BSNL  ਯੂਜ਼ਰਸ ਦੀਆਂ ਲੱਗੀਆਂ ਮੌਜਾਂ ! ਹੁਣ ਸਾਲ ਭਰ ਮਿਲੇਗਾ ਰੋਜ਼ਾਨਾ 3GB ਡੇਟਾ

ਗੈਜੇਟ ਡੈਸਕ - BSNL ਲਗਾਤਾਰ ਕਿਫਾਇਤੀ ਰੀਚਾਰਜ ਯੋਜਨਾਵਾਂ ਰਾਹੀਂ ਉਪਭੋਗਤਾਵਾਂ ਨੂੰ ਬਿਹਤਰ ਡੀਲ ਆਫਰ ਕਰ ਰਿਹਾ ਹੈ। ਸਰਕਾਰੀ ਟੈਲੀਕਾਮ ਕੰਪਨੀ ਕੋਲ 365 ਦਿਨਾਂ ਦੀ ਵੈਲੀਡਿਟੀ ਵਾਲਾ ਇਕ ਅਜਿਹਾ ਹੀ ਕਿਫਾਇਤੀ ਰੀਚਾਰਜ ਪਲਾਨ ਹੈ। ਇਹ ਪਲਾਨ 3GB ਰੋਜ਼ਾਨਾ ਹਾਈ-ਸਪੀਡ ਡੇਟਾ ਦੀ ਪੇਸ਼ਕਸ਼ ਕਰਦਾ ਹੈ। ਕੰਪਨੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਰਾਹੀਂ ਇਸ ਰੀਚਾਰਜ ਪਲਾਨ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।

BSNL ਇੰਡੀਆ ਨੇ ਆਪਣੇ ਅਧਿਕਾਰਤ X ਹੈਂਡਲ ਰਾਹੀਂ ਇਸ ਪਲਾਨ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ ਇਹ ₹2799 ਦੀ ਕੀਮਤ ਵਾਲਾ 365-ਦਿਨਾਂ ਦੀ ਵੈਲੀਡਿਟੀ ਵਾਲਾ ਰੀਚਾਰਜ ਪਲਾਨ ਦੇ ਨਾਲ ਆਉਂਦਾ ਹੈ। ਇਸ ਪ੍ਰੀਪੇਡ ਪਲਾਨ ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ, ਉਪਭੋਗਤਾਵਾਂ ਨੂੰ ਪੂਰੇ ਭਾਰਤ 'ਚ ਅਸੀਮਤ ਵਾਇਸ ਕਾਲਿੰਗ ਅਤੇ ਮੁਫਤ ਰਾਸ਼ਟਰੀ ਰੋਮਿੰਗ ਮਿਲੇਗੀ। ਇਸ ਤੋਂ ਇਲਾਵਾ, ਉਪਭੋਗਤਾਵਾਂ ਨੂੰ ਪ੍ਰਤੀ ਦਿਨ 3GB ਹਾਈ-ਸਪੀਡ ਡੇਟਾ ਅਤੇ 100 ਮੁਫ਼ਤ SMS ਦਾ ਵੀ ਲਾਭ ਮਿਲੇਗਾ।

ਭਾਰਤ ਸੰਚਾਰ ਨਿਗਮ ਲਿਮਟਿਡ ਦਾ ਇਹ ਰੀਚਾਰਜ ਪਲਾਨ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਦੇ ਸਾਲਾਨਾ ਪਲਾਨਾਂ ਨਾਲੋਂ ₹1,000 ਤੋਂ ₹1,200 ਤੱਕ ਸਸਤਾ ਹੋਵੇਗਾ। ਕੰਪਨੀ ਨੇ ਹਾਲ ਹੀ ਦੇ ਸਮੇਂ 'ਚ ਆਪਣੇ ਨੈੱਟਵਰਕ ਦਾ ਵਿਸਥਾਰ ਵੀ ਕੀਤਾ ਹੈ। ਕੰਪਨੀ ਨੇ ਦੇਸ਼ ਭਰ 'ਚ ਲੱਖਾਂ ਨਵੇਂ 4G ਟਾਵਰ ਲਗਾਏ ਹਨ। ਇਹ ਸਾਰੇ 4G ਟਾਵਰ ਪੂਰੀ ਤਰ੍ਹਾਂ 5G-ਤਿਆਰ ਹਨ। ਸਰਕਾਰੀ ਟੈਲੀਕਾਮ ਕੰਪਨੀ ਵੀ ਜਲਦੀ ਹੀ 5G ਸੇਵਾਵਾਂ ਸ਼ੁਰੂ ਕਰਨ ਵਾਲੀ ਹੈ। BSNL ਨੇ ਇਸ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।

BSNL ਨੇ ਹਾਲ ਹੀ 'ਚ ਇਕ ਹੋਰ 365-ਦਿਨਾਂ ਦਾ ਪਲਾਨ ਪੇਸ਼ ਕੀਤਾ ਹੈ। ਇਹ ਪ੍ਰੀਪੇਡ ਪਲਾਨ ਖਾਸ ਤੌਰ 'ਤੇ ਐਕਸੀਡੈਂਟਲ ਕਵਰ ਦੇ ਨਾਲ ਆਉਂਦਾ ਹੈ। ਇਸ 'ਚ, ਉਪਭੋਗਤਾਵਾਂ ਨੂੰ 1 ਲੱਖ ਰੁਪਏ ਦਾ ਐਕਸੀਡੈਂਟਲ ਕਵਰ ਅਤੇ 10,000 ਰੁਪਏ ਦਾ ਸਾਈਬਰ ਬੀਮਾ ਦਿੱਤਾ ਜਾ ਰਿਹਾ ਹੈ। BSNL ਨੇ ਇਹ ਪਲਾਨ 2499 ਰੁਪਏ ਦੀ ਕੀਮਤ 'ਤੇ ਪੇਸ਼ ਕੀਤਾ ਹੈ।

ਇਸ ਪ੍ਰੀਪੇਡ ਪਲਾਨ 'ਚ ਉਪਲਬਧ ਹੋਰ ਫਾਇਦਿਆਂ ਦੀ ਗੱਲ ਕਰੀਏ ਤਾਂ, ਉਪਭੋਗਤਾਵਾਂ ਨੂੰ ਭਾਰਤ 'ਚ ਕਿਤੇ ਵੀ ਕਾਲ ਕਰਨ ਲਈ ਅਸੀਮਤ ਵਾਇਸ ਕਾਲਿੰਗ ਅਤੇ ਮੁਫਤ ਰਾਸ਼ਟਰੀ ਰੋਮਿੰਗ ਦਾ ਲਾਭ ਮਿਲੇਗਾ। ਉਪਭੋਗਤਾਵਾਂ ਨੂੰ 2GB ਹਾਈ-ਸਪੀਡ ਡੇਟਾ ਅਤੇ ਪ੍ਰਤੀ ਦਿਨ 100 ਮੁਫ਼ਤ SMS ਦਾ ਵੀ ਲਾਭ ਮਿਲੇਗਾ। ਇਸ ਪਲਾਨ ਦੇ ਬੀਮਾ ਲਾਭਾਂ ਬਾਰੇ ਗੱਲ ਕਰੀਏ ਤਾਂ, ਨਿੱਜੀ ਦੁਰਘਟਨਾ ਕਵਰ ਵਿੱਚ, ਸੜਕ ਦੁਰਘਟਨਾ, ਜਲਣ ਭਾਵ ਅੱਗ ਲੱਗਣ, ਸੱਪ ਦੇ ਡੰਗਣ, ਬਿਜਲੀ ਡਿੱਗਣ ਅਤੇ ਬਿਜਲੀ ਦੇ ਝਟਕੇ ਕਾਰਨ ਸੜਨ ਦੀ ਸਥਿਤੀ ਵਿੱਚ ਇਸ ਦੁਰਘਟਨਾ ਬੀਮੇ ਦਾ ਲਾਭ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।