Hero ਤੇ TVS ਨੂੰ ਪਛਾੜ ਗਾਹਕਾਂ ਦੀ ਪਹਿਲੀ ਪਸੰਦ ਬਣੀ Honda ਦੀ ਇਹ ਬਾਈਕ

ਆਟੋ ਡੈਸਕ- ਦੇਸ਼ 'ਚ 125cc ਇੰਜਣ ਵਾਲੀਆਂ ਬਾਈਕਸ ਦੀ ਮੰਗ ਲਗਾਤਾਰ ਵਧ ਰਹੀ ਹੈ ਅਤੇ ਗਾਹਕਾਂ ਕੋਲ ਹੁਣ ਇਸ ਸੈਗਮੈਂਟ ਵਿੱਚ ਕਈ ਵਧੀਆ ਵਿਕਲਪ ਉਪਲੱਬਧ ਹਨ ਪਰ ਇੱਕ ਅਜਿਹੀ ਬਾਈਕ ਹੈ ਜੋ ਸਾਲਾਂ ਤੋਂ ਗਾਹਕਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ ਅਤੇ ਨਵੇਂ ਮਾਡਲਾਂ ਦੇ ਆਉਣ ਦੇ ਬਾਵਜੂਦ ਆਪਣੀ ਸਥਿਤੀ ਨੂੰ ਬਰਕਰਾਰ ਰੱਖਦੀ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਹੋਂਡਾ ਸ਼ਾਈਨ 125 ਦੀ।

ਪਿਛਲੇ ਮਹੀਨੇ ਇਸ ਬਾਈਕ ਨੇ ਜ਼ਬਰਦਸਤ ਵਿਕਰੀ ਹਾਸਲ ਕੀਤੀ ਅਤੇ ਆਪਣੇ ਸੈਗਮੈਂਟ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀ ਬਾਈਕ ਬਣ ਗਈ ਹੈ। ਇੰਨਾ ਹੀ ਨਹੀਂ ਇਸ ਬਾਈਕ ਨੇ TVS ਅਤੇ Hero ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।

ਹੋਂਡਾ ਸ਼ਾਈਨ ਨੇ ਨਵੰਬਰ 2024 ਵਿੱਚ 1,45,530 ਯੂਨਿਟ ਵੇਚੀਆਂ ਸਨ। ਹਾਲਾਂਕਿ, ਅਕਤੂਬਰ 2024 ਵਿੱਚ ਇਸਦੀ ਵਿਕਰੀ 1,96,758 ਯੂਨਿਟ ਸੀ, ਜਿਸਦਾ ਮਤਲਬ ਹੈ ਕਿ ਨਵੰਬਰ ਵਿੱਚ ਵਿਕਰੀ ਵਿੱਚ ਲਗਭਗ 50,758 ਯੂਨਿਟਸ ਦੀ ਕਮੀ ਆਈ ਹੈ। ਫਿਰ ਵੀ ਹੋਂਡਾ ਸ਼ਾਈਨ ਨੇ ਸਭ ਤੋਂ ਵੱਧ ਵਿਕਣ ਵਾਲੀ ਬਾਈਕ ਦੀ ਸਥਿਤੀ ਬਰਕਰਾਰ ਰੱਖੀ ਹੈ। ਜਦੋਂ ਕਿ ਪਿਛਲੇ ਮਹੀਨੇ ਟੀ.ਵੀ.ਐੱਸ. ਰੇਡਰ ਦੀਆਂ 31,769 ਯੂਨਿਟਸ ਵਿਕੀਆਂ ਸਨ ਅਤੇ ਅਕਤੂਬਰ ਵਿੱਚ ਇਸ ਦੀਆਂ 51,153 ਯੂਨਿਟਸ ਵਿਕੀਆਂ ਸਨ। ਇਸ ਤੋਂ ਇਲਾਵਾ ਨਵੰਬਰ 'ਚ Hero Xtreme 125R ਦੀਆਂ ਸਿਰਫ 25,455 ਯੂਨਿਟਸ ਹੀ ਵਿਕੀਆਂ, ਜਦੋਂ ਕਿ ਅਕਤੂਬਰ 'ਚ ਇਸ ਦੀ ਵਿਕਰੀ 39,735 ਯੂਨਿਟ ਸੀ।

ਹੋਂਡਾ ਸ਼ਾਈਨ ਦੀਆਂ ਖੂਬੀਆਂ ਅਤੇ ਕਮੀਆਂ

ਹੋਂਡਾ ਸ਼ਾਈਨ ਵਿੱਚ 125cc ਇੰਜਣ ਹੈ, ਜੋ ਆਪਣੀ ਕਾਰਗੁਜ਼ਾਰੀ ਅਤੇ ਭਰੋਸੇਯੋਗਤਾ ਲਈ ਜਾਣਿਆ ਜਾਂਦਾ ਹੈ। ਹਾਲਾਂਕਿ, ਇਸ ਬਾਈਕ ਦਾ ਡਿਜ਼ਾਈਨ ਅਜੇ ਵੀ ਕੁਝ ਸਧਾਰਨ ਹੈ ਅਤੇ ਬਹੁਤ ਸਾਰੇ ਰਾਈਡਰ ਇਸ ਨੂੰ ਚਲਾਉਣ ਵੇਲੇ ਆਤਮ-ਵਿਸ਼ਵਾਸ ਮਹਿਸੂਸ ਨਹੀਂ ਹੁੰਦਾ। ਇਸ ਦੇ ਬਾਵਜੂਦ, ਇਹ ਬਾਈਕ ਆਪਣੀ ਬੇਮਿਸਾਲ ਭਰੋਸੇਯੋਗਤਾ ਅਤੇ ਆਰਾਮਦਾਇਕ ਸਵਾਰੀ ਲਈ ਪ੍ਰਸਿੱਧ ਹੈ। ਇਸ ਦੀ ਕੀਮਤ 80,250 ਰੁਪਏ ਐਕਸ-ਸ਼ੋਰੂਮ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 100cc ਇੰਜਣ ਵਿਕਲਪ ਦੇ ਨਾਲ ਸ਼ਾਈਨ ਦੀ ਕੀਮਤ 65,000 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।