24GB RAM ਦੇ ਨਾਲ 7300mAh ਦੀ ਬੈਟਰੀ ਲਾਂਚ ਹੋ ਰਿਹਾ Vivo ਦਾ ਇਹ ਧਾਕੜ ਫੋਨ

ਗੈਜੇਟ ਡੈਸਕ - ਵੀਵੋ ਇਕ ਨਵਾਂ Y-ਸੀਰੀਜ਼ ਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਜੀ ਹਾਂ, ਅਸੀਂ Vivo Y300 Pro+ ਬਾਰੇ ਗੱਲ ਕਰ ਰਹੇ ਹਾਂ, ਜੋ ਜਲਦੀ ਹੀ ਕੰਪਨੀ ਦੇ ਘਰੇਲੂ ਬਾਜ਼ਾਰ ਯਾਨੀ ਚੀਨ ’ਚ ਡੈਬਿਊ ਕਰਨ ਜਾ ਰਿਹਾ ਹੈ। ਦਰਅਸਲ, ਕੰਪਨੀ ਚੀਨ ’ਚ Y300 ਸੀਰੀਜ਼ ਦਾ ਲਗਾਤਾਰ ਵਿਸਤਾਰ ਕਰ ਰਹੀ ਹੈ। ਪਿਛਲੇ ਸਾਲ, ਬ੍ਰਾਂਡ ਨੇ Vivo Y300 ਅਤੇ Y300 Pro ਲਾਂਚ ਕੀਤੇ ਸਨ ਅਤੇ ਹਾਲ ਹੀ ’ਚ ਇਸ ਨੇ Y300i ਦਾ ਐਲਾਨ ਕੀਤਾ ਸੀ। ਹੁਣ ਹਾਲੀਆ ਰਿਪੋਰਟਾਂ ਤੋਂ ਪਤਾ ਲੱਗਾ ਹੈ ਕਿ ਬ੍ਰਾਂਡ ਸੀਰੀਜ਼ ’ਚ Y300 Pro+ ਅਤੇ Y300 GT ਵਰਗੇ ਹੋਰ ਮਾਡਲ ਜੋੜਨ ਦੀ ਤਿਆਰੀ ਕਰ ਰਿਹਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - AI ਫੀਚਰਜ਼ ਨਾਲ ਲੈਸ Infinix Note 50 ਦਾ ਇਹ ਫੋਨ ਹੋਇਆ ਲਾਂਚ! ਕੀਮਤ ਜਾਣ ਤੁਸੀਂ ਹੋ ਜਾਓਗੇ ਹੈਰਾਨ

ਹੁਣ ਚੀਨੀ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਇਕ ਪੋਸਟਰ ਵਾਇਰਲ ਹੋ ਰਿਹਾ ਹੈ, ਜਿਸ ’ਚ ਕਿਹਾ ਗਿਆ ਹੈ ਕਿ Y300 Pro+ 31 ਮਾਰਚ ਨੂੰ ਚੀਨ ’ਚ ਲਾਂਚ ਕੀਤਾ ਜਾਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਇਹ ਫੋਨ 24GB ਤੱਕ ਦੀ ਰੈਮ ਅਤੇ 7300mAh ਬੈਟਰੀ ਦੇ ਨਾਲ ਆਵੇਗਾ। ਆਓ ਸਾਹਮਣੇ ਆਏ ਵੇਰਵਿਆਂ 'ਤੇ ਇਕ ਨਜ਼ਰ ਮਾਰੀਏ...

ਪੜ੍ਹੋ ਇਹ ਅਹਿਮ ਖ਼ਬਰ - BSNL ਯੂਜਰਾਂ ਲਈ ਵੱਡੀ ਖ਼ਬਰ! ਸ਼ੁਰੂ ਹੋਣ ਜਾ ਰਹੀ 5ਜੀ ਸਰਵਿਸ

Vivo Y300 Pro+ ਦੇ ਮੁੱਢਲੇ ਸਪੈਸੀਫਿਕੇਸ਼ਨ 
- ਲੀਕ ਹੋਏ ਪੋਸਟਰ ਤੋਂ ਪਤਾ ਚੱਲਦਾ ਹੈ ਕਿ Vivo Y300 Pro+ ’ਚ ਇਕ ਕਵਾਡ-ਕਰਵਡ AMOLED ਪੈਨਲ ਅਤੇ ਪਿਛਲੇ ਪਾਸੇ ਇਕ ਗੋਲ ਕੈਮਰਾ ਮੋਡੀਊਲ ਹੋਵੇਗਾ। ਇਹ ਕਾਲੇ, ਗੁਲਾਬੀ ਅਤੇ ਨੀਲੇ ਰੰਗਾਂ ’ਚ ਉਪਲਬਧ ਹੋਵੇਗਾ। ਇਸ ਮਹੀਨੇ ਦੇ ਸ਼ੁਰੂ ’ਚ ਸਾਹਮਣੇ ਆਏ ਲੀਕ ਵੇਰਵਿਆਂ ਤੋਂ ਪਤਾ ਚੱਲਿਆ ਹੈ ਕਿ Y300 Pro+ ਇਕ ਸਨੈਪਡ੍ਰੈਗਨ 7s Gen 3 ਚਿੱਪਸੈੱਟ, ਇਕ 32-ਮੈਗਾਪਿਕਸਲ ਫਰੰਟ ਕੈਮਰਾ ਅਤੇ OIS ਦੇ ਨਾਲ ਇਕ 50-ਮੈਗਾਪਿਕਸਲ ਡਿਊਲ ਰੀਅਰ ਕੈਮਰਾ ਸੈੱਟਅੱਪ ਦੇ ਨਾਲ ਆਵੇਗਾ। ਹਾਲ ਹੀ ’ਚ, ਮਾਡਲ ਨੰਬਰ V2456A ਵਾਲਾ ਇਕ ਵੀਵੋ ਫੋਨ ਗੀਕਬੈਂਚ 'ਤੇ ਸਨੈਪਡ੍ਰੈਗਨ 7s Gen 3 ਚਿੱਪ, 12GB RAM ਅਤੇ ਐਂਡਰਾਇਡ 15 ਦੇ ਨਾਲ ਸਾਹਮਣੇ ਆਇਆ ਹੈ। ਇਸੇ ਡਿਵਾਈਸ ਨੂੰ ਹਾਲ ਹੀ ’ਚ ਚੀਨ ਦੇ 3C ਸਰਟੀਫਿਕੇਸ਼ਨ ਅਥਾਰਟੀ ਦੁਆਰਾ ਮਨਜ਼ੂਰੀ ਦਿੱਤੀ ਗਈ ਸੀ, ਜਿਸ ਤੋਂ ਪਤਾ ਚੱਲਿਆ ਕਿ ਇਹ 90W ਚਾਰਜਰ ਦੇ ਨਾਲ ਆ ਸਕਦਾ ਹੈ। ਇਹ V2456A ਫੋਨ Vivo Y300 Pro+ ਜਾਪਦਾ ਹੈ, ਜੋ ਮਾਰਚ ਦੇ ਅੰਤ ’ਚ ਲਾਂਚ ਹੋਣ ਲਈ ਤਿਆਰ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ - 3500 ਰੁਪਏ ਸਸਤਾ ਮਿਲ ਰਿਹਾ Samsung Galaxy ਦਾ ਇਹ 5G Smartphone

24GB ਤੱਕ RAM ਦੇ ਨਾਲ 7300mAh ਦੀ ਬੈਟਰੀ
ਪੋਸਟ ’ਚ ਦਿਖਾਇਆ ਗਿਆ ਦੂਜਾ ਸਕ੍ਰੀਨਸ਼ੌਟ Y300 Pro+ ਦੇ ਅਨਬਾਕਸਿੰਗ ਵੀਡੀਓ ’ਚੋਂ ਇਕ ਦਾ ਹੈ ਜੋ ਚੀਨੀ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਇਆ ਹੈ। ਇਹ ਦੱਸਦਾ ਹੈ ਕਿ ਡਿਵਾਈਸ ਸਨੈਪਡ੍ਰੈਗਨ 7s Gen 3 ਚਿੱਪਸੈੱਟ, 12GB RAM, 12GB ਵਰਚੁਅਲ RAM, 512GB ਇੰਟਰਨਲ ਸਟੋਰੇਜ ਅਤੇ ਇਕ ਵਿਸ਼ਾਲ 7300mAh ਬੈਟਰੀ ਦੁਆਰਾ ਸੰਚਾਲਿਤ ਹੈ। ਇਸ ਦੌਰਾਨ, IQOO ਨੇ ਹਾਲ ਹੀ ’ਚ ਪੁਸ਼ਟੀ ਕੀਤੀ ਹੈ ਕਿ ਉਹ 11 ਅਪ੍ਰੈਲ ਨੂੰ ਚੀਨ ’ਚ 7300mAh ਬੈਟਰੀ ਵਾਲੇ IQOO Z10 ਦਾ ਐਲਾਨ ਕਰੇਗਾ। ਇਹ ਫ਼ੋਨ ਚੀਨੀ ਬਾਜ਼ਾਰ ’ਚ ਉਪਲਬਧ Vivo Y300 Pro+ ਦਾ ਰੀਬ੍ਰਾਂਡਡ ਵਰਜ਼ਨ ਜਾਪਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ -  200MP ਪੈਰੀਸਕੋਪ ਟੈਲੀਫੋਟੋ ਕੈਮਰੇ ਨਾਲ Vivo ਸੀਰੀਜ਼ ਦਾ ਇਹ Smartphone ਜਲਦੀ ਹੋ ਰਿਹਾ ਲਾਂਚ