ਕੰਬੋਡੀਆ 'ਚ ਬਣੇਗਾ 'ਬੁੱਧ' ਦਾ 100 ਮੀਟਰ ਉੱਚਾ ਸੋਨੇ ਦਾ ਬੁੱਤ, ਦੁਨੀਆ 'ਚ ਹੋਵੇਗਾ ਸਭ ਤੋਂ ਵੱਡਾ
12/28/2022 4:21:08 PM
ਨੋਮ ਪੇਨਹ (ਬਿਊਰੋ): ਕੰਬੋਡੀਆ ਦੇ ਸੈਰ ਸਪਾਟਾ ਖੇਤਰ ਦੇ ਕਾਰੋਬਾਰੀ ਸੋਕ ਕੋਂਗ ਨੇ ਆਪਣੇ ਉਸ ਮਿਸ਼ਨ ਬਾਰੇ ਜਾਣਕਾਰੀ ਦਿੱਤੀ ਹੈ, ਜਿਸ ਤੋਂ ਬਾਅਦ ਅਮਰੀਕਾ ਵੀ ਇਸ ਦੇਸ਼ ਤੋਂ ਪਿੱਛੇ ਰਹਿ ਜਾਵੇਗਾ। ਕੰਬੋਡੀਆ ਦਾ ਅਰਬਪਤੀ ਕੋਂਗ ਦੇਸ਼ ਵਿੱਚ ਮਹਾਤਮਾ ਬੁੱਧ ਦਾ 30 ਮੰਜ਼ਿਲਾ ਸੋਨੇ ਦਾ 'ਬੁੱਤ' ਬਣਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਕੋਂਗ ਲਈ ਬਹੁਤ ਹੀ ਉਤਸ਼ਾਹੀ ਪ੍ਰੋਜੈਕਟ ਹੋਵੇਗਾ। ਕੋਂਗ ਦਾ ਉਦੇਸ਼ ਦੁਨੀਆ ਵਿੱਚ ਮਹਾਤਮਾ ਬੁੱਧ ਦੇ ਸਭ ਤੋਂ ਵੱਡੇ ਬੁੱਤ ਦਾ ਉਦਘਾਟਨ ਕਰਨਾ ਹੈ। ਬੁੱਤ ਦੇਸ਼ ਦੇ ਕੰਪੋਟ ਦੇ ਬਾਹਰਵਾਰ ਹੋਵੇਗਾ। ਕੋਂਗ ਦਾ ਕਹਿਣਾ ਹੈ ਕਿ ਜੇਕਰ ਸਭ ਕੁਝ ਯੋਜਨਾ ਅਨੁਸਾਰ ਚੱਲਦਾ ਹੈ, ਤਾਂ 100 ਮੀਟਰ ਉੱਚਾ ਬੁੱਤ ਦੇਸ਼ ਦੇ ਦੱਖਣੀ ਹਿੱਸੇ ਲਈ ਇੱਕ ਮਾਣ ਵਾਲਾ ਪਲ ਲਿਆਵੇਗਾ।
3000 ਕਰੋੜ ਤੋਂ ਵੱਧ ਹੈ ਕੀਮਤ
ਇਹ ਪ੍ਰੋਜੈਕਟ 34 ਮਿਲੀਅਨ ਪੌਂਡ ਯਾਨੀ 3000 ਕਰੋੜ ਰੁਪਏ ਤੋਂ ਵੱਧ ਦਾ ਹੋਵੇਗਾ। ਇਸ ਨੂੰ ਕੰਬੋਡੀਆ ਦੇ ਪ੍ਰਧਾਨ ਮੰਤਰੀ ਹੁਨ ਸੇਨ ਨੇ ਮਨਜ਼ੂਰੀ ਦਿੱਤੀ ਹੈ। ਹੁਨ ਸੇਨ ਨੂੰ ਇਹ ਯੋਜਨਾ ਬਹੁਤ ਪ੍ਰਭਾਵਸ਼ਾਲੀ ਲੱਗੀ ਅਤੇ ਉਸਨੇ ਤੁਰੰਤ ਇਸ ਨੂੰ ਹਰੀ ਝੰਡੀ ਦੇ ਦਿੱਤੀ। ਹੁਨ ਸੇਨ ਦੇ ਮੁਤਾਬਕ ਇਹ ਬੁੱਤ ਖਮੇਰ ਸੱਭਿਆਚਾਰ ਨੂੰ ਪ੍ਰਦਰਸ਼ਿਤ ਕਰੇਗਾ। ਕੌਂਗ ਨੇ ਮਹਾਤਮਾ ਬੁੱਧ ਦੇ ਵਿਸ਼ਾਲ ਬੁੱਤ ਦੀਆਂ ਤਸਵੀਰਾਂ ਰਾਹੀਂ ਆਪਣੀ ਯੋਜਨਾ ਦੀ ਝਲਕ ਦਿੱਤੀ ਹੈ। ਉਨ੍ਹਾਂ ਵੱਲੋਂ ਦਿਖਾਈਆਂ ਗਈਆਂ ਤਸਵੀਰਾਂ ਤੋਂ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਸੁਨਹਿਰੀ ਬੁੱਧ ਇੱਕ ਮੰਦਰ ਰਾਹੀਂ ਪੂਰੇ ਦੇਸ਼ ਨੂੰ ਦੇਖਦੇ ਹੋਏ ਨਜ਼ਰ ਆ ਰਹੇ ਹਨ। ਇਹ ਬੁੱਤ ਬੋਕੋਰ ਪਹਾੜੀਆਂ 'ਤੇ ਬਣਾਇਆ ਜਾਵੇਗਾ।
ਜਾਣੋ ਕੌਂਗ ਬਾਰੇ
ਕੋਂਗ ਨੂੰ ਕੰਬੋਡੀਆ ਦਾ ਸਭ ਤੋਂ ਸਫਲ ਕਾਰੋਬਾਰੀ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਐਲਾਨ ਕੀਤਾ ਹੈ ਕਿ ਇਹ ਬੁੱਤ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਨ ਦੇ ਨਾਲ-ਨਾਲ ਬੁੱਧ ਧਰਮ ਦੇ ਪੈਰੋਕਾਰਾਂ ਲਈ ਖਿੱਚ ਦਾ ਕੇਂਦਰ ਬਿੰਦੂ ਬਣੇਗਾ। ਸੋਕਾ ਹੋਟਲ ਦੇ ਮਾਲਕ ਕੌਂਗ ਇਸ ਬੁੱਤ ਨੂੰ ਖੁਸ਼ਹਾਲੀ ਅਤੇ ਜੀਵਨ ਭਰ ਦੀ ਸ਼ਾਂਤੀ ਲਈ ਸਮਰਪਿਤ ਕਰਨਗੇ। ਉਸ ਦੀ ਇਸ ਯੋਜਨਾ ਦਾ ਕਈ ਧਾਰਮਿਕ ਆਗੂਆਂ ਨੇ ਸਵਾਗਤ ਕੀਤਾ ਹੈ। ਹਾਲਾਂਕਿ ਕੁਝ ਲੋਕਾਂ ਨੇ ਇਸ ਨੂੰ ਪੈਸੇ ਦੀ ਬਰਬਾਦੀ ਕਿਹਾ ਹੈ। ਮਹਾਨਿਕਯਾ ਭਿਕਸ਼ੂ ਆਰਡਰ ਦੇ ਮੁਖੀ ਖਿਮ ਸੋਰਨ ਨੇ ਇਸ ਯੋਜਨਾ ਦਾ ਸਵਾਗਤ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਇਸ ਨਾਲ ਦੇਸ਼ 'ਚ ਬੁੱਧ ਧਰਮ ਦਾ ਪ੍ਰਚਾਰ ਹੋਵੇਗਾ। ਜੇਕਰ ਉਨ੍ਹਾਂ ਦੀ ਮੰਨੀਏ ਤਾਂ ਉਨ੍ਹਾਂ ਨੂੰ ਇਸ ਵਿੱਚ ਪੈਸੇ ਦੀ ਬਰਬਾਦੀ ਨਜ਼ਰ ਨਹੀਂ ਆਉਂਦੀ ਕਿਉਂਕਿ ਬੁੱਧ ਦਾ ਇਹ ਬੁੱਤ ਆਉਣ ਵਾਲੇ ਸਮੇਂ ਵਿੱਚ ਕਈ ਪੀੜ੍ਹੀਆਂ ਨੂੰ ਸ਼ਾਂਤੀ ਦਾ ਉਪਦੇਸ਼ ਦੇਵੇਗਾ। ਇਸ ਦੇ ਨਾਲ ਹੀ ਕੰਬੋਡੀਆ ਨੂੰ ਦੁਨੀਆ ਦੇ ਨਕਸ਼ੇ 'ਚ ਨਵੀਂ ਪਛਾਣ ਵੀ ਦਿਵਾਈ ਜਾਵੇਗੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਚੀਨ : ਪੁਲ 'ਤੇ ਵਾਪਰਿਆ ਵੱਡਾ ਹਾਦਸਾ, 200 ਤੋਂ ਵੱਧ ਵਾਹਨ ਆਪਸ 'ਚ ਟਕਰਾਏ (ਵੀਡੀਓ)
ਸਟੈਚੂ ਆਫ਼ ਲਿਬਰਟੀ ਵੀ ਪਿੱਛੇ
ਕੰਪੋਟ ਸੂਬਾਈ ਭਿਕਸ਼ੂਆਂ ਦੇ ਮੁਖੀ ਵੇਨ ਨੇਟ ਚੰਦਰਾ ਨੇ ਕਿਹਾ ਕਿ ਉਹ ਇਸ ਯੋਜਨਾ ਤੋਂ ਸੱਚਮੁੱਚ ਖੁਸ਼ ਹਨ ਕਿਉਂਕਿ ਇੱਕ ਵਪਾਰਕ ਕਾਰੋਬਾਰੀ ਨੇ ਅਜਿਹੀ ਯੋਜਨਾ ਸ਼ੁਰੂ ਕੀਤੀ ਹੈ। ਜੇਕਰ ਉਨ੍ਹਾਂ ਦੀ ਮੰਨੀਏ ਤਾਂ ਬੁੱਤ ਦੀ ਸਥਾਪਨਾ ਦੇਸ਼ ਦੇ ਧਾਰਮਿਕ ਇਤਿਹਾਸ ਦਾ ਹਿੱਸਾ ਬਣ ਜਾਵੇਗੀ। ਇੱਕ ਵਾਰ ਜਦੋਂ ਇਹ ਬੁੱਤ ਪੂਰੀ ਹੋ ਜਾਂਦਾ ਹੈ, ਤਾਂ ਹਾਂਗਕਾਂਗ ਵਿੱਚ ਬਣਿਆ ਬਿਗ ਬੁੱਧ ਵੀ ਪਿੱਛੇ ਰਹਿ ਜਾਵੇਗਾ। ਇਹ ਬੁੱਤ ਸਿਰਫ਼ 34 ਮੀਟਰ ਦੂਰੀ 'ਤੇ ਹੈ। ਇਹ ਸਟੈਚੂ ਆਫ ਲਿਬਰਟੀ ਨੂੰ ਵੀ ਮਾਤ ਦੇਵੇਗਾ, ਜੋ ਕਿ 46 ਮੀਟਰ ਉੱਚਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
