ਇਹ ਕੰਪਨੀ ਲਿਆਵੇਗੀ ਇਕ ਵਾਰ ਚਾਰਜ ਹੋ ਕੇ 500 ਕਿ. ਮੀ ਤੱਕ ਚਲਣ ਵਾਲੀ ਇਲੈਕਟ੍ਰਿਕ ਕਾਰ
Wednesday, Sep 21, 2016 - 01:43 PM (IST)
ਜਲੰਧਰ- ਅਮਰੀਕੀ ਵਾਹਨ ਨਿਰਮਾਤਾ ਕੰਪਨੀ ਜਨਰਲ ਮੋਟਰਸ ਨੇ ਨਵੀਂ ਕਾਂਸੈਪਕਟ ਇਲੈਕਟ੍ਰਿਕ ਕਾਰ ਬੋਲਟ ਇਸ ਸਾਲ ਦੇ ਅੰਤ ਤੱਕ ਲਾਂਚ ਕਰਨ ਦੀ ਘੋਸ਼ਣਾ ਕਰ ਦਿੱਤੀ ਹੈ ਜੋ ਇਕ ਵਾਰ ਚਾਰਜ ਕਰਨ ''ਤੇ 383 ਕਿਲੋਮੀਟਰ ਤੱਕ ਦਾ ਸਫਰ ਤੈਅ ਕਰ ਸਕੇਗੀ। ਕਾਰ ਜਾਣਕਾਰ ਦੀ ਮੰਨੀਏ ਤਾਂ ਆਉਣ ਵਾਲੇ ਕੁੱਝ ਸਮੇਂ ''ਚ ਮਾਰਕੀਟ ''ਚ ਕਈ ਹੋਰ ਇਲੈਕਟ੍ਰਿਕ ਕਾਰਾਂ ਪੇਸ਼ ਹੋ ਸਕਦੀਆਂ ਹਨ।
ਇਹ ਕੰਪਨੀਆਂ ਬਣਾਉਣਗੀਆਂ ਨਵੀਂ ਇਲੈਕਟ੍ਰਿਕ ਕਾਰਾਂ -
ਟੈਸਲਾ ਮਾਡਲ 3
ਟੈਸਲਾ ਮਾਡਲ 3 ਦਾ ਪ੍ਰੋਡਕਸ਼ਨ ਸਾਲ 2017 ਦੇ ਅੰਤ ਤੱਕ ਸ਼ੁਰੂ ਹੋ ਜਾਵੇਗਾ। ਟੈਸਲਿਆ ਮਾਡਲ 3 ਦੀ ਰੇਂਜ 321 ਕਿਮੀ ਪ੍ਰਤੀ ਚਾਰਜ ਤੋਂ ਸ਼ੁਰੂ ਹੋਵੇਗੀ ਅਤੇ ਇਹ ਕਾਰ ਸਿਰਫ 6 ਸੈਕੇਂਡ ''ਚ 0 ਵਲੋਂ 100 ਕਿਮੀ ਪ੍ਰਤੀ ਘੰਟੇ ਦੀ ਰਫਤਾਰ ਫੜ ਸਕੇਗੀ।
ਪੋਰਸ਼
ਪੋਰਸ਼ ਆਪਣੀ ਮਿਸ਼ਨ ਈ ਕਾਂਸੈਪਟ ਕਾਰ ਨੂੰ ਸਾਲ 2020 ਤੱਕ ਬਣਾਉਣਾ ਸ਼ੁਰੂ ਕਰ ਦੇਵੇਗੀ। ਪੋਰਸ਼ ਨੇ ਆਪਣੀ ਇਲੈਕਟ੍ਰਿਕ ਕਾਰ ਦੇ ਕਾਂਸੈਪਟ ਨੂੰ ਪੇਸ਼ ਵੀ ਕੀਤਾ ਸੀ। ਇਹ ਕਾਰ ਇਕ ਵਾਰ ਚਾਰਜ ਹੋਣ ''ਤੇ 500 ਕਿਮੀ ਤੱਕ ਚੱਲੇਗੀ ਅਤੇ 15 ਮਿੰਟਾਂ ''ਚ 80 ਫੀਸਦੀ ਤੱਕ ਚਾਰਜ ਹੋ ਜਾਵੇਗੀ।
ਮਰਸਡੀਜ਼ ਬੈਂਜ਼
ਮਰਸਡੀਜ਼-ਬੈਂਜ ਸਾਲ 2018 ਤੱਕ ਘੱਟ ਤੋਂ ਘੱਟ ਇਕ ਇਲੈਕਿਟ੍ਰਕ ਕਾਰ ਲਾਂਚ ਕਰਨ ਦਾ ਟੀਚਾ ਲੈ ਕੇ ਚੱਲ ਰਹੀ ਹੈ। ਮਰਸਡੀਜ਼ -ਬੈਂਜ਼ ਦੀ ਪੇਰੇਂਟ ਕੰਪਨੀ ਡੈਮਲਰ ਦੇ ਕੋਲ ਪਹਿਲਾਂ ਤੋਂ ਹੀ ਦੋ ਆਲ ਇਲੈਕਿਟ੍ਰਕ ਕਾਰਸ ਹੈ। ਡੈਮਲਰ ਦੇ ਚੀਫ ਡਿਵੈੱਲਪਮੈਂਟ ਆਫਿਸਰ ਥੋਮਸ ਵੇਬਰ ਨੇ ਕਿਹਾ ਹੈ ਕਿ ਕੰਪਨੀ ਅਗਲੇ ਪੈਰਿਸ ਮੋਟਰ ਸ਼ੋਅ ''ਚ 500 ਕਿ. ਮੀ ਪ੍ਰਤੀ ਚਾਰਜ ਦੀ ਰੇਂਜ ਦੇ ਨਾਲ ਇਲੈਕਟ੍ਰਿਕ ਵ੍ਹੀਕੱਲ ਦਾ ਪ੍ਰੋਟੋਟਾਇਪ ਪੇਸ਼ ਕਰੇਗੀ।
ਵੋਲਵੋ
ਵੋਲਵੋ ਦੇ ਸੀ. ਈ. ਓ ਹਕਨ ਸੈਮੁਲਸਨ ਨੇ ਕਿਹਾ ਕਿ ਸਾਲ 2020 ਤੱਕ ਉਨ੍ਹਾਂ ਦੀ ਗਲੋਬਲ ਸੇਲਸ ''ਚੋਂ 10 ਫੀਸਦੀ ਹਿਸਾ ਇਲੈਕਟ੍ਰਿਕ ਵ੍ਹੀਕਲਸ ਤੋਂ ਆਵੇਗਾ। ਸਾਲ 2019 ਤੱਕ ਕੰਪਨੀ ਪਹਿਲੀ ਫੁੱਲੀ ਆਲ-ਇਲੈਕਟ੍ਰਿਕ ਵ੍ਹੀਕਲ ਨੂੰ ਪੇਸ਼ ਕਰੇਗੀ। ਵੋਲਵੋ 240 ਕਿ. ਮੀ ਪ੍ਰਤੀ ਚਾਰਜ ਜਾਂ ਉਸ ਤੋਂ ਜ਼ਿਆਦਾ ਦੀ ਰੇਂਜ ''ਚ ਕਾਰ ਪੇਸ਼ ਕਰੇਗੀ।
