3D ਫਿੰਗਰਪ੍ਰਿੰਟ ਸੈਂਸਰ ਤੇ 5.2-ਇੰਚ ਡਿਸਪਲੈ ਨਾਲ ਲੈਸ ਹੈ ZTE ਦਾ ਇਹ ਸਮਾਰਟਫੋਨ

ਜਲੰਧਰ- ਚੀਨ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ZTE ਨੇ ਬਾਜ਼ਾਰ ''ਚ ਆਪਣਾ ਨਵਾਂ ਫੋਨ ਸਮਾਲ ਫ੍ਰੈਸ਼ 4 ਪੇਸ਼ ਕੀਤਾ ਹੈ। ZTE ਸਮਾਲ ਫ੍ਰੈਸ਼ 4 ਸਮਾਰਟਫੋਨ ਨੇ ਪਿਛਲੇ ਸਾਲ ਲਾਂਚ ਹੋਏ ZTE ਸਮਾਲ ਫ੍ਰੈਸ਼ 3 ਦੀ ਥਾਂ ਲਈ ਹੈ। ਇਹ ਫੋਨ ਆਕਟਾ-ਕੋਰ 1.5 ਗੀਗਾਹਰਟਜ਼ (ਮੀਡੀਆਟੈੱਕ ਐੱਮ.ਟੀ.6753) ਅਤੇ 5.2-ਇੰਚ ਦੀ ਫੁੱਲ ਐੱਚ.ਡੀ. ਡਿਸਪਲੇ ਨਾਲ ਲੈਸ ਹੈ। ਇਹ ਡਿਸਪਲੇ 2.5ਡੀ ਕਵਰਡ ਗਲਾਸ ਨਾਲ ਲੈਸ ਹੈ। 

ਇਸ ਦੇ ਨਾਲ ਹੀ ZTE ਸਮਾਲ ਫ੍ਰੈਸ਼ 4 ਸਮਾਰਟਫੋਨ ''ਚ 2 ਜੀ.ਬੀ. ਦੀ ਰੈਮ ਅਤੇ 16 ਜੀ.ਬੀ. ਇੰਟਰਨਲ ਸਟੋਰੇਜ ਦਿੱਤੀ ਗਈ ਹੈ। ਸਟੋਰੇਜ ਨੂੰ ਵਧਾਇਆ ਵੀ ਜਾ ਸਕਦਾ ਹੈ। ਜੇਕਰ ਕੈਮਰੇ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਸਮਾਰਟਫੋਨ ''ਚ 13 ਮੈਗਾਪਿਕਸਲ ਦਾ ਰਿਅਰ ਅਤੇ 5 ਮੈਗਾਪਿਕਸਲ ਦਾ ਫਰੰਟ ਫੇਸਿੰਗ ਕੈਮਰਾ ਦਿੱਤਾ ਗਿਆ ਹੈ। ਐਂਡ੍ਰਾਇਡ ਮਾਰਸ਼ਮੈਲੋ ''ਤੇ ਚੱਲਣ ਵਾਲੇ ਇਸ ਸਮਾਰਟਫੋਨ ''ਚ 3ਡੀ ਫਿੰਗਰਪ੍ਰਿੰਟ ਸੈਂਸਰ ਮੌਜੂਦ ਹੈ। ਇਹ ਸਮਾਰਟਫੋਨ 2450 ਐੱਮ.ਏ.ਐੱਚ. ਦੀ ਬੈਟਰੀ ਨਾਲ ਲੈਸ ਹੈ। 

ਕੀਮਤ ਦੀ ਗੱਲ ਕੀਤੀ ਜਾਵੇ ਤਾਂ ਚੀਨ ''ਚ ਸਮਾਲ ਫ੍ਰੈਸ਼ 4 ਦੀ ਕੀਮਤ RMB 1,090 (ਕਰੀਬ 163 ਡਾਲਰ) ਹੈ। ਇਹ 26 ਜੁਲਾਈ ਤੋਂ ਸੇਲ ਲਈ ਉਪਲੱਬਧ ਹੋਵੇਗਾ। ਇਹ ਫੋਨ ਗੋਲਡ, ਸਿਲਵਰ ਅਤੇ ਰੋਜ ਗੋਲਡ ਕਲਰ ''ਚ ਆਏਗਾ।