਚ ਦੇ ਨਤੀਜੇ ਟੀਜੀਏ ਨੂੰ ਦਿੱਤੇ ਜਾਣਗੇ। ਟੀਜੀਏ, ਹਾਲਾਂਕਿ, ਪਹਿਲਾਂ ਹੀ ਐਸਟ੍ਰਾਜ਼ੈਨੇਕਾ ਟੀਕਾ ਅਤੇ ਇੱਕ 48 ਸਾਲਾ ਐਨ.ਐਸ.ਡਬਲਊ.ਔਰਤ ਦੀ ਮੌਤ ਦੇ ਵਿਚਕਾਰ ਇੱਕ ਸੰਭਾਵਿਤ ਸੰਬੰਧ ਨੂੰ ਖ਼ਤਮ ਕਰ ਚੁੱਕਾ ਹੈ, ਜਿਸ ਦੀ ਟੀਕਾ ਪ੍ਰਾਪਤ ਕਰਨ ਤੋਂ ਇੱਕ ਦਿਨ ਬਾਅਦ ਖੂਨ ਦੇ ਥੱਕੇ ਬਣਨ ਮਗਰੋਂ ਹਸਪਤਾਲ ਵਿਚ ਮੌਤ ਹੋ ਗਈ ਸੀ।
ਖੂਨ ਦੇ ਥੱਕੇ ਬਨਣ ਦੇ ਹੋਰ ਤਿੰਨ ਕੇਸ, ਜਿਨ੍ਹਾਂ ਵਿਚ ਇਕ 35 ਸਾਲਾ ਔਰਤ, ਇਕ 49 ਸਾਲਾ ਵਿਅਕਤੀ ਅਤੇ ਇਕ 80 ਸਾਲਾ ਵਿਅਕਤੀ ਵੀ ਸ਼ਾਮਲ ਹਨ, ਦੀ ਸੰਭਾਵਨਾ ਵੀ ਐਸਟ੍ਰੈਜ਼ੇਨੇਕਾ ਟੀਕਾ ਨਾਲ ਜੁੜੀ ਹੋਈ ਸੀ। ਟੀਜੀਏ ਨੇ ਕਿਹਾ,"ਸਾਰੇ ਤਿੰਨ ਮਰੀਜ਼ ਮੈ਼ਡੀਕਲ ਤੌਰ 'ਤੇ ਸਥਿਰ ਹਨ, ਉਨ੍ਹਾਂ ਨੇ ਇਲਾਜ ਪ੍ਰਤੀ ਚੰਗਾ ਹੁੰਗਾਰਾ ਦਿੱਤਾ ਹੈ ਅਤੇ ਠੀਕ ਹੋ ਰਹੇ ਹਨ।"
ਟੀਜੀਏ ਨੋਟ ਕਰਦਾ ਹੈ ਕਿ ਐਸਟ੍ਰਾਜ਼ੇਨੇਕਾ ਟੀਕਾ ਪ੍ਰਤੀ ਅਕਸਰ ਪ੍ਰਤੀਕ੍ਰਿਆਤਮਕ ਪ੍ਰਤੀਕਰਮ ਹੈ ਜਿਸ ਵਿਚ ਸਿਰਦਰਦ, ਬੁਖਾਰ, ਮਾਸਪੇਸ਼ੀਆਂ ਵਿਚ ਦਰਦ, ਠੰਡ ਅਤੇ ਥਕਾਵਟ ਮੁੱਖ ਹਨ। ਦੂਜੇ ਪਾਸੇ ਆਸਟ੍ਰੇਲੀਆ ਦੇ ਸਿਹਤ ਅਧਿਕਾਰੀਆਂ ਨੇ ਪਹਿਲਾਂ ਹੀ ਐਸਟ੍ਰਾਜ਼ੇਨੇਕਾ ਕੋਰੋਨਾ ਵਾਇਰਸ ਟੀਕੇ ਦੀ ਵਰਤੋਂ 50 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਕਰਨ ਦੀ ਸਿਫਾਰਿਸ਼ ਕੀਤੀ ਸੀ, ਜਦੋਂ ਕਿ ਫਾਈਜ਼ਰ ਜੈਬ ਛੋਟੇ ਆਸਟ੍ਰੇਲੀਆਈ ਲੋਕਾਂ ਦੁਆਰਾ ਲਿਆਇਆ ਜਾਵੇ।
ਨੋਟ - ਆਸਟ੍ਰੇਲੀਆ 'ਚ ਕੋਵਿਡ ਟੀਕਾ ਲਗਵਾਉਣ ਤੋਂ ਬਾਅਦ 2 ਹੋਰ ਵਿਅਕਤੀਆਂ ਦੀ ਮੌਤ ,ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
