Ducati ਨੇ ਭਾਰਤ ''ਚ ਲਾਂਚ ਕੀਤੀ Diavel Diesel ਸੁਪਰ ਬਾਈਕ
Saturday, Apr 01, 2017 - 03:29 PM (IST)
ਜਲੰਧਰ- ਇਟਲੀ ਦੀ ਮੋਟਰਸਾਈਕਲ ਨਿਰਮਾਤਾ ਡੁਕਾਤੀ ਨੇ ਆਪਣੇ ਸਪੋਰਟ ਕਰੂਜ਼ਰ ਮੋਟਰਸਾਈਕਲ Diavel ਡੀਜ਼ਲ ਦੇ ਲਿਮਟਿਡ ਵਰਜ਼ਨ ਨੂੰ ਭਾਰਤ ''ਚ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਬਾਈਕ ਨੂੰ ਦੋ ਵੇਰਿਅੰਟ ''ਚ ਭਾਰਤੀ ਬਾਜ਼ਾਰ ''ਚ ਪੇਸ਼ ਕੀਤਾ ਹੈ। ਪਹਿਲਾ Diavel ਅਤੇ ਦੂੱਜਾ Diavel S ਹੈ। ਕੀਮਤ ਦੀ ਗੱਲ ਕਰੀਏ ਤਾਂ Diavel ਦੀ ਦਿੱਲੀ ਐਕਸ ਸ਼ੋਰੂਮ ਕੀਮਤ 15.87 ਲੱਖ ਰੁਪਏ ਤੋਂ ਸ਼ੁਰੂ ਹੋਵੇਗੀ। ਉਥੇ ਹੀ ਇਸ ਦਾ ਟਾਪ ਵੇਰਿਅੰਟ ਖਰੀਦਣ ਲਈ ਤੁਹਾਨੂੰ 18.47 ਲੱਖ ਰੁਪਏ (ਐੱਕਸ ਸ਼ੋਰੂਮ ਦਿੱਲੀ) ਖਰਚ ਕਰਣੇ ਹੋਣਗੇ। ਕੰਪਨੀ ਮੁਤਾਬਕ ਦੇਸ਼ ਭਰ ''ਚ ਡੁਕਾਟੀ ਦੀ ਡੀਲਰਸ਼ਿਪ ''ਤੇ ਇਸ ਬਾਈਕ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ।
ਸਪੈਸੀਫਿਕੇਸ਼ਨਸ ਦੀ ਗੱਲ ਕਰੀਏ ਤਾਂ ਇਸ ਬਾਈਕ ''ਚ 1,262cc ਦਾ ਇੰਜਣ ਦਿੱਤਾ ਗਿਆ ਹੈ। ਕੰਪਨੀ ਨੇ ਇਸ ਇੰਜਣ ਦੇ ਨਾਲ ਡੈਸਮੋਡਰਾਮਿਕ ਵੇਰੀਏਬਲ ਟਾਈਮਿੰਗ (ਡੀ. ਵੀ. ਟੀ) ਤਕਨੀਕ ਦਾ ਇਸਤੇਮਾਲ ਕੀਤਾ ਹੈ। ਬਾਈਕ ਦਾ ਇਹ ਪਾਵਰਫੁੱਲ ਇੰਜਣ 156php ਪਾਵਰ ਦਿੰਦਾ ਹੈ। ਇਸ ''ਚ ਸਲਿਪਰ ਕਲਚ ਦੇ ਨਾਲ 6-ਸਪੀਡ ਟਰਾਂਸਮਿਸ਼ਨ ਦਿੱਤਾ ਗਿਆ ਹੈ।
ਉਥੇ ਹੀ Diavel S ਦੀ ਗੱਲ ਕਰੀਏ ਤਾਂ ਇਸ ''ਚ ਵੀ Diavel ਵਰਗਾ ਹੀ ਇੰਜਣ ਲਗਾ ਹੈ, ਪਰ ਇਸ ''ਚ ਤੁਹਾਨੂੰ ਫੀਚਰਸ ਜ਼ਿਆਦਾ ਮਿਲਣਗੇ। Diavel S ''ਚ ਤੁਹਾਡੇ ਐਂਟਰਟੇਨਮੇਂਟ ਦੀ ਪੂਰੀ ਸਵਿਧਾ ਹੈ। ਕਾਰਾਂ ਦੀ ਤਰ੍ਹਾਂ ਇਸ ਬਾਈਕ ''ਚ ਬਲੂਟੁੱਥ ਇਨਫੋਟੇਨਮੇਂਟ ਸਿਸਟਮ ਦਿੱਤਾ ਗਿਆ ਹੈ। ਨਾਲ ਹੀ ਨਾਲ ਬਾਈਕ ''ਚ ਐਡਜਸਟੇਬਲ ਸਸਪੇਂਸ਼ਨ ਵੀ ਦਿੱਤਾ ਗਿਆ ਹੈ।
ਇਸ ਬਾਈਕ ਦੇ ਬਾਕੀ ਦੇ ਫੀਚਰਸ ਬਾਰੇ ਗੱਲ ਕਰੀਏ ਤਾਂ ਇਸ ''ਚ ਫੁੱਲ ਐੱਲ. ਈ. ਡੀ ਲਾਈਟਿੰਗ ਰਾਈਡਿੰਗ ਮੋਡਸ, ਕੀ-ਲੈੱਸ ਇਗਨਿਸ਼ਨ ਅਤੇ ਬੈਕਲਿਟ ਹੈਂਡਲਬਾਰ ਸਵਿਚ ਜਿਹੇ ਲਗਜ਼ਰੀ ਫੀਚਰਸ ਦਿੱਤੇ ਗਏ ਹਨ। ਸੇਫਟੀ ਲਈ ਕਾਰਨਰਿੰਗ ਏ. ਬੀ. ਐੱਸ, ਈ. ਬੀ. ਡੀ, ਟਰੈਕਸ਼ਨ ਕੰਟਰੋਲ ਅਤੇ ਡੁਕਾਟੀ ਪਾਵਰ ਲਾਂਚ ਦਿੱਤਾ ਗਿਆ ਹੈ। ਇਸ ''ਚ ਤੁਹਾਨੂੰ ਕਰੂਜ਼ ਕੰਟਰੋਲ ਵੀ ਮਿਲੇਗਾ।
