ਇਸ ਕੰਮ ਦੇ ਬਦਲੇ ਮਿਲ ਰਹੀ 1.3 ਕਰੋੜ ਤੱਕ ਦੀ ਸੈਲਰੀ ! ਕੰਪਨੀਆਂ ਕਰ ਰਹੀਆਂ ਧੜੱਲੇ ਨਾਲ ਭਰਤੀ

ਵੈੱਬ ਡੈਸਕ : ਵਧ ਰਹੇ ਤੇ ਗੁੰਝਲਦਾਰ ਸਾਈਬਰ ਹਮਲਿਆਂ ਨੇ ਕੰਪਨੀਆਂ ਲਈ ਸਾਈਬਰ ਸੁਰੱਖਿਆ ਨੂੰ ਇੱਕ ਲਾਜ਼ਮੀ ਕਾਰੋਬਾਰੀ ਲੋੜ ਬਣਾ ਦਿੱਤਾ ਹੈ। ਇਸ ਕਾਰਨ ਸਾਈਬਰ ਸੁਰੱਖਿਆ ਦੇ ਖੇਤਰ 'ਚ ਵਿਸ਼ੇਸ਼ ਹੁਨਰ ਰੱਖਣ ਵਾਲੇ ਪੇਸ਼ੇਵਰਾਂ ਦੀ ਭਰਤੀ 'ਚ ਪਿਛਲੇ ਇੱਕ ਸਾਲ ਦੌਰਾਨ 15-20 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਹੁਣ ਕੰਪਨੀਆਂ ਸਿਰਫ਼ ਆਮ ਸਾਈਬਰ ਸੁਰੱਖਿਆ ਪੇਸ਼ੇਵਰਾਂ ਦੀ ਬਜਾਏ ਏਆਈ (AI) ਸੁਰੱਖਿਆ, ਕਲਾਊਡ ਸੁਰੱਖਿਆ ਅਤੇ ਥ੍ਰੈਟ ਇੰਟੈਲੀਜੈਂਸ ਵਰਗੇ ਖਾਸ ਹੁਨਰ ਰੱਖਣ ਵਾਲੇ ਲੋਕਾਂ ਦੀ ਭਾਲ ਕਰ ਰਹੀਆਂ ਹਨ। ਇੱਕ ਰਿਪੋਰਟ ਅਨੁਸਾਰ ਸਾਲ 2020 ਤੋਂ ਬਾਅਦ ਏਆਈ ਨਾਲ ਜੁੜੇ ਸਾਈਬਰ ਸੁਰੱਖਿਆ ਹੁਨਰਾਂ ਦੀ ਮੰਗ 'ਚ 2.5 ਗੁਣਾ ਵਾਧਾ ਹੋਇਆ ਹੈ। ਮਾਹਿਰਾਂ ਅਨੁਸਾਰ ਏਆਈ (AI) ਨੇ ਸਾਈਬਰ ਖ਼ਤਰਿਆਂ ਦੀ ਰਫ਼ਤਾਰ ਵਧਾ ਦਿੱਤੀ ਹੈ, ਜਿਸ ਕਾਰਨ ਕੰਪਨੀਆਂ ਆਪਣੀ ਸੁਰੱਖਿਆ ਨੂੰ ਮਜ਼ਬੂਤ ਕਰਨ ਲਈ ਆਧੁਨਿਕ ਤਕਨੀਕਾਂ ਦਾ ਸਹਾਰਾ ਲੈ ਰਹੀਆਂ ਹਨ।
ਇਸ ਵਧਦੀ ਮੰਗ ਦਾ ਸਿੱਧਾ ਅਸਰ ਪੇਸ਼ੇਵਰਾਂ ਦੀਆਂ ਤਨਖਾਹਾਂ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਸਾਈਬਰ ਸੁਰੱਖਿਆ ਪੇਸ਼ੇਵਰਾਂ ਦੀ ਸਾਲਾਨਾ ਤਨਖਾਹ 25-30 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 1.2-1.3 ਕਰੋੜ ਰੁਪਏ ਜਾਂ ਇਸ ਤੋਂ ਵੀ ਵੱਧ ਤੱਕ ਪਹੁੰਚ ਰਹੀ ਹੈ। ਕਲਾਊਡ ਸੁਰੱਖਿਆ ਅਤੇ ਸਾਈਬਰ ਆਰਕੀਟੈਕਚਰ ਵਰਗੇ ਖਾਸ ਹੁਨਰ ਰੱਖਣ ਵਾਲੇ ਉਮੀਦਵਾਰਾਂ ਨੂੰ 25-35 ਫੀਸਦੀ ਤੱਕ ਦਾ ਤਨਖਾਹ ਵਾਧਾ ਮਿਲ ਰਿਹਾ ਹੈ।
 ਐਕਸੇਂਚਰ, ਟੀਸੀਐਸ (TCS), ਵਿਪਰੋ, ਇਨਫੋਸਿਸ, ਪੀਡਬਲਯੂਸੀ ਇੰਡੀਆ, ਡੇਲੋਇਟ ਤੇ ਜੇਪੀ ਮੋਰਗਨ ਚੇਜ਼ ਵਰਗੀਆਂ ਵੱਡੀਆਂ ਕੰਪਨੀਆਂ ਇਸ ਖੇਤਰ ਵਿੱਚ ਵੱਡੇ ਪੱਧਰ 'ਤੇ ਭਰਤੀ ਕਰ ਰਹੀਆਂ ਹਨ। ਸਿਰਫ਼ ਨਵੀਂ ਭਰਤੀ ਹੀ ਨਹੀਂ, ਸਗੋਂ ਕੰਪਨੀਆਂ ਆਪਣੇ ਮੌਜੂਦਾ ਕਰਮਚਾਰੀਆਂ ਨੂੰ ਨਵੇਂ ਹੁਨਰ ਸਿਖਾਉਣ 'ਤੇ ਵੀ ਜ਼ੋਰ ਦੇ ਰਹੀਆਂ ਹਨ। ਇਨਫੋਸਿਸ ਵਰਗੀਆਂ ਕੰਪਨੀਆਂ ਕਰਮਚਾਰੀਆਂ ਨੂੰ ਏਆਈ, ਆਟੋਮੇਸ਼ਨ ਅਤੇ ਐਨਾਲਿਟਿਕਸ ਵਿੱਚ ਸਿਖਲਾਈ ਦੇ ਰਹੀਆਂ ਹਨ ਤਾਂ ਜੋ ਸਾਈਬਰ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਕੀਤਾ ਜਾ ਸਕੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8