ਨਵੰਬਰ ''ਚ ਘਟੀ ਬਜਾਜ ਆਟੋ ਦੀ ਦੋਪਹੀਆ ਵਾਹਨ ਵਿਕਰੀ

ਨਵੀਂ ਦਿੱਲੀ- ਬਜਾਜ ਆਟੋ ਦੀ ਨਵੰਬਰ 'ਚ ਘਰੇਲੂ ਦੋਪਹੀਆ ਵਾਹਨਾਂ ਦੀ ਵਿਕਰੀ ਸਾਲਾਨਾ ਆਧਾਰ 'ਤੇ  ਇਕ ਫੀਸਦੀ ਘੱਟ ਕੇ 2,02,510 ਇਕਾਈ ਰਹਿ ਗਈ। ਨਵੰਬਰ 2024 'ਚ ਇਹ 2,03,611 ਇਕਾਈ ਸੀ। ਪੁਣੇ ਸਥਿਤ ਵਾਹਨ  ਨਿਰਮਾਤਾ ਕੰਪਨੀ ਨੇ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ 'ਚ ਦੱਸਿਆ ਕਿ ਨਿਰਯਾਤ ਸਮੇਤ ਵਾਹਨਾਂ ਦੀ ਕੁੱਲ ਥੋਕ ਵਿਕਰੀ ਨਵੰਬਰ 'ਚ ਸਾਲਾਨਾ ਆਧਾਰ 'ਤੇ 8 ਫੀਸਦੀ ਵੱਧ ਕੇ 4,53,273 ਇਕਾਈ ਰਹਿ ਗਈ। 

ਪਿਛਲੇ ਸਾਲ ਨਵੰਬਰ 'ਚ 4,21,640 ਵਾਹਨ ਵੇਚੇ ਗਏ ਸਨ। ਕੁੱਲ ਘਰੇਲੂ ਵਿਕਰੀ (ਵਪਾਰਕ ਵਾਹਨਾਂ ਸਮੇਤ) ਨਵੰਬਰ 'ਚ 3 ਫੀਸਦੀ ਵੱਧ ਕੇ 2,47,516 ਇਕਾਈ ਹੋ ਗਈ, ਜਦੋਂ ਕਿ ਪਿਛਲੇ ਸਾਲ ਇਸੇ ਮਹੀਨੇ 'ਚ 2,40,854 ਵਾਹਨ ਵਿਕੇ ਸਨ। ਕੁੱਲ ਨਿਰਯਾਤ ਨਵੰਬਰ 'ਚ ਸਾਲਾਨਾ ਆਧਾਰ 'ਤੇ 1,80,786 ਵਾਹਨਾਂ ਤੋਂ 14 ਫੀਸਦੀ ਵੱਧ ਕੇ 2,05,757 ਵਾਹਨ ਹੋ ਗਿਆ। ਨਵੰਬਰ 'ਚ ਨਿਰਯਾਤ ਸਮੇਤ ਕੁੱਲ ਦੋਪਹੀਆ ਵਾਹਨਾਂ ਦੀ ਵਿਕਰੀ ਸਾਲਾਨਾ ਆਧਾਰ 'ਤੇ ਤਿੰਨ ਫੀਸਦੀ ਵੱਧ ਕੇ 3,79,714 ਇਕਾਈ ਹੋ ਗਈ।