ਸਿੰਧ ਪ੍ਰਾਂਤ ''ਚ ਪੋਲੀਓ ਵਾਇਰਸ ਤੋਂ ਇੱਕ ਹੋਰ ਬੱਚਾ ਗ੍ਰਸਤ

ਇਸਲਾਮਾਬਾਦ : ਪਾਕਿਸਤਾਨ ਦੇ ਸਿੰਧ ਸੂਬੇ ਵਿਚ ਇਕ ਹੋਰ ਬੱਚੇ ਦੇ ਪੋਲੀਓ ਵਾਇਰਸ ਨਾਲ ਸੰਕਰਮਿਤ ਹੋਣ ਦੇ ਮਾਮਲੇ ਤੋਂ ਬਾਅਦ ਇਸ ਸਾਲ ਅਜਿਹੇ ਮਾਮਲਿਆਂ ਦੀ ਗਿਣਤੀ 16 ਹੋ ਗਈ ਹੈ। ਇਸਲਾਮਾਬਾਦ ਵਿੱਚ ਨੈਸ਼ਨਲ ਇੰਸਟੀਚਿਊਟ ਆਫ਼ ਹੈਲਥ (ਐੱਨਆਈਐੱਚ) ਵਿਖੇ ਪੋਲੀਓ ਖਾਤਮੇ ਲਈ ਖੇਤਰੀ ਸੰਦਰਭ ਪ੍ਰਯੋਗਸ਼ਾਲਾ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਹੈਦਰਾਬਾਦ ਜ਼ਿਲ੍ਹੇ ਦੀ ਇੱਕ 29 ਮਹੀਨੇ ਦੀ ਲੜਕੀ ਦਾ ਟਾਈਪ-1 ਵਾਈਲਡ ਪੋਲੀਓਵਾਇਰਸ (ਡਬਲਯੂਪੀਵੀ1) ਲਈ ਸਕਾਰਾਤਮਕ ਟੈਸਟ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਹੈਦਰਾਬਾਦ ਵਿਚ ਪੋਲੀਓ ਵਾਇਰਸ ਦਾ ਇਹ ਪਹਿਲਾ ਮਾਮਲਾ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਦੇ 62 ਜ਼ਿਲ੍ਹਿਆਂ ਵਿਚ ਹੁਣ ਤੱਕ ਪੋਲੀਓ ਵਾਇਰਸ ਦਾ ਪਤਾ ਲੱਗਾ ਹੈ ਅਤੇ ਇਸ ਸਾਲ ਹੁਣ ਤੱਕ 16 ਬੱਚੇ ਇਸ ਤੋਂ ਪ੍ਰਭਾਵਿਤ ਹੋ ਚੁੱਕੇ ਹਨ, ਜੋ ਪੋਲੀਓ ਦੀ ਲਾਗ ਦੇ ਲਗਾਤਾਰ ਵੱਧ ਰਹੇ ਖ਼ਤਰੇ ਦਾ ਸੰਕੇਤ ਹੈ। ਪਿਛਲੇ ਸਾਲ ਦੇਸ਼ ਵਿੱਚ ਪੋਲੀਓ ਸੰਕਰਮਣ ਦੇ 28 ਮਾਮਲੇ ਦਰਜ ਕੀਤੇ ਗਏ ਸਨ।