ਸੌਰ ਮੰਡਲ ਦਾ ਸਭ ਤੋਂ ਪੁਰਾਣਾ ਗ੍ਰਹਿ ਹੈ ਬ੍ਰਹਿਸਪਤੀ: ਅਧਿਐਨ

ਜਲੰਧਰ- ਬ੍ਰਹਿਸਪਤੀ ਸਾਡੇ ਸੌਰ ਮੰਡਲ ਦਾ ਸਭ ਤੋਂ ਵੱਡਾ ਗ੍ਰਹਿ ਤਾਂ ਹੈ ਹੀ 'ਤੇ ਹੁਣ ਨਵੇਂ ਆਧਿਐਨ ਤੋਂ ਪਤਾ ਚੱਲਦਾ ਹੈ ਕਿ ਇਹ ਸੌਰ ਮੰਡਲ ਦਾ ਸਭ ਤੋਂ ਪੁਰਾਣਾ ਗ੍ਰਹਿ ਵੀ ਹੈ। ਅਧਿਐਨ ਕਰਨ ਵਾਲੇ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਸੂਰਜ ਦੀ ਉਤਪੱਤੀ ਦੇ ਸਿਰਫ 40 ਲੱਖ ਸਾਲ ਦੇ ਅੰਦਰ ਹੀ ਬ੍ਰਹਿਸਪਤੀ ਦੀ ਉਤਪੱਤੀ ਹੋ ਗਈ ਸੀ। 
ਬ੍ਰਹਿਸਪਤੀ ਦੀ ਉਤਪੱਤੀ ਦੇ ਬਾਰੇ 'ਚ ਮਿਲੀ ਜਾਣਕਾਰੀ ਦੇ ਅਨੁਸਾਰ ਸੌਰ ਮੰਡਲ ਦੀ ਸੰਰਚਨਾ ਨੂੰ ਸਮਝਿਆ ਜਾ ਸਕਦਾ ਹੈ ਕਿ ਇਸ ਦਾ ਜੋ ਵਰਤਮਾਨ ਸਵਰੁਪ ਹੈ। ਇਸ ਦਾ ਨਿਰਮਾਣ ਕਿਸ ਤਰ੍ਹਾਂ ਹੋਇਆ ਹੋਵੇਗਾ, ਜਦਕਿ ਕਈ ਮਾਡਲਾਂ ਤੋਂ ਇਹ ਅਨੁਮਾਨ ਲਾਇਆ ਹੈ ਕਿ ਇਸ ਗ੍ਰਹਿ ਦੀ ਉਤਪੱਤੀ ਤੁਲਨਾਤਮਕ ਜਲਦੀ ਹੀ ਹੋ ਗਈ ਹੈ ਪਰ ਹੁਣ ਤੱਕ ਇਸ ਦੇ ਨਿਰਮਾਣ ਸਮੇਂ ਦਾ ਪਤਾ ਨਹੀ ਚੱਲਿਆ ਹੈ। ਅਮਰੀਕਾ ਸਥਿਤ ਸਾਰੇਂਸ ਲਿਵਰਮੋਰ ਲੈਬੋਰਟਰੀ ਦੇ ਖੋਜਕਾਰ ਥਾਮਸ ਕੂਇਜ਼ਰ ਨੇ ਕਿਹਾ ਹੈ ਕਿ ਸਾਡੇ ਬ੍ਰਹਿਸਪਤੀ ਗ੍ਰਹਿ ਦਾ ਕੋਈ ਅਸਲੀ ਨਮੂਨਾ ਨਹੀਂ ਹੈ। 
ਨੈਸ਼ਨਲ ਐਕਡਮੀ ਆਫ ਸਾਇੰਸ ਦੀ ਰਿਪੋਰਟ 'ਚ ਪ੍ਰਕਾਸ਼ਿਤ ਅਧਿਐਨ ਦੇ ਮੁੱਖ ਲੇਖਕ ਕੂਇਜ਼ਰ ਦਾ ਕਹਿਣਾ ਹੈ ਕਿ ਸਾਡੇ ਅਧਿਐਨ 'ਚ ਬ੍ਰਹਿਸਪਤੀ ਗ੍ਰਹਿ ਦੀ ਉਮਰ ਦਾ ਪਤਾ ਲਾਉਣ ਲਈ ਅਸੀਂ ਉਲਕਾਪਿੰਡਾਂ ਦੇ ਆਈਸੋਟੇਪ ਸੰਕੇਤ ਦਾ ਇਸਤੇਮਾਲ ਕਰਦੇ ਹਾਂ। ਬ੍ਰਹਿਸਪਤੀ ਸਾਡੇ ਸੌਰ ਮੰਡਲ ਦਾ ਸਭ ਤੋਂ ਪੁਰਾਣਾ ਗ੍ਰਹਿ ਹੈ ਅਤੇ ਸੋਲਰ ਨੇਬੂਲਾ ਗੈਸ ਦੇ ਬਣਨ ਤੋਂ ਪਹਿਲਾਂ ਹੀ ਇਸ ਦੇ ਠੋਸ ਕੋਰ ਦਾ ਨਿਰਮਾਣ ਹੋ ਗਿਆ ਸੀ ਅਤੇ ਕੋਰ ਸੰਵਧਰਨ ਮਾਡਲ ਦੇ ਅਨੁਰੂਪ ਇਸ ਜਿਯਾਂਟ ਗ੍ਰਹਿ ਦੀ ਰਚਨਾ ਹੋਈ। ਕੂਇਜ਼ਰ ਨੇ ਦੱਸਿਆ ਹੈ ਕਿ ਸਾਡਾ ਖੋਜ ਇਹ ਦੱਸਦਾ ਹੈ ਕਿ ਉਤਪੱਤੀ ਸੰਬੰਧਿਤ ਵੱਖ ਸੰਕੇਤਾਂ ਅਤੇ ਉਲਕਾਪਿੰਡਾਂ ਦੇ ਉਤਪੱਤੀ ਕਾਲ ਦੇ ਮਾਧਿਅਮ ਤੋਂ ਬ੍ਰਹਿਸਪਤੀ ਗ੍ਰਹਿ ਦੇ ਨਿਰਮਾਣ ਅਵਧੀ ਦਾ ਪਤਾ ਲਾਇਆ ਜਾ ਸਕਦਾ ਹੈ।