ਮੋਟੋਰੋਲਾ ਦੇ ਇਨ੍ਹਾਂ ਸਮਾਰਟਫੋਨਜ਼ ''ਤੇ ਏਅਰਟੈੱਲ ਦਾ 2000 ਰੁਪਏ ਦਾ ਕੈਸ਼ਬੈਕ ਆਫਰ

ਜਲੰਧਰ- ਭਾਰਤੀ ਟੈਲੀਕਾਮ ਕੰਪਨੀ ਏਅਰਟੈੱਲ ਆਏ ਦਿਨ ਨਵੇਂ ਆਫਰ ਪੇਸ਼ ਕਰ ਕੇ ਆਪਣੇ ਗਾਹਕਾਂ ਨੂੰ ਲੁਭਾਉਣ ਦਾ ਇਕ ਵੀ ਮੌਕਾ ਨਹੀਂ ਛੱਡਦੀ। ਉਥੇ ਹੀ ਹੁਣ ਕੰਪਨੀ ਨੇ ਲੇਨੋਵੋ ਦੀ ਮਲਕਿਅਤ ਵਾਲੀ ਮੋਟੋਰੋਲਾ ਦੇ ਨਾਲ ਇਕ ਸਾਂਝੇਦਾਰੀ ਕੀਤੀ ਹੈ। ਇਸ ਪਾਰਟਨਰਸ਼ਿਪ ਦੇ ਤਹਿਤ ਮੋਟੋਰੋਲਾ ਦੇ ਦੋ ਪਾਪੂਲਰ ਸਮਾਰਟਫੋਨ ਮੋਟੋਰੋਲਾ ਮੋਟੋ 3, ਮੋਟੋ E4 ਅਤੇ ਲੇਨੋਵੋ K8 ਨੋਟ 2000 ਰੁਪਏ ਦੇ ਕੈਸ਼ਬੈਕ ਦੇ ਨਾਲ ਉਪਲੱਬਧ ਹੋਣਗੇ। ਇਸ ਤੋਂ ਫੋਨਜ਼ ਦੀਆਂ ਕੀਮਤਾਂ 'ਚ ਕਮੀ ਆ ਜਾਵੇਗੀ ਅਤੇ ਜ਼ਿਆਦਾ ਗਾਹਕ ਉਸਦਾ ਫ਼ਾਇਦਾ ਚੁੱਕ ਸਕਣਗੇ।

ਸਾਰੇ ਸਮਾਰਟਫੋਨ ਸਪੈਸ਼ਲ ਰਿਚਾਰਜ 169 ਰੁਪਏ ਦੇ ਪੈਕ ਦੇ ਨਾਲ ਆਉਣਗੇ। ਇਸ ਆਫਰ 'ਚ 1ਜੀ. ਬੀ. 4ਜੀ ਡਾਟਾ ਪ੍ਰਤੀ ਦਿਨ ਅਤੇ ਅਨਲਿਮਟਿਡ ਕਾਲਿੰਗ (ਲੋਕਲ ਅਤੇ ਐੱਸ. ਟੀ. ਡੀ.) ਦੇ ਨਾਲ ਆਵੇਗਾ।


ਕਿਵੇਂ ਮਿਲੇਗਾ ਕੈਸ਼ਬੈਕ ? 
2000 ਰੁਪਏ ਦਾ ਕੈਸ਼ਬੈਕ ਬੇਨੀਫਿੱਟ ਯੂਜ਼ਰਸ ਨੂੰ ਦੋ ਇੰਸਟਾਲਮੇਂਟਸ 'ਚ ਮਿਲੇਗਾ। ਇਹ ਕੈਸ਼ਬੈਕ 36 ਮਹੀਨਿਆਂ ਦੇ ਸਮੇਂ  ਦੇ ਦੌਰਾਨ ਮਿਲੇਗਾ। ਯੂਜ਼ਰ ਨੂੰ ਪਹਿਲਾਂ ਦੇ 18 ਮਹੀਨਿਆਂ 'ਚ 3500 ਰੁਪਏ ਦੇ ਏਅਰਟੈੱਲ ਪ੍ਰੀਪੇਡ ਰਿਚਾਰਜ ਕਰਨੇ ਹੋਣਗੇ। ਇਸ ਤੋ ਬਾਅਦ ਯੂਜ਼ਰਸ ਨੂੰ 500 ਰੁਪਏ ਦਾ ਕੈਸ਼ਬੈਕ ਮਿਲੇਗਾ। ਇਸੇ ਤਰ੍ਹਾਂ ਯੂਜ਼ਰਸ ਨੂੰ ਆਉਣ ਵਾਲੇ ਹੋਰ 18 ਮਹੀਨਿਆਂ 'ਚ ਇਲਾਵਾ 3500 ਰੁਪਏ ਦਾ ਰਿਚਾਰਜ ਕਰਾਉਣਾ ਹੋਵੇਗਾ। ਦੂਜੀ ਇੰਸਟਾਲਮੇਂਟ 'ਚ ਯੂਜ਼ਰਸ ਨੂੰ 1500 ਰੁਪਏ ਦਾ ਕੈਸ਼ਬੈਕ ਮਿਲੇਗਾ।