ਖਿਡਾਰੀਆਂ ਦੀ ਪ੍ਰਫਾਰਮੈਂਸ ਸੁਧਾਰੇਗਾ ਇਹ ਰੋਬੋਟ (ਵੀਡੀਓ)

ਪਿਊਮਾ ਨੇ ਬਣਾਇਆ BeatBot

ਜਲੰਧਰ : ਸ਼ੂਜ਼ ਬਣਾਉਣ ਵਾਲੀ ਜਰਮਨ ਮਲਟੀਨੈਸ਼ਨਲ ਕੰਪਨੀ ਪਿਊਮਾ ਨੇ ਇਕ ਰੋਬੋਟ ਬਣਾਇਆ ਹੈ ਜੋ ਖਾਸ ਖਿਡਾਰੀਆਂ ਲਈ ਹੈ । ਪਿਊਮਾ ਦੇ ਇਸ ਰੋਬੋਟ ਦਾ ਨਾਮ ''ਪਿਊਮਾ ਬੀਟਬੋਟ'' (Puma BeatBot) ਹੈ ਅਤੇ ਇਸ ਨੂੰ ਐਡ ਏਜੰਸੀ ਜੇ. ਵਾਲਟਰ ਥਾਮਸਨ ਨਿਊਯਾਰਕ ਦੇ ਨਾਲ ਮਿਲ ਕੇ ਬਣਾਇਆ ਗਿਆ ਹੈ । ਇਹ ਇਕ ਸੈਲਫ ਡ੍ਰਾਈਵਿੰਗ ਰੋਬੋਟ ਹੈ ਜੋ ਦੌੜ ਵਿਚ ਹਿੱਸਾ ਲੈਣ ਵਾਲੇ ਖਿਡਾਰੀਆਂ ਦੀ ਮਦਦ ਕਰੇਗਾ ਅਤੇ ਉਨ੍ਹਾਂ ਦੀ ਪ੍ਰਫਾਰਮੈਂਸ ਵਿਚ ਸੁਧਾਰ ਲੈ ਕੇ ਆਵੇਗਾ।

ਬੀਟਬੋਟ 

ਇਸ ਦਾ ਨਾਮ ਹੀ ਇਸ ਦੀ ਪਛਾਣ ਹੈ ਕਿਉਂਕਿ ਇਸ ਨੂੰ ਇਸ ਤਰ੍ਹਾਂ ਬਣਾਇਆ ਗਿਆ ਹੈ ਤਾਂ ਕਿ ਖਿਡਾਰੀ ਇਸ ਨੂੰ ਬੀਟ ਕਰ ਸਕਣ, ਮਤਲਬ ਕਿ ਹਰਾ ਸਕਣ ਅਤੇ ਇਸ ਲਈ ਪਿਊਮਾ ਨੇ ਰੋਬੋਟ ਦਾ ਨਾਮ ਇਕ ਦਮ ਠੀਕ ਰੱਖਿਆ ਹੈ ।  

ਅਜਿਹਾ ਹੈ ਡਿਜ਼ਾਈਨ ਅਤੇ ਇਹ ਹੈ ਟੈਕਨਾਲੋਜੀ-

ਬੀਟਬੋਟ ਦਾ ਡਿਜ਼ਾਈਨ ਤੁਹਾਨੂੰ ਕਿਸੇ ਸ਼ੂ-ਬਾਕਸ ਦੀ ਤਰ੍ਹਾਂ ਹੀ ਲੱਗੇਗਾ, ਜੋ ਇਕ ਦਮ ਸਧਾਰਣ ਹੈ ।  ਬਾਕਸ ਦੀ ਤਰ੍ਹਾਂ ਦਿਖਣ ਵਾਲੇ ਇਸ ਰੋਬੋਟ ਦੇ ਨੀਚੇ ਪਹੀਏ ਲੱਗੇ ਹਨ ਅਤੇ ਇਨ੍ਹਾਂ ਦੀ ਮਦਦ ਨਾਲ ਇਹ ਰੇਸ ਟ੍ਰੈਕ ਉੱਤੇ ਭੱਜਦਾ ਹੈ । ਬੀਟਬੋਟ ਵਿਚ ਐੱਲ. ਈ. ਡੀ. ਲਾਈਟਸ, ਟ੍ਰੈਕ ''ਤੇ ਵ੍ਹਾਈਟ ਲਾਈਨ ਦੇ ਸਹਾਰੇ ਭੱਜਦਾ ਹੈ ਅਤੇ ਖਿਡਾਰੀ ਦੀ ਪ੍ਰਫਾਰਮੈਂਸ ਵਿਚ ਸੁਧਾਰ ਕਰਵਾਉਂਦਾ ਹੈ ।  

ਇਸ ਵਿਚ 9 ਇਨਫ੍ਰਾਰੈੱਡ ਸੈਂਸਰਜ਼ ਲੱਗੇ ਹਨ ਜੋ ਇਸ ਨੂੰ ਟ੍ਰੈਕ ਉੱਤੇ ਬਣੇ ਰਹਿਣ ਵਿਚ ਮਦਦ ਕਰਦੇ ਹਨ। ਇਹ ਰੇਸ ਟ੍ਰੈਕ ''ਤੇ ਭੱਜਦੇ ਹੋਏ ਇਕ ਸੈਕੇਂਡ ਵਿਚ ਡਾਟਾ ਨੂੰ 100 ਵਾਰ ਐਨਾਲਾਈਜ਼ ਕਰਦਾ ਹੈ। ਬੀਟਬੋਟ ਦੇ ਅੱਗੇ ਅਤੇ ਪਿੱਛੇ ਦੀ ਤਰਫ ਗੋ-ਪ੍ਰੋ ਕੈਮਰੇ ਲੱਗੇ ਹਨ ਜੋ ਟ੍ਰੇਨਿੰਗ ਦੇ ਸਮੇਂ ਦੌੜਨ ਵਾਲੇ ਖਿਡਾਰੀ ਦਾ ਰੀਵਿਊ ਪੇਸ਼ ਕਰਦੇ ਹਨ । ਬੀਟਬੋਟ ਦੀ ਸਪੀਡ ਨੂੰ ਐਡਜਸਟ ਵੀ ਕੀਤਾ ਜਾ ਸਕਦਾ ਹੈ ਤਾਂ ਕਿ ਖਿਡਾਰੀ ਮੁਕਾਬਲੇ ਤੋਂ ਪਹਿਲਾਂ ਪੂਰੀ ਤਰ੍ਹਾਂ ਤਿਆਰ ਹੋ ਸਕੇ ।  

ਇਹ ਕਹਿਣਾ ਹੈ ਫਲੋਰੈਂਟ ਇੰਬਰਟ ਦਾ 

ਜੇ. ਡਬਲਯੂ. ਟੀ. ਨਿਊਯਾਰਕ ਦੇ ਕਾਰਜਕਾਰੀ ਕ੍ਰੀਏਟਿਵ ਡਾਇਰੈਕਟਰ ਫਲੋਰੈਂਟ ਇੰਬਰਟ (6lorent 9mbert) ਨੇ ਫਾਸਟ ਕੰਪਨੀ ਨੂੰ ਕਿਹਾ ''''ਬਹੁਤ ਸਾਰੇ ਵਾਸਵਿਤ ਪ੍ਰਮਾਣ ਦਿਖਾਉਂਦੇ ਹਨ ਕਿ ਕੰਪੀਟੀਸ਼ਨ ਪ੍ਰਫਾਰਮੈਂਸ ਲੈਵਲ ਵਿਚ ਸੁਧਾਰ ਲਿਆਉਂਦਾ ਹੈ ਅਤੇ ਕੁਝ ਸ਼ੋਧ ਵੀ ਇਹ ਸਾਬਤ ਕਰਦੇ ਹਨ । ਦੌੜਦੇ ਸਮੇਂ ਘੜੀ ਦੇ ਬਿਨਾਂ ਦੌੜਨਾ ਪ੍ਰੇਰਿਤ ਨਹੀਂ ਕਰਦਾ ਬਲਕਿ ਕਿਸੇ ਦੇ ਵਿਰੁੱਧ ਜਾਂ ਨਾਲ ਦੌੜਨ ਨਾਲ ਖਿਡਾਰੀ ਪ੍ਰੇਰਿਤ ਹੁੰਦਾ ਹੈ । 

ਹਰ ਖਿਡਾਰੀ ਲਈ ਨਹੀਂ ਹੈ ਪਿਊਮਾ ਦਾ ਬੀਟਬੋਟ

ਬੀਟਬੋਟ ਦੀ ਕੀਮਤ ਦੇ ਬਾਰੇ ਵਿਚ ਕੋਈ ਜਾਣਕਾਰੀ ਨਹੀਂ ਹੈ ਲੇਕਿਨ ਇਹ ਰੋਬੋਟ ਸਸਤਾ ਨਹੀਂ ਹੋਵੇਗਾ। ਇਸ ਬਾਰੇ ਵਿਚ ਇੰਬਰਟ ਦਾ ਕਹਿਣਾ ਹੈ ਕਿ ਜ਼ਿਆਦਾ ਗਿਣਤੀ ਵਿਚ ਬਣਾਉਣ ਲਈ ਬੀਟਬੋਟ ਬਹੁਤ ਮਹਿੰਗਾ ਹੈ ਲੇਕਿਨ ਉਸੈਨ ਬੋਲਟ ਜਿਹੇ ਖਿਡਾਰੀਆਂ ਨੂੰ ਇਹ ਰੋਬੋਟ ਸਪਾਂਸਰ ਕਰ ਸਕਦਾ ਹੈ ।