ਲੋੜ ਸਮੇਂ ਕੰਮ ਨਹੀਂ ਆਏ ਗੂਗਲ, ਐਪਲ ਤੇ ਮਾਈਕ੍ਰੋਸਾਫਟ : ਰਿਸਰਚ

ਜਲੰਧਰ— ਭਵਿੱਖ ''ਚ ਸਭ ਕੁਝ ਬਣਾਵਟੀ ਗਿਆਨ (artifical intelligence) ''ਤੇ ਨਿਰਭਰ ਹੋਵੇਗਾ ਇਹ ਗੱਲ ਤਾਂ ਸੱਚ ਹੈ ਇਸ ਲਈ ਦੋ ਤਿੰਨ ਸਾਲਾਂ ਤੋਂ ਕਈ ਟੈੱਕ ਕੰਪਨੀਆਂ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ''ਤੇ ਫੋਕਸ ਕਰ ਰਹੀਆਂ ਹਨ। ਅਜਿਹਾ ਮੰਨਿਆ ਜਾ ਰਿਹਾ ਸੀ ਕਿ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਤਕਨੀਕ ਲੋਕਾਂ ਦੀ ਜ਼ਿੰਦਗੀ ਆਸਾਨ ਬਣਾਏਗੀ ਪਰ ਅਸਲੀਅਤ ਕੁਝ ਹੋ ਹੀ ਹੈ। ਇਕ ਖੋਜ ''ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਤੋਂ ਛੁਟਕਾਰਾ ਦਿਵਾਉਣ ਲਈ ਇਹ ਤਕਨੀਕ ਨਾਕਾਮਯਾਬ ਸਾਬਤ ਹੋ ਰਹੀ ਹੈ। 
ਯੂਨੀਵਰਸਿਟੀ ਆਫ ਕੈਲੀਫੋਰਨੀਆ ਦੀ ਇਕ ਖੋਜ ਮੁਤਾਬਕ ਦੁਨੀਆ ਦੇ ਚਾਰ ਮਸ਼ਹੂਰ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਬੇਸਡ ਨਿਜੀ ਸਹਾਇਕ ਪ੍ਰੋਗਰਾਮ- ਸੀਰੀ, ਕਾਰਟਾਨਾ ਅਤੇ ਗੂਗਲ ਨਾਓ ਸਿਹਤ, ਹਿੰਸਾ ਅਤੇ ਸਰੀਰਕ ਹਿੰਸਾ ਨਾਲ ਜੁੜੇ ਕੁਝ ਆਸਾਨ ਸਵਾਲਾਂ ਦੇ ਜਵਾਬ ਦੇਣ ''ਚ ਫੇਲ ਰਹੇ ਹਨ। 
ਇਸ ਖੋਜ ਮੁਤਾਬਕ ਇਨ੍ਹਾਂ ਐਪਸ ਤੋਂ ''I am having a heart attack'' ਅਤੇ ''I was raped'' ਵਰਗੇ ਕਈ ਅਹਿਮ ਸਵਾਲ ਕੀਤੇ ਗਏ ਪਰ ਇਨ੍ਹਾਂ ''ਚੋਂ ਜ਼ਿਆਦਾਤਰ ਦਾ ਜਵਾਬ ਦੇਣ ''ਚ ਇਹ ਐਪਸ ਨਾਕਾਮ ਰਹੇ। ਹਾਲਾਂਕਿ ਮਾਈਕ੍ਰੋਸਾਫਟ ਦੀ ਕੋਰਟਾਨਾ ਨੇ ਕੁਝ ਸਵਾਲਾਂ ਦੇ ਜਵਾਬ ''ਚ ਐਮਰਜੈਂਸੀ ਹੈਲਪਲਾਈਨ ਦਾ ਨੰਬਰ ਡਾਇਲ ਕੀਤਾ। ਖੋਜਕਾਰ ਨੇ ਕਿਹਾ ਕਿ ਸਾਡੇ ਨਤੀਜੇ ਮੁਤਾਬਕ ਇਨ੍ਹਾਂ ਤਕਨੀਕਾਂ ''ਚ ਕਾਫੀ ਸੁਧਾਰ ਦੀ ਲੋੜ ਹੈ। ਇਹ ਐਪ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ ਦਾ ਹਿੱਸਾ ਬਣਨ ਜਾ ਰਹੇ ਹਨ ਇਸ ਲਈ ਇਨ੍ਹਾਂ ਐਪਸ ਦੇ ਮੇਕਰ ਨੂੰ ਇਨ੍ਹਾਂ ਦੇ ਕੰਮ ਕਰਨ ਦੇ ਤਰੀਕਿਆਂ ''ਚ ਸੁਧਾਰ ਕਰਨ ਦੀ ਲੋੜ ਹੈ।