PUBG Mobile ਹੋਵੇਗੀ ਹੋਰ ਵੀ ਮਜ਼ੇਦਾਰ, ਸ਼ਾਮਲ ਹੋਵੇਗਾ Zombie mode

ਗੈਜੇਟ ਡੈਸਕ– PUBG Mobile ਦੀ ਨਵੀਂ ਅਪਡੇਟ ’ਚ Vikendi ਨਾਂ ਨਾਲ ਇਕ Snow Map ਨੂੰ ਜੋੜਿਆ ਸੀ। ਹੁਣ ਅਜਿਹਾ ਲੱਗ ਰਿਹਾ ਹੈ ਕਿ ਗੇਮ ਦੀ ਅਗਲੀ ਆਉਣ ਵਾਲੀ ਅਪਡੇਟ ਜ਼ੋਂਬੀ ਮੋਡ ਲੈ ਕੇ ਆਉਣ ਵਾਲੀ ਹੈ। ਇਹ ਮੋਡ Resident Evil ਫ੍ਰੈਂਚਾਈਜ਼ੀ ਦੇ ਨਾਲ ਸਾਂਝੇਦਾਰੀ ਤਹਿਤ ਰਿਲੀਜ਼ ਕੀਤਾ ਜਾ ਸਕਦਾ ਹੈ। ਨਵੇਂ ਲੀਕਸ ਆਉਣ ਵਾਲੀ ਅਪਡੇਟ ’ਚ Zombie Mode, ਨਵਾਂ ਡੈੱਥ ਕੈਮ ਫੀਚਰ, ਨਵੀਂ MK47 ਬੰਦੂਕ ਅਤੇ ਪੀਸੀ ਵਰਜਨ ’ਚ ਸ਼ਾਮਲ Tukashi ਦੀ ਤਰ੍ਹਾਂ ਹੀ ਆਟੋ ਰਿਕਸ਼ਾ ਦੇ ਸ਼ਾਮਲ ਹੋਣ ਵਲ ਇਸ਼ਾਰਾ ਕਰ ਰਹੀ ਹੈ। 

MK47 Mutant ਪਹਿਲਾਂ ਤੋਂ ਹੀ ਪੀਸੀ ਵਰਜਨ ਅਤੇ ਕੰਸੋਲ ਵਰਜਨ ’ਤੇ ਉਪਲੱਬਧ ਹੈ ਅਤੇ ਇਸ ਤਰ੍ਹਾਂ ਹੀ Tukashi ਗੱਡੀ ਵੀ ਪੀਸੀ ਅਤੇ ਕੰਸੋਲ ਵਰਜਨ ’ਚ ਪਹਿਲਾਂ ਤੋਂ ਮੌਜੂਦ ਹੈ। ਪੀਸੀ ਅਤੇ ਕੰਸੋਲ ਵਰਜਨ ’ਚ ਇਹ ਗਨ ਅਤੇ ਗੱਡੀ Sanhok ਮੈਪ ’ਚ ਮੌਜੂਦ ਹੈ। ਮੋਬਾਇਲ ਵਰਜਨ ’ਚ ਇਨ੍ਹਾਂ ਤੋਂ ਇਲਾਵਾ ਲੇਜ਼ਰ ਸਾਈਟ ਅਟੈਚਮੈਂਟ ਵੀ ਜੋੜੇ ਜਾਣ ਦੀ ਗੱਲ ਕਹੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ Erangle ਅਤੇ Miramar ਮੈਪ ’ਚ ਡਾਈਨਾਮਿਕ ਵੈਦਰ ਵੀ ਜੋੜਿਆ ਜਾ ਸਕਦਾ ਹੈ। 

ਇਹ ਬਦਲਾਅ ਅਪਕਮਿੰਗ ਵਰਜਨ 0.10.5 ਅਪਡੇਟ ’ਚ ਦਿੱਤੇ ਜਾ ਸਕਦੇ ਹਨ। ਇਸ ਗੱਲ ਦੀ ਜਾਣਕਾਰੀ ਦੋ PUBG Mobile ਯੂਟਿਊਬਰਜ਼ Game Lovers ਅਤੇ Mr.Ghost Gaming ਦੁਆਰਾ ਦਿੱਤੀ ਗਈ ਹੈ। ਅਜਿਹਾ ਵੀ ਕਿਹਾ ਜਾ ਰਿਹਾ ਹੈ ਕਿ ਇਹ ਅਪਡੇਟ 18 ਜਨਵਰੀ ਤੋਂ 20 ਜਨਵਰੀ ਤਕ ਕਦੇ ਵੀ ਦਿੱਤੀ ਜਾ ਸਕਦੀ ਹੈ। ਹੋ ਸਕਦਾ ਹੈ ਕਿ ਕੰਪਨੀ ਡਾਈਨਾਮਿਕ ਵੈਦਰ, ਨਵਾਂ ਵੈਪਨ, ਗੱਡੀ ਅਤੇ ਅਟੈਚਮੈਂਟ ਨੂੰ 0.11.0 ਅਪਡੇਟ ’ਚ ਦੇਵੇ। 

Zombie Mode ਦੀ ਗੱਲ ਕਰੀਏ ਤਾਂ Tencent Games ਨੇ ਪਹਿਲਾਂ ਵੀ ਇਕ ਵਾਰ Resident Evil 2 ਦੀ ਰਿਮੇਕ ਟੀਮ RE_Games ਦੇ ਨਾਲ ਸਾਂਝੇਦਾਰੀ ਦਾ ਐਲਾਨ ਕੀਤਾ ਹੈ। ਇਸ ਗੱਲ ਦਾ ਐਲਾਨ PUBG Mobile ਸਟਾਰ ਚੈਲੇਂਜ ਟੂਰਨਾਮੈਂਟ ’ਚ ਕੀਤੀ ਗਈ ਸੀ। ਇਸ ਤੋਂ ਬਾਅਦ ਕੰਪਨੀ ਨੇ ਅਧਿਕਾਰਤ ਟਵਿਟਰ ਅਕਾਊਂਟ ’ਚ ਵੀ ਇਕ ਟਵੀਟ ਅਤੇ ਵੀਡੀਓ ਪੋਸਟ ਕੀਤੀ ਸੀ।