ਜਲਦ ਆ ਰਿਹੈ ਹੀਰੋ ਦਾ ਨਵਾਂ ਇਲੈਕਟ੍ਰਿਕ ਸਕੂਟਰ, ਕੰਪਨੀ ਨੇ ਜਾਰੀ ਕੀਤਾ ਟੀਜ਼ਰ

ਆਟੋ ਡੈਸਕ- ਹੀਰੋ ਇਲੈਕਟ੍ਰਿਕ ਜਲਦ ਹੀ ਆਪਣਾ ਨਵਾਂ ਇਲੈਕਟ੍ਰਿਕ ਸਕੂਟਰ ਲਾਂਚ ਕਰਨ ਜਾ ਰਹੀ ਹੈ। ਹਾਲ ਹੀ 'ਚ ਕੰਪਨੀ ਨੇ ਟੀਜ਼ਰ ਜਾਰੀ ਕਰਕੇ ਅਪਕਮਿੰਗ ਸਕੂਟਰ ਦੀ ਝਲਕ ਦਿਖਾਈ ਹੈ, ਜਿਸ ਵਿਚ ਇਹ ਥੋੜ੍ਹਾ-ਬਹੁਤ ਹੀਰੋ ਆਪਟਿਮਾ ਵਰਗਾ ਦਿਸਦਾ ਹੈ। 

ਟੀਜ਼ਰ 'ਚ ਹੀਰੋ ਇਲੈਕਟ੍ਰਿਕ ਦੇ ਅਪਕਮਿੰਗ ਈ-ਸਕੂਟਰ 'ਚ ਫਰੰਟ ਕਾਊਲ ਦੇ ਟਾਪ 'ਤੇ ਇਕ ਐੱਲ.ਈ.ਡੀ. ਹੈੱਡਲੈਂਪ ਲੱਗਾ ਹੈ ਅਤੇ ਵਿਚ ਐੱਲ.ਈ.ਡੀ. ਟਰਨ ਇੰਡੀਕੇਟਰ ਹੈ। ਹੈੱਡਲੈਂਪ, ਟਰਨ ਇੰਡੀਕੇਟਰ ਡਿਜ਼ਾਈਨ ਅਤੇ ਫਰੰਟ ਕਾਊਲ ਹੀਰੋ ਆਪਟਿਮਾ ਦੀ ਤਰ੍ਹਾਂ ਦਿਖਾਈ ਦਿੰਦਾ ਹੈ। ਟੀਜ਼ਰ 'ਚ ਫਰੰਟ ਡਿਸਕ ਬ੍ਰੇਕ, ਕਰਵੀ ਸੀਟ, ਥਿਕ ਗ੍ਰੈਬ ਰੇਲ ਅਤੇ ਬਲਿਊ ਪੇਂਟ ਥੀਮ ਦੇ ਨਾਲ ਅਲੌਏ ਵ੍ਹੀਲਜ਼ ਆਸਾਨੀ ਨਾਲ ਦੇਖੇ ਜਾ ਸਕਦੇ ਹਨ। ਕੰਪਨੀ ਨੇ ਆਪਣੇ ਟਵੀਟ 'ਚ ਇਹ ਸੰਕੇਤ ਦਿੱਤੇ ਹਨ ਕਿ ਅਪਕਮਿੰਗ ਇਲੈਕਟ੍ਰਿਕ ਸਕੂਟਰ ਕੁਨੈਕਟਿਡ ਤਕਨਾਲੋਜੀ ਦੇ ਨਾਲ ਆ ਸਕਦਾ ਹੈ। 

A new era of intelligent and sustainable mobility is all set to dawn! Are you ready to experience the newest electrifying ride from Hero Electric? Watch this space to know more 🛵⚡#TheSmartMove pic.twitter.com/0nH6eSvFkO

— Hero Electric (@Hero_Electric) March 12, 2023

ਦੱਸ ਦੇਈਏ ਕਿ ਕੰਪਨੀ ਨੇ ਫਰਵਰੀ 2023 'ਚ 5,861 ਯੂਨਿਟ ਇਲੈਕਟ੍ਰਿਕ ਸਕੂਟਰ ਵੇਚੇ ਹਨ ਜਦਕਿ ਜਨਵਰੀ 'ਚ 6,393 ਈ-ਸਕੂਟਰਾਂ ਦੀ ਵਿਕਰੀ ਹੋਈ ਸੀ। ਉੱਥੇ ਹੀ ਚਾਲੂ ਵਿੱਤੀ ਸਾਲ 'ਚ ਹੀਰੋ ਇਲੈਕਿਟ੍ਰਕ ਨੇ ਕੁੱਲ 80,954 ਯੂਨਿਟ ਇਲੈਕਟ੍ਰਿਕ ਸਕੂਟਰ ਵੇਚੇ ਹਨ।