ਕੰਪੈਕਟ SUV ਅਗਸਤ 2020 ਸੇਲਸ ਰਿਪੋਰਟ: ਟਾਪ ’ਤੇ ਰਹੀ ਹੁੰਡਈ ਕ੍ਰੇਟਾ, ਦੂਜੇ ਨੰਬਰ ’ਤੇ Kia Seltos

ਆਟੋ ਡੈਸਕ– ਕਾਰ ਨਿਰਮਾਤਾ ਕੰਪਨੀਆਂ ਨੇ ਅਗਸਤ 2020 ਦੀ ਸੇਲਸ ਰਿਪੋਰਟ ਜਾਰੀ ਕਰ ਦਿੱਤੀ ਹੈ। ਬੀਤੇ ਮਹੀਨੇ ’ਚ ਕੰਪੈਕਟ ਐੱਸ.ਯੂ.ਵੀ. ਸੈਗਮੈਂਟ ਦੀ ਮੰਗ ’ਚ ਸਭ ਤੋਂ ਜ਼ਿਆਦਾ ਵਾਧਾ ਵੇਖਿਆ ਗਿਆ ਹੈ। ਇਸ ਸੈਗਮੈਂਟ ’ਚ ਹੁੰਡਈ ਕ੍ਰੇਟਾ ਕੰਪੈਕਟ ਐੱਸ.ਯੂ.ਵੀ. ਬੈਸਟ ਸੇਲਿੰਗ ਕਾਰ ਰਹੀ ਹੈ। ਹੁੰਡਈ ਨੇ ਨਵੀਂ ਜਨਰੇਸ਼ਨ ਦੀ ਕ੍ਰੇਟਾ ਨੂੰ ਤਾਲਾਬੰਦੀ ਲੱਗਣ ਤੋਂ ਕੁਝ ਸਮਾਂ ਪਹਿਲਾਂ ਹੀ ਲਾਂਚ ਕੀਤਾ ਸੀ ਅਤੇ ਇਸ ਦੀ ਮਾਸਿਕ ਸੇਲਸ ਗ੍ਰੋਥ ’ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਬੀਤੇ ਮਹੀਨੇ ਕੰਪਨੀ ਨੇ ਇਸ ਦੀਆਂ 11,758 ਇਕਾਈਆਂ ਦੀ ਵਿਕਰੀ ਕੀਤੀ ਹੈ। 
ਉਥੇ ਹੀ ਦੂਜੇ ਨੰਬਰ ’ਤੇ ਕੀਆ ਸੇਲਟੋਸ ਨੇ ਲਿਸਟ ’ਚ ਆਪਣੀ ਥਾਂ ਬਣਾਈ ਹੈ। ਸੇਲਟੋਸ ਦੀ ਮਾਸਿਕ ਗ੍ਰੋਥ ਕਰੀਬ 29 ਫੀਸਦੀ ਵਧੀ ਹੈ ਅਤੇ ਕੰਪਨੀ ਇਸ ਦੀਆਂ 10,655 ਤੋਂ ਜ਼ਿਆਦਾ ਇਕਾਈਆਂ ਵੇਚਣ ’ਚ ਕਾਮਯਾਬ ਹੋਈ ਹੈ। 
ਤੀਜੇ ਨੰਬਰ ’ਤੇ ਹੁੰਡਈ ਦੀ ਹੀ ਵੈਨਿਊ ਹੈ ਜਿਸ ਦੀਆਂ ਕੰਪਨੀ ਨੇ 8267 ਇਕਾਈਆਂ ਦੀ ਵਿਕਰੀ ਕੀਤੀ ਹੈ। ਹੇਠਾਂ ਦਿੱਤੀ ਗਈ ਲਿਸਟ ਰਾਹੀਂ ਤੁਸੀਂ ਅਗਸਤ ਮਹੀਨੇ ’ਚ ਸਾਰੀਆਂ ਕੰਪੈਕਟ ਐੱਸ.ਯੂ.ਵੀ. ਕਾਰ ਮਾਡਲਾਂ ਦੀ ਵਿਕਰੀ ਨੂੰ ਲੈ ਕੇ ਜਾਣਕਾਰੀ ਆਸਾਨੀ ਨਾਲ ਪ੍ਰਾਪਤ ਕਰ ਸਕਦੇ ਹੋ।