ਨਿਊਯਾਰਕ ਹਮਲੇ ''ਚ ਸ਼ਾਮਲ ਇਕ ਹੋਰ ਵਿਅਕਤੀ ਨੂੰ ਐੱਫ. ਬੀ. ਆਈ. ਨੇ ਲੱਭ ਲਿਆ

ਨਿਊਯਾਰਕ,(ਵਾਰਤਾ)— ਅਮਰੀਕਾ ਦੇ ਨਿਆ ਵਿਭਾਗ ਦੇ ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਘੋਸ਼ਣਾ ਕੀਤੀ ਹੈ ਕਿ ਨਿਊਯਾਰਕ ਅੱਤਵਾਦੀ ਹਮਲੇ 'ਚ ਉਨ੍ਹਾਂ ਨੂੰ ਉਜ਼ਬੇਕਿਸਤਾਨ ਦੇ ਜਿਸ ਦੂੱਜੇ ਵਿਅਕਤੀ ਦੀ ਤਲਾਸ਼ ਸੀ, ਉਸ ਨੂੰ ਉਨ੍ਹਾਂ ਨੇ ਲੱਭ ਲਿਆ ਹੈ। ਇਸ ਹਮਲੇ 'ਚ 8 ਲੋਕਾਂ ਦੀ ਮੌਤ ਹੋ ਗਈ ਸੀ। ਐੱਫ. ਬੀ. ਆਈ. ਨੇ 32 ਸਾਲ ਦਾ ਮੁਖ ਮਦਜੋਈਰ ਕਾਦੀਰੋਵ ਦੀ ਤਸਵੀਰ ਨਾਲ ਪੋਸਟਰ ਜਾਰੀ ਕੀਤੇ ਸਨ ਅਤੇ ਉਸ ਦੇ ਬਾਰੇ 'ਚ ਜਾਣਕਾਰੀ ਦੇਣ ਦੀ ਅਪੀਲ ਕੀਤੀ ਸੀ। ਐੱਫ. ਬੀ. ਆਈ. ਨਿਊਯਾਰਕ ਫੀਲਡ ਦਫਤਰ 'ਚ ਸਹਾਇਕ ਨਿਦੇਸ਼ਕ ਵਿਲੀਅਮ ਸਵੀਨੀ ਨੇ ਇਸ ਦੇ ਇਕ ਘੰਟੇ ਤੋਂ ਵੀ ਘੱਟ ਸਮੇਂ ਵਿਚ ਦੱਸਿਆ ਕਿ ਉਸਦਾ ਪਤਾ ਲੱਗਾ ਲਿਆ ਗਿਆ ਹੈ। ਸਵੀਨੀ ਨੇ ਪੱਤਰ ਪ੍ਰੇਰਕ ਸਮੇਲਨ ਵਿਚ ਕਿਹਾ, ''ਅਸੀਂ ਉਸ ਨੂੰ ਲੱਭ ਲਿਆ ਹੈ।''