ਡਿਜੀਟਲ ਸੋਸਾਇਟੀ ਲਈ ਨਵੇਂ ਹੱਲ ਤਿਆਰ ਕਰ ਰਹੀ ਹੈ ਰਿਲਾਇੰਸ ਜਿਓ

ਜਲੰਧਰ- ਆਪਣੀ 4ਜੀ ਸਰਵਿਸ ਦੀ ਸ਼ੁਰੂਆਤ ਦੇ ਨਾਲ ਦੇਸ਼ ਦੇ ਟੈਲੀਫੋਨ ਬਾਜ਼ਾਰ ''ਚ ਹਲਚਲ ਮਾਚ ਦੇਣ ਵਾਲੀ ਰਿਲਾਇੰਸ ਜਿਓ ਸਿਰਫ ਦੂਰਸੰਚਾਰ ਕੰਪਨੀ ਬਣ ਕੇ ਨਹੀਂ ਰਹੇਗੀ ਸਗੋਂ ਉਸ ਦੀ ਨਜ਼ਰ ਭਾਵੀ ਡਿਜੀਟਲ ਸੋਸਾਇਟੀ ਨਾਲ ਪੈਦਾ ਹੋਣ ਵਾਲੇ ਕਾਰੋਬਾਰੀ ਮੌਕਿਆਂ ''ਤੇ ਹੈ। ਕੰਪਨੀ ਦੀਆਂ ਟੀਮਾਂ ਭਵਿੱਖ ''ਚ ਇਸੇ ਤਰ੍ਹਾਂ ਦੇ ਹੱਲ ਦੀ ਤਿਆਰੀ ''ਚ ਜੁਟੀਆਂ ਹਨ। 

ਕੰਪਨੀ ਪ੍ਰਬੰਧਕ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ''ਚ ਦੂਰਸੰਚਾਰ ਉਦਯੋਗ ''ਚ ਵਾਇਸ ਕਾਲ ਅਤੇ ਉਸ ਦੀ ਸ਼ੁਲਕ ਬੇਮਾਨੀ ਹੋ ਜਾਵੇਗਾ ਅਤੇ ਸਾਰੀ ਖੇਡ ਇੰਟਰਨੈੱਟ, ਡਾਟਾ ਅਤੇ ਇੰਟਰਫੇਸ ਆਫ ਥਿੰਗਸ (ਆਈ.ਓ.ਟੀ.) ਦਾ ਹੋਵੇਗਾ ਅਤੇ ਜਿਓ ਦਾ ਸਾਰਾ ਹੱਲ ਇਸੇ ''ਤੇ ਹੈ। ਰਿਲਾਇੰਸ ਜਿਓ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਗੱਲਬਾਤ ''ਚ ਕਿਹਾ ਕਿ ਸਰਕਾਰ ਵੱਲੋਂ ਡਿਜੀਟਲ ਇੰਡੀਆ ''ਤੇ ਜ਼ੋਰ ਦਿੱਤੇ ਜਾਣ ਅਤੇ ਲੋਕਾਂ ''ਚ ਸਮਾਰਟਫੋਨ ਦੇ ਵਧਦਾ ਪ੍ਰਚਲਨ ਇਕ ਨਵੀਂ ਡਿਜੀਟਲ ਅਰਥਵਿਵਸਥਾ ਖੜ੍ਹੀ ਕਰੇਗਾ ਜਿਸ ਵਿਚ ਉਹ ਵੱਡੀ ਹਿੱਸੇਦਾਰੀ ਹਾਸਿਲ ਕਰਨਾ ਚਾਹੇਗੀ। ਇਹੀ ਕਾਰਨ ਹੈ ਕਿ ਰਿਲਾਇੰਸ ਜਿਓ ਦੀ ਟੀਮ ਪਰੰਪਰਾਗਤ ਟੈਲੀਫੋਨੀ ਜਾਂ ਮੋਬਾਇਲ ਹੱਲ ਤੋਂ ਇਤਰ ਅਜਿਹੇ ਹੱਲਾਂ ''ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ ਜੋ ਭਵਿੱਖ ''ਚ ਗਾਹਕਾਂ ਦੇ ਗੱਲ ਕਰਨ ਹੀ ਨਹੀਂ ਸਗੋਂ ਜੀਉਣ ਦੇ ਢੰਗ ਨੂੰ ਹੀ ਬਦਲ ਦੇਵੇ। 

ਕੰਪਨੀ ਦੇ ਅਧਿਕਾਰੀਆਂ ਦਾ ਦਾਅਵਾ ਹੈ ਕਿ ਉਨ੍ਹਾਂ ਦਾ ਇਕ ਅਜਿਹਾ ਹੀ ਉਤਪਾਦ ਐੱਫ.ਟੀ.ਟੀ.ਐੱਚ. ਤਕਨੀਕ ਆਧਾਰਿਤ ਇੰਟਰਨੈੱਟ ਸੇਵਾ ਹੈ। ਅਧਿਕਾਰੀ ਨੇ ਕਿਹਾ ਕਿ ਇਸ ਹਾਈਸਪੀਡ ਇੰਟਰਨੈੱਟ ਦੀ ਸਪੀਡ 1 ਜੀ.ਬੀ.ਪੀ.ਐੱਸ. ਤੱਕ ਹੋਵੇਗੀ ਜੋ ਕੁਝ ਐੱਮ.ਬੀ.ਪੀ.ਐੱਸ. ਤੱਕ ਸਪੀਡ ਵਾਲੇ ਮੌਜੂਦਾ ਮਾਹੌਲ ''ਚ ਕਲਪਨਾਤੀਤ ਹੈ। 1ਜੀ.ਬੀ. ਪ੍ਰਤੀ ਸੈਕਿੰਡ ਡਾਟਾ ਡਾਊਨਲੋਡ ਦੀ ਰਫਤਾਰ 1 ਐੱਮ.ਬੀ.ਪੀ.ਐੱਸ. ਦੀ 1000 ਗੁਣਾ ਹੁੰਦੀ ਹੈ। 

ਉਨ੍ਹਾਂ ਕਿਹਾ ਕਿ ਇਹ ਤਕਨੀਕ ਕਿਸੇ ਆਮ ਟੀ.ਵੀ. ਨੂੰ ਸਮਾਰਟ.ਟੀ.ਵੀ. ''ਚ ਹੀ ਨਹੀਂ ਸਗੋਂ ਇਹ ਟੀ.ਵੀ. ਦੇਖਣ, ਗੇਮ ਖੇਡਣ, ਸੰਗੀਤ ਸੁਣਨ ਦੇ ਸਾਡੇ ਸਾਰੇ ਤੌਰ ਤਰੀਕਿਆਂ ਨੂੰ ਬਦਲ ਦੇਵੇਗੀ। ਉਦਾਹਰਣ ਦੇ ਤੌਰ ''ਤੇ ਗਾਹਕ ਰਿਮੋਟ ''ਤੇ ਆਵਾਜ਼ ਲਗਾ ਕੇ ਟੀ.ਵੀ. ਚੈਨਲ ਬਦਲ ਸਕਣਗੇ।