ਭਾਈ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਬਰੇਸ਼ੀਆ ਦੇ ਨਾਮੀ ਭਾਰਤੀ ਰੈਸਟੋਰੈਂਟ ''ਚ ਹੋਇਆ ਨਿੱਘਾ ਸਵਾਗਤ

ਬਰੇਸ਼ੀਆ (ਕੈਂਥ)- ਦੁਨੀਆਂ ਵਿੱਚ ਵਿਰਲੇ ਹੀ ਅਜਿਹੇ ਸਖ਼ਸ ਹੁੰਦੇ ਹਨ ਜਿਹੜੇ ਆਪਣੀ ਕਲਾ ਨਾਲ ਕੌਮ ਲਈ ਮਾਣ ਦਾ ਸਵੱਬ ਬਣਦੇ ਹਨ, ਉਨ੍ਹਾਂ ਸਖ਼ਸੀਅਤਾਂ ਵਿੱਚ ਇੱਕ ਨਾਮ ਆਉਂਦਾ ਉੱਘੇ ਪੰਜਾਬੀ ਹਿੰਦੀ ਫਿਲਮਾਂ ਦੇ ਅਦਾਕਾਰ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਜਿਹਨਾਂ ਸਿੱਖੀ ਸਰੂਪ ਵਿੱਚ ਪੰਜਾਬੀ ਹਿੰਦੀ ਫਿਲਮਾਂ ਵਿੱਚ ਆਪਣੀ ਵੱਖਰੀ ਪ੍ਰਭਾਵਸ਼ਾਲੀ ਤੇ ਗੌਰਵਮਈ ਪਹਿਚਾਣ ਬਣਾਕੇ ਸਿੱਖ ਸਮਾਜ ਦੀ ਬੱਲੇ-ਬੱਲੇ ਕਰਾਈ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਭੋਜਪੁਰੀ ਗਾਇਕ ਨੇ Diljit ਦਾ ਉਡਾਇਆ ਮਜ਼ਾਕ, ਕਿਹਾ-ਸ਼ੋਅ ਛੱਡ...

ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਇਟਲੀ ਦੇ ਉੱਘੇ ਕਾਰੋਬਾਰੀ ਸਮਾਜ ਸੇਵਕ ਤੇ ਸ਼੍ਰੋਮਣੀ ਅਕਾਲੀ ਦਲ ਐਨ,ਆਰ,ਆਈ ਵਿੰਗ ਇਟਲੀ ਦੇ ਸਕੱਤਰ ਜਨਰਲ ਲਖਵਿੰਦਰ ਸਿੰਘ ਡੋਗਰਾ ਵਾਲਾ ਨੇ ਲੰਬਾਰਦੀਆਂ ਸੂਬੇ ਦੇ ਮਸ਼ਹੂਰ ਪੰਜਾਬੀ ਭਾਰਤੀ ਰੈਸਟੋਰੈਂਟ ਰੀਗਲ (ਬਰੇਸੀਆ)ਵਿਖੇ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਨਿੱਘਾ ਸਵਾਗਤ ਕਰਦਿਆਂ ਪ੍ਰੈੱਸ ਨਾਲ ਕੀਤਾ।ਡੋਗਰਾ ਵਾਲਾ ਨੇ ਕਿਹਾ ਕਿ ਬਿੱਲਾ ਨੂੰ ਸਿੱਖੀ ਸਰੂਪ ਵਿੱਚ ਅਭਿਨੈ ਕਰਦੇ ਦੇਖ ਹੋਰ ਵੀ ਬਹੁਤ ਸਾਰੇ ਸਿੱਖੀ ਸਰੂਪ ਵਾਲੇ ਕਲਾਕਾਰਾਂ ਦਾ ਹੌਸਲਾ ਵਧਿਆ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਸੰਨੀ ਲਿਓਨ ਨੇ ਮੁੜ ਕਰਵਾਇਆ ਵਿਆਹ! ਤਸਵੀਰਾਂ ਵਾਇਰਲ

ਇਸ ਮੌਕੇ ਅੰਮ੍ਰਿਤਪਾਲ ਸਿੰਘ ਬਿੱਲਾ ਨੇ ਰੀਗਲ ਰੈਸਟੋਰੈਂਟ ਬਰੇਸ਼ੀਆ ਪਹੁੰਚਣ ਮੌਕੇ ਹੋਏ ਸ਼ਾਨਦਰ ਨਿੱਘੇ ਸਵਾਗਤ ਲਈ ਕਿਹਾ ਕਿ ਉਹ ਬਹੁਤ ਮਸ਼ਕੂਰ ਹਨ ਇਸ ਮਹਿਮਾਨ ਨਿਵਾਜੀ ਲਈ ਤੇ ਨਾਲ ਹੀ ਇਹ ਵੀ ਇੱਕ ਫਖੱਰੀਆ ਗੱਲ ਵੀ ਹੈ ਕਿ ਪੰਜਾਬੀਆਂ ਨੇ ਇਟਲੀ ਦੀ ਧਰਤੀ ਪੰਜਾਬੀਅਤ ਤੇ ਪੰਜਾਬੀ ਭਾਈਚਾਰੇ ਦੀ ਰੰਗਤ ਨਾਲ ਰੰਗ ਦਿੱਤੀ ਹੈ।ਇਸ ਮੌਕੇ ਬਿੱਲਾ ਨੇ ਲਾਜਵਾਬ ਭਾਰਤੀ ਪੰਜਾਬੀ ਖਾਣਿਆ ਦਾ ਸੁਆਦ ਚਖ਼ਦਿਆ ਕਿਹਾ ਕਿ ਇਵੇਂ ਲੱਗਦਾ ਜਿਵੇਂ ਉਹ ਇਟਲੀ ਨਹੀਂ ਪੰਜਾਬ ਵਿੱਚ ਬੈਠੇ ਹਨ।ਇਸ ਮੌਕੇ ਜਗਬੀਰ ਸਿੰਘ ਡੋਗਰਾ ਵਾਲਾ,ਜਗਮੀਤ ਸਿੰਘ ਦੁਰਗਾਪੁਰ ਤੇ ਪਰਮਜੀਤ ਸਿੰਘ ਜੋਸਨ ਯੂ ਕੇ ਨੇ ਵੀ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਨਾਲ ਵਿਸ਼ੇਸ਼ ਮਿਲਣੀ ਕੀਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।