ਪੁਲਾੜ ਯਾਤਰੀ ਜੇਰੇਮੀ ਹੈਨਸਨ ਦਾ ਮਾਪਿਆਂ ਨੂੰ ਸੰਦੇਸ਼- ‘ਮੈਂ ਬਹੁਤ ਵਧੀਆ ਸਮਾਂ ਬਿਤਾ ਰਿਹਾ ਹਾਂ’

ਵੈਨਕੂਵਰ (ਮਲਕੀਤ ਸਿੰਘ)  ਚੰਦਰਮਾ ਦੇ ਮਿਸ਼ਨ 'ਤੇ ਗਏ ਕਨੇਡਾ ਦੇ ਪੁਲਾੜ ਯਾਤਰੀ ਜੇਰਮੀ ਹੈਨਸਨ ਨੇ ਆਪਣੇ ਮਾਤਾ-ਪਿਤਾ ਨੂੰ ਭੇਜੇ ਇਕ ਭਾਵੁਕ ਸੰਦੇਸ਼ ਵਿੱਚ ਕਿਹਾ ਹੈ ਕਿ ਉਹ ਪੁਲਾੜ ਵਿੱਚ 'ਬਹੁਤ ਵਧੀਆ ਸਮਾਂ ਬਿਤਾ ਰਹੇ ਹਨ'। ਇਹ ਸੰਦੇਸ਼ ਉਸ ਸਮੇਂ ਭੇਜਿਆ ਗਿਆ ਜਦੋਂ ਉਹ ਨਾਸਾ ਦੇ 'ਆਰਟੇਮਿਸ-2' ਮਿਸ਼ਨ ਦੌਰਾਨ ਧਰਤੀ ਤੋਂ ਕਾਫ਼ੀ ਦੂਰ, ਚੰਦਰਮਾ ਦੇ ਨੇੜੇ ਆਪਣੀ ਯਾਤਰਾ ਕਰ ਰਹੇ ਹਨ। ਇਹ ਸੰਦੇਸ਼ ਈਮੇਲ ਰਾਹੀਂ ਭੇਜਿਆ ਗਿਆ, ਜਿਸਨੂੰ 'ਆਉਟ-ਆਫ-ਦਿਸ-ਵਰਲਡ'  ਪਲ ਵਜੋਂ ਵੇਖਿਆ ਜਾ ਰਿਹਾ ਹੈ।

 ਪੜ੍ਹੋ ਇਹ ਅਹਿਮ ਖ਼ਬਰ-  ਕਪੂਰਥਲਾ ਦੀ ਸੁਖਮਨ ਕੌਰ ਨੇ ਵਧਾਇਆ ਮਾਣ,  ਇਟਲੀ ਪੁਲਿਸ 'ਚ ਹੋਈ ਭਰਤੀ

ਦੱਸਿਆ ਜਾ ਰਿਹਾ ਹੈ ਕਿ ਹੈਨਸਨ ਨੇ ਆਪਣੇ ਸੰਦੇਸ਼ ਵਿੱਚ ਪਰਿਵਾਰ ਨੂੰ ਆਪਣੀ ਖੈਰ-ਖ਼ਬਰ ਦਿੱਤੀ ਅਤੇ ਇਸ ਵਿਲੱਖਣ ਅਨੁਭਵ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰਦਿਆਂ ਕਿਹਾ ਕਿ ਇਹ ਯਾਤਰਾ ਉਸਦੀ ਜ਼ਿੰਦਗੀ ਦੇ ਸਭ ਤੋਂ ਯਾਦਗਾਰ ਪਲਾਂ ਵਿੱਚੋਂ ਇੱਕ ਹੈ।ਇਸਦੇ ਨਾਲ ਹੀ, ਮਿਸ਼ਨ ਨਾਲ ਜੁੜੇ ਹੋਰ ਦ੍ਰਿਸ਼ਾਂ ਅਤੇ ਵੀਡੀਓਜ਼ ਵੀ ਸਾਹਮਣੇ ਆ ਰਹੇ ਹਨ, ਜਿਨ੍ਹਾਂ ਵਿੱਚ ਪੁਲਾੜ ਯਾਤਰੀਆਂ ਵੱਲੋਂ ਧਰਤੀ ਅਤੇ ਚੰਦਰਮਾ ਦੇ ਮਨਮੋਹਕ ਨਜ਼ਾਰੇ ਸਾਂਝੇ ਕੀਤੇ ਗਏ ਹਨ। ਨਾਸਾ ਦਾ ਇਹ 'ਆਰਟੇਮਿਸ-2 ਮਿਸ਼ਨ' ਮਨੁੱਖੀ ਪੁਲਾੜ ਯਾਤਰਾ ਦੇ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ, ਜੋ ਭਵਿੱਖ ਵਿੱਚ ਚੰਦਰਮਾ ’ਤੇ ਮਨੁੱਖੀ ਮੌਜੂਦਗੀ ਨੂੰ ਮੁੜ ਸਥਾਪਿਤ ਕਰਨ ਦੇ ਮੰਤਵ ਨੂੰ ਅੱਗੇ ਵਧਾਉਂਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।