TVS ਦੀਆਂ ਇਨ੍ਹਾਂ ਟੂ-ਵ੍ਹੀਲਰਸ ਨੂੰ ਟੁੱਟ ਕੇ ਪੈ ਗਏ ਲੋਕ ! ਵਿਕਰੀ ਦੇ ਤੋੜੇ ਸਾਰੇ ਰਿਕਾਰਡ, ਇਹ ਮਾਡਲ ਬਣਿਆ ''ਗੇਮਚੇਂਜਰ''

ਗੈਜੇਟ ਡੈਸਕ : ਭਾਰਤ ਦੀ ਪ੍ਰਮੁੱਖ ਟੂ-ਵ੍ਹੀਲਰ ਕੰਪਨੀ TVS ਮੋਟਰ ਕੰਪਨੀ ਨੇ ਫਰਵਰੀ 2026 'ਚ ਸ਼ਾਨਦਾਰ ਸਾਲਾਨਾ ਵਾਧਾ ਦਰਜ ਕੀਤਾ ਹੈ। ਕੰਪਨੀ ਦੀ ਕੁੱਲ ਘਰੇਲੂ ਵਿਕਰੀ 3,65,471 ਯੂਨਿਟ ਰਹੀ, ਜੋ ਕਿ ਫਰਵਰੀ 2025 ਦੀਆਂ 2,76,040 ਯੂਨਿਟਾਂ ਦੇ ਮੁਕਾਬਲੇ 32.4% ਵਧੇਰੇ ਹੈ। ਹਾਲਾਂਕਿ, ਜਨਵਰੀ 2026 ਦੇ ਮੁਕਾਬਲੇ ਵਿਕਰੀ ਵਿੱਚ 4.64% ਦੀ ਮਾਮੂਲੀ ਗਿਰਾਵਟ ਦੇਖੀ ਗਈ ਹੈ।

TVS ਜੁਪੀਟਰ ਦੀ ਸਰਦਾਰੀ ਕਾਇਮ 
ਮਾਡਲ ਦੇ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ TVS Jupiter ਕੰਪਨੀ ਦਾ ਸਭ ਤੋਂ ਵੱਧ ਵਿਕਣ ਵਾਲਾ ਸਕੂਟਰ ਰਿਹਾ ਹੈ। ਫਰਵਰੀ 2026 'ਚ ਇਸ ਦੀਆਂ 1,27,089 ਯੂਨਿਟਾਂ ਵਿਕੀਆਂ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ 22.7% ਦੀ ਤੇਜ਼ੀ ਦਰਸਾਉਂਦੀਆਂ ਹਨ। ਦੂਜੇ ਨੰਬਰ 'ਤੇ TVS Apache ਸੀਰੀਜ਼ ਰਹੀ, ਜਿਸ ਦੀ ਵਿਕਰੀ ਵਿੱਚ 19% ਦਾ ਵਾਧਾ ਹੋਇਆ।

ਇਲੈਕਟ੍ਰਿਕ ਸੈਗਮੈਂਟ ਵਿੱਚ 'iQube' ਦਾ ਜਲਵਾ
 ਇਲੈਕਟ੍ਰਿਕ ਵਾਹਨਾਂ (EV) ਦੇ ਖੇਤਰ ਵਿੱਚ TVS iQube ਇੱਕ ਗੇਮਚੇਂਜਰ ਮਾਡਲ ਸਾਬਤ ਹੋਇਆ ਹੈ। ਇਸ ਦੀ ਵਿਕਰੀ ਵਿੱਚ 61.38% ਦਾ ਜ਼ਬਰਦਸਤ ਉਛਾਲ ਦੇਖਿਆ ਗਿਆ ਅਤੇ ਕੰਪਨੀ ਨੇ 38,054 ਯੂਨਿਟਾਂ ਵੇਚੀਆਂ। ਇਸ ਤੋਂ ਇਲਾਵਾ TVS Ntorq ਨੇ 52% ਅਤੇ TVS Ronin ਨੇ 112% ਦੀ ਸ਼ਾਨਦਾਰ ਗ੍ਰੋਥ ਦਰਜ ਕੀਤੀ ਹੈ। ਪ੍ਰੀਮੀਅਮ ਸੈਗਮੈਂਟ ਵਿੱਚ TVS Apache RR 310 ਦੀ ਵਿਕਰੀ 400% ਤੋਂ ਵੀ ਜ਼ਿਆਦਾ ਵਧੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e