ਯੂਜ਼ਰਸ ਦੀ ਹੋਈ ਬੱਲੇ-ਬੱਲੇ! ਇਸ ਕੰਪਨੀ ਨੇ ਲਾਂਚ ਕੀਤੇ 3 ਨਵੇਂ ਸਸਤੇ ਪਲਾਨ

Thursday, Nov 19, 2026 - 09:34 AM (IST)

ਯੂਜ਼ਰਸ ਦੀ ਹੋਈ ਬੱਲੇ-ਬੱਲੇ! ਇਸ ਕੰਪਨੀ ਨੇ ਲਾਂਚ ਕੀਤੇ 3 ਨਵੇਂ ਸਸਤੇ ਪਲਾਨ

ਗੈਜੇਟ ਡੈਸਕ - ਜੇਕਰ ਤੁਸੀਂ ਵੀ ਮਹਿੰਗੇ ਮੋਬਾਈਲ ਰਿਚਾਰਜ ਤੋਂ ਪ੍ਰੇਸ਼ਾਨ ਹੋ ਗਏ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ। BSNL ਨੇ ਇਸ ਪ੍ਰੇਸ਼ਾਨੀ ਨੂੰ ਸਮਝਦਿਆਂ ਆਪਣੇ 3 ਨਵੇਂ ਰਿਚਾਰਜ ਪਲਾਨ ਪੇਸ਼ ਕੀਤੇ ਹਨ ਜਿਨ੍ਹਾਂ ਦੀ ਕੀਮਤ 172 ਰੁਪਏ, 184 ਰੁਪਏ ਤੇ 190 ਰੁਪਏ ਹੈ। ਕੰਪਨੀ ਨੇ ਇਹ ਪਲਾਨ ਉਨ੍ਹਾਂ ਯੂਜ਼ਰਾਂ ਲਈ ਪੇਸ਼ ਕੀਤੇ ਹਨ ਜਿਨ੍ਹਾਂ ਨੂੰ ਇੰਟਰਨੈੱਟ ਦੀ ਲੋੜ ਨਹੀਂ ਹੈ। 

ਟਰਾਈ ਦੇ ਹੁਕਮਾਂ ਤੋਂ ਬਾਅਦ BSNL ਨੇ ਆਪਣੇ ਮੋਬਾਈਲ ਡਾਟਾ ਤੋਂ ਬਿਨਾਂ ਆਪਣੇ ਇਹ 3 ਪਲਾਨ ਪੇਸ਼ ਕੀਤੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ, TRAI ਨੇ ਸਾਰੀਆਂ ਟੈਲੀਕਾਮ ਕੰਪਨੀਆਂ ਨੂੰ ਅਜਿਹੇ ਰੀਚਾਰਜ ਪਲਾਨ ਜਾਰੀ ਕਰਨ ਲਈ ਕਿਹਾ ਸੀ ਜੋ ਗਾਹਕਾਂ ਨੂੰ ਸਿਰਫ਼ ਕਾਲਿੰਗ ਅਤੇ SMS ਸੇਵਾਵਾਂ ਪ੍ਰਦਾਨ ਕਰਦੇ ਹਨ। ਇਹ ਉਨ੍ਹਾਂ ਲੋਕਾਂ ਨੂੰ ਰਾਹਤ ਦੇਣ ਲਈ ਹੈ ਜਿਨ੍ਹਾਂ ਨੂੰ ਬਿਨਾਂ ਡੇਟਾ ਦੇ ਘੱਟ ਕੀਮਤ ਵਾਲੇ ਰੀਚਾਰਜ ਪਲਾਨ ਦੀ ਲੋੜ ਹੈ।

ਇਹ ਨਵੇਂ BSNL ਰੀਚਾਰਜ ਪਲਾਨ ਖਾਸ ਤੌਰ 'ਤੇ ਫੀਚਰ ਫੋਨ ਜਾਂ ਡਿਊਲ ਸਿਮ ਕਾਰਡ ਵਰਤਣ ਵਾਲਿਆਂ ਲਈ ਢੁਕਵੇਂ ਹਨ। ਇਸ ਤੋਂ ਇਲਾਵਾ, ਜਿਨ੍ਹਾਂ ਗਾਹਕਾਂ ਨੂੰ ਸਿਰਫ਼ ਕਾਲ ਕਰਨ ਦੀ ਲੋੜ ਹੁੰਦੀ ਹੈ, ਉਹ ਵੀ ਇਨ੍ਹਾਂ ਯੋਜਨਾਵਾਂ ਦਾ ਲਾਭ ਲੈ ਸਕਦੇ ਹਨ। ਇਹ ਵਿਕਲਪ ਉਨ੍ਹਾਂ ਗਾਹਕਾਂ ਲਈ ਵੀ ਉਪਲਬਧ ਹੋ ਸਕਦੇ ਹਨ ਜੋ ਬੈਂਕ OTP ਅਤੇ ਮਹੱਤਵਪੂਰਨ ਮੈਸੇਜਸ ਲਈ ਆਪਣੇ ਮੋਬਾਈਲ ਨੰਬਰਾਂ ਦੀ ਵਰਤੋਂ ਕਰਦੇ ਹਨ।

ਫਾਇਦਿਆਂ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ BSNL ਦੇ ਤਿੰਨੋਂ ਪਲਾਨ ਇਕੋ ਜਿਹੇ ਹੀ ਹਨ। ਇਹ ਪਲਾਨ ਗਾਹਕਾਂ ਨੂੰ ਅਸੀਮਤ ਲੋਕਲ, STD ਅਤੇ ਰੋਮਿੰਗ ਕਾਲਿੰਗ ਦੀ ਪੇਸ਼ਕਸ਼ ਕਰਦੇ ਹਨ। ਤੁਹਾਨੂੰ ਰੋਜ਼ਾਨਾ 100 SMS ਵੀ ਮਿਲਦੇ ਹਨ। ਧਿਆਨ ਰਹੇ ਕਿ ਇਨ੍ਹਾਂ ਪਲਾਨਾਂ 'ਚ ਕੋਈ ਮੋਬਾਈਲ ਇੰਟਰਨੈੱਟ ਡਾਟਾ ਸ਼ਾਮਲ ਨਹੀਂ ਹੈ। ਤਿੰਨਾਂ ਰੀਚਾਰਜਾਂ 'ਚ ਸਭ ਤੋਂ ਵੱਡਾ ਅੰਤਰ ਵੈਲੀਡਿਟੀ ਦਾ ਹੈ। 172 ਰੁਪਏ ਵਾਲੇ ਪਲਾਨ ਦੀ ਵੈਲੀਡਿਟੀ 28 ਦਿਨਾਂ ਦੀ ਹੈ, ਜਦੋਂ ਕਿ 184 ਰੁਪਏ ਵਾਲੇ ਰੀਚਾਰਜ ਦੀ ਮਿਆਦ 30 ਦਿਨਾਂ ਦੀ ਹੈ। ਇਸ ਦੇ ਨਾਲ, 190 ਰੁਪਏ ਵਾਲਾ ਪਲਾਨ ਇੱਕ ਕੈਲੰਡਰ ਮਹੀਨੇ ਦੀ ਵੈਧਤਾ ਦੀ ਪੇਸ਼ਕਸ਼ ਕਰਦਾ ਹੈ।


 


author

Sunaina

Content Editor

Related News