ਘਰੇਲੂ ਕੰਪਨੀ ਫੇਂਡਾ ਆਡੀਓ ਨੇ ਲਾਂਚ ਕੀਤਾ 40W ਦਾ ਪੋਰਟੇਬਲ ਸਪੀਕਰ

ਗੈਜੇਟ ਡੈਸਕ– ਘਰੇਲੂ ਕੰਪਨੀ ਫੇਂਡਾ ਆਡੀਓ ਨੇ ਭਾਰਤੀ ਬਾਜ਼ਾਰ ’ਚ ਤਿਉਹਾਰੀ ਸੀਜ਼ਨ ਨੂੰ ਧਿਆਨ ’ਚ ਰੱਖਦੇ ਹੋਏ 40W ਦਾ ਪੋਰਟੇਬਲ ਮਲਟੀ-ਫੰਕਸ਼ਨ ਪਾਰਟੀ ਸਪੀਕਰ ਫੇਂਡਾ PA924 ਪੇਸ਼ ਕੀਤਾ ਹੈ ਜਿਸ ਦੇ ਨਾਲ ਕਰਾਓਕੇ ਮਾਈਕ ਦਾ ਵੀ ਸਪੋਰਟ ਹੈ। ਫੇਂਡਾ PA924 ਨੂੰ ਅਜਿਹੇ ਲੋਕਾਂ ਦੀ ਲੋੜ ਨੂੰ ਧਿਆਨ ’ਚ ਰੱਖਦੇ ਹੋਏ ਪੇਸ਼ ਕੀਤਾ ਗਿਆਹੈ ਜੋ ਇਕ ਪੋਰਟੇਬਲ ਪਾਰਟੀ ਸਪੀਕਰ ਚਾਹੁੰਦੇ ਹਨ। ਇਸ ਨੂੰ ਤੁਸੀਂ ਆਪਣੇ ਟੀ.ਬੀ. ਦੇ ਨਾਲ ਵੀ ਕੁਨੈਕਟ ਕਰ ਸਕਦੇ ਹੋ ਯਾਨੀ PA924 ਨੂੰ ਤੁਸੀਂ ਸਾਊਂਡਬਾਰ ਦੇ ਤੌਰ ’ਤੇ ਵੀ ਇਸਤੇਮਾਲ ਕਰ ਸਕਦੇ ਹੋ। 

ਫੇਂਡਾ PA924 ’ਚ ਸਪੀਕਰ ਦੇ ਨਾਲ ਮਾਈਕ ਵੀ ਦਿੱਤਾ ਗਿਆ ਹੈ ਜਿਸ ਦੀ ਮਦਦ ਨਾਲ ਤੁਸੀਂ ਫੋਨ ’ਤੇ ਗੱਲ ਵੀ ਕਰ ਸਕਦੇ ਹੋ। ਇਸ ਵਿਚ ਕਰਾਓਕੇ ਮਾਈਕ ਦੇ ਨਾਲ ਮਲਟੀ ਕਲਰ ਲਾਈਟਾਂ ਵੀ ਦਿੱਤੀਆਂ ਗਈਆਂ ਹਨ ਜੋ ਕਿ ਡੀ.ਜੇ. ਵਰਗਾ ਅਹਿਸਾਸ ਕਰਵਾਉਂਦੀਆਂ ਹਨ। ਫੇਂਡਾ ਆਡੀਓ PA924 ਪਾਵਰਫੁਲ ਟਵਿਨ 5.35 ਇੰਚ ਵੂਫਰਸ ਨਾਲ ਆਉਂਦਾ ਹੈ ਅਤੇ ਇਸ ਨੂੰ ਟਵਿਨ ਪਰਫਾਰਮੈਂਸ 2 ਇੰਚ ਦੇ ਟਵੀਟਰਸ ਦੇ ਨਾਲ ਪੇਅਰ ਕੀਤਾ ਜਾਂਦਾ ਹੈ।

ਇਸ ਦੇ ਡ੍ਰਾਈਵਰਸ ਅਤੇ ਐਨਕਲੋਜ਼ਰ ਨੂੰ ਫੇਂਡਾ ਦੇ ਆਡੀਓ ਇੰਜੀਨੀਅਰਜ਼ ਦੁਆਰਾ ਡਿਜ਼ਾਇਨ ਕੀਤਾ ਗਿਆ ਹੈ। ਇਸ ਐਨਕਲੋਜ਼ਰ ਨੂੰ ਫਾਇਰਪਰੂਫ ਪਲਾਸਟਿਕ ਮਟੀਰੀਅਲ ਅਤੇ ਮੈਟਲ ਗਰਿੱਲ ਨਾਲ ਬਣਾਇਆ ਗਿਆ ਹੈ ਜੋ ਸਪੀਕਰ ਨੂੰ ਐਕਸੀਡੈਂਟਲ ਡੈਮੇਜ ਤੋਂ ਪੂਰੀ ਤਰ੍ਹਾਂ ਸੁਰੱਖਿਅਤ ਰੱਖਦੇ ਹਨ। ਦੋ ਵੂਫਰ ਮਲਟੀ-ਕਲਰ ਆਰ.ਜੀ.ਬੀ. ਐੱਲ.ਈ.ਡੀ. ਦੇ ਨਾਲ ਆਉਂਦੇ ਹਨ। 

ਫੇਂਡਾ ਆਡੀਓ PA924 ’ਚ ਮਲਟੀਪਲ ਇਨਪੁਟ ਵੀ ਹਨ। ਕਰਾਓਕੇ ਆਡੀਓ ਸਿਸਟਮ ਜਾਂ ਟੀ.ਵੀ. ਲਈ ਸਾਊਂਡਬਾਰ ਤੋਂ ਇਲਾਵਾ ਇਹ ਬਲੂਟੁੱਥ ਕੁਨੈਕਟੀਵਿਟੀ ਅਤੇ ਯੂ.ਐੱਸ.ਬੀ. ਇਨਪੁਟ ਨੂੰ ਵੀ ਸਪੋਰਟ ਕਰਦਾ ਹੈ ਤਾਂ ਜੋ ਤੁਸੀਂ ਜਦੋਂ ਚਾਹੋ ਆਪਣੀ ਪਸੰਦ ਦੀ ਮਿਊਜ਼ਿਕ ਪਲੇਅ-ਲਿਸਟ ਸੁਣ ਸਕੋ। ਇਸ ਤੋਂ ਇਲਾਵਾ ਇਸ ਵਿਚ ਇਕ ਸਟੀਰੀਓ ਐੱਫ.ਐੱਮ. ਰੇਡੀਓ ਵੀ ਹੈ ਤਾਂ ਤੁਸੀਂ ਜਦੋਂ ਚਾਹੋ ਆਪਣੇ ਪਸੰਦੀਦਾ ਆਰ.ਜੇ. ਨੂੰ ਸੁਣ ਸਕਦੇ ਹੋ।

ਫੇਂਡਾ ਆਡੀਓ PA924 ਪੋਰਟੇਬਲ ਹਨ। ਇਸ ਸਪੀਕਰ ’ਚ ਇਨਬਿਲਟ ਰੀਚਾਰਜੇਬਲ 12V 4.4mAh ਬੈਟਰੀ ਹੈ। ਫੇਂਡਾ ਆਡੀਓ PA924 12,990 ਰੁਪਏ ਦੀ ਕੀਮਤ ’ਚ ਐਮਾਜ਼ੋਨ ਅਤੇ ਹੋਰ ਪ੍ਰਮੁੱਖ ਆਨਲਾਈਨ ਅਤੇ ਆਫਲਾਈਨ ਸਟੋਰਾਂ ਤੋਂ ਖਰੀਦਿਆ ਜਾ ਸਕਦਾ ਹੈ। ਇਸ ਦੇ ਨਾਲ 1 ਸਾਲ ਦੀ ਵਾਰੰਟੀ ਮਿਲ ਰਹੀ ਹੈ।