ਸੈਮਸੰਗ Galaxy Note 9 ਇਸ ਸ਼ਾਨਦਾਰ ਕਲਰ ’ਚ ਹੋਇਆ ਲਾਂਚ

ਗੈਜੇਟ ਡੈਸਕ– ਸੈਮਸੰਗ ਗਲੈਕਸੀ ਨੋਟ 9 ਨੂੰ ਪਿਛਲੇ ਮਹੀਨੇ ਭਾਰਤੀ ਬਾਜ਼ਾਰ ਲਾਂਚ ਕੀਤਾ ਸੀ, ਜਿਸ ਦੀ ਕੀਮਤ 67,900 ਰੁਪਏ ਹੈ। ਫੋਨ ਫਿਲਹਾਲ ਬਾਜ਼ਾਰ ’ਚ ਤਿੰਨ ਕਲਰ ਆਪਸ਼ਨ ’ਚ ਉਪਲੱਬਧ ਹੈ। ਇਸ ਵਿਚ Midnight Black, Ocean Blue ਅਤੇ Metallic Copper ਸ਼ਾਮਲ ਹੈ। ਹਾਲਾਂਕਿ, ਹੁਣ ਕੰਪਨੀ ਨੇ ਇਸ ਦੇ ਚੌਥੇ ਕਲਰ ਆਪਸ਼ਨ- Cloud Silver ਨੂੰ ਪੇਸ਼ ਕਰ ਦਿੱਤਾ ਹੈ। ਗਲੈਕਸੀ ਨੋਟ 9 ਦਾ ਨਵਾਂ ਕਲਰ ਵੇਰੀਐਂਟ ਫਿਲਹਾਲ ਯੂ.ਐੱਸ. ’ਚ ਸੇਲ ਲਈ ਐਕਸਕਲੂਜ਼ਿਵ Samsung.com, Best Buy stores ਅਤੇ BestBuy.com ’ਤੇ ਉਪਲੱਬਧ ਹੈ। ਨਵੇਂ ਕਲਰ ਵੇਰੀਐਂਟ ਦੀ ਭਾਰਤੀ ਬਾਜ਼ਾਰ ’ਚ ਉਪਲੱਬਧਤਾ ਨੂੰ ਲੈ ਕੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਹੈ। ਯੂ.ਐੱਸ. ’ਚ ਇਹ ਡਿਵਾਈਸ 5 ਅਕਤੂਬਰ ਨੂੰ ਵਿਕਰੀ ਲਈ ਆਏਗਾ।

ਇਸ ਤੋਂ ਇਲਾਵਾ ਯੂ.ਐੱਸ. ਦੇ ਬਾਜ਼ਾਰ ’ਚ midnight black ਵੇਰੀਐਂਟ ਨੂੰ ਵੀ ਪੇਸ਼ ਕੀਤਾ ਗਿਆ ਹੈ। ਉਥੇ ਹੀ ਦੂਜੇ ਬਾਜ਼ਾਰਾਂ ’ਚ ਇਹ ਕਲਰ ਆਪਸ਼ਨ ਖਰੀਦਣ ਲਈ ਉਪਲੱਬਧ ਹੈ। ਭਾਰਤੀ ਬਾਜ਼ਾਰ ’ਚ ਵੀ ਗਾਹਕ midnight black ਕਲਰ ਨੂੰ ਖਰੀਦ ਸਕਦੇ ਹਨ। ਇਹ ਕੰਪਨੀ ਦਾ ਲੇਟੈਸਟ ਫਲੈਗਸ਼ਿੱਪ ਡਿਵਾਈਸ ਹੈ, ਜਿਸ ਦੇ 6 ਜੀ.ਬੀ. ਰੈਮ ਅਤੇ 128 ਜੀ.ਬੀ. ਵੇਰੀਐਂਟ ਦੀ ਕੀਮਤ 67,900 ਰੁਪਏ ਹੈ। ਨਾਲ ਹੀ 8 ਜੀ.ਬੀ./512 ਜੀ.ਬੀ. ਵੇਰੀਐਂਟ ਦੀ ਕੀਮਤ 84,900 ਰੁਪਏ ਹੈ। ਇਸ ਡਿਵਾਈਸ ਦੇ ਨਾਲ S Pen ਵੀ ਆ ਰਿਹਾ ਹੈ।