ਮਾਰਚ ’ਚ ਲਾਂਚ ਹੋਵੇਗਾ ਸਸਤਾ iPhone, ਕੀਮਤ ਤੇ ਫੀਚਰ ਕਰ ਦੇਣਗੇ ਹੈਰਾਨ

ਗੈਜੇਟ ਡੈਸਕ– ਐਪਲ 2020 ’ਚ ਆਈਫੋਨ SE 2 ਨੂੰ ਸਭ ਤੋਂ ਸਸਤੇ ਆਈਫੋਨ ਦੇ ਤੌਰ ’ਤੇ ਲਾਂਚ ਕਰੇਗੀ। ਇਸ ਨੂੰ ਅਗਲੇ ਸਾਲ ਜਨਵਰੀ ’ਚ ਪ੍ਰੋਡਕਸ਼ਨ ਲਈ ਭੇਜਿਆ ਜਾਵੇਗਾ ਅਤੇ ਮਾਰਚ 2020 ’ਚ ਇਸ ਫੋਨ ਨੂੰ ਲਾਂਚ ਕੀਤਾ ਜਾਵੇਗਾ। ਮੰਨੇ-ਪ੍ਰਮੰਨੇ ਐਨਾਲਿਸਟ Ming-Chi Kuo ਨੇ ਇਸ ਦੀ ਕੀਮਤ ਨੂੰ ਲੈ ਕੇ ਦਾਅਵਾ ਕੀਤਾ ਹੈ। Ming-Chi Kuo ਮੁਤਾਬਕ, ਆਈਫੋਨ SE 2 ਆਈਫੋਨ 8 ਨਾਲ ਮਿਲਦਾ-ਜੁਲਦਾ ਹੋਵੇਗਾ। Ming-Chi Kuo ਮੁਤਾਬਕ, ਆਈਫੋਨ SE 2 ਦੀ ਕੀਮਤ 399 ਡਾਲਰ (ਕਰੀਬ 28,200 ਰੁਪਏ) ਹੋਵੇਗੀ। ਦੱਸ ਦੇਈਏ ਕਿ ਜਦੋਂ ਤੋਂ ਇਹ ਖਬਰ ਆਈ ਸੀ ਕਿ ਐਪਲ ਜਲਦੀ ਹੀ ਆਈਫੋਨ SE 2 ਲਿਆਉਣ ਵਾਲੀ ਹੈ, ਉਦੋਂ ਤੋਂ ਹੀ ਇਸ ਦੀ ਕੀਮਤ ਨੂੰ ਲੈ ਕੇ ਚਰਚਾ ਸ਼ੁਰੂ ਹੋ ਗਈ ਸੀ। Kuo ਮੁਤਾਬਕ, ਇਸ ਵਿਚ 3ਡੀ ਟੱਚ ਫੀਚਰ ਨਹੀਂ ਹੋਵੇਗਾ। 

ਕੀਮਤ ਤੋਂ ਇਲਾਵਾ ਆਈਫੋਨ SE 2 ਦੇ ਫੀਚਰਜ਼ ਦੀ ਵੀ ਜਾਣਕਾਰੀ ਮਿਲੀ ਹੈ। ਜਾਣਕਾਰੀ ਮੁਤਾਬਕ, ਆਈਫੋਨ SE 2 ’ਚ 64 ਅਤੇ 128 ਜੀ.ਬੀ. ਵੇਰੀਐਂਟ ’ਚ ਪੇਸ਼ ਹੋਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਦੀ ਸਕਰੀਨ ਆਈਫੋਨ SE ਨਾਲੋਂ ਵੱਡੀ ਹੋਵੇਗੀ। SE ਦੀ ਸਕਰੀਨ 4 ਇੰਚ ਦੀ ਸੀ। ਆਈਫੋਨ SE 2 ਨੂੰ ਲੈ ਕੇ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ ਇਸ ਦੀ ਡਿਸਪਲੇਅ ਸਕਰੀਨ 4.7 ਇੰਚ ਦੀ ਹੋਵੇਗੀ। 

Ming-Chi Kuo ਨੇ ਇਸ ਦੇ ਵੱਖ-ਵੱਖ ਕਲਰ ਵੇਰੀਐਂਟ ਨੂੰ ਲੈ ਕੇ ਵੀ ਜਾਣਕਾਰੀ ਦਿੱਤੀ ਹੈ। ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਆਈਫੋਨ SE 2 ਸਿਲਵਰ, ਸਪੇਸ ਗ੍ਰੇ ਅਤੇ ਰੈੱਡ ਕਲਰ ਆਪਸ਼ਨ ਦੇ ਨਾਲ ਆਉਣ ਵਾਲਾ ਹੈ। ਨਾਲ ਹੀ ਇਸ ਵਿਚ 3 ਜੀ.ਬੀ. ਰੈਮ ਅਤੇ ਲੇਟੈਸਟ ਏ13 ਬਾਇਓਨਿਕ ਚਿਪਸੈੱਟ ਹੋਵੇਗਾ। ਦੱਸ ਦੇਈਏ ਕਿ ਏ13 ਪ੍ਰੋਸੈਸਰ ਉਹੀ ਚਿਪਸੈੱਟ ਹੈ ਜੋ ਲੇਟੈਸਟ ਆਈਫੋਨ 11 ਸੀਰੀਜ਼ ’ਚ ਦਿੱਤਾ ਗਿਆ ਹੈ। ਕੈਮਰੇ ਦੀ ਗੱਲ ਕਰੀਏ ਤਾਂ ਫੋਨ ’ਚ ਸਿੰਗਲ ਰੀਅਰ ਕੈਮਰਾ ਦਿੱਤਾ ਜਾ ਸਕਦਾ ਹੈ। ਉਥੇ ਹੀ ਫੋਨ ਦੇ ਦੂਜੇ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਫੋਨ ’ਚ ਗਲਾਸ ਬੈਕ ਅਤੇ ਵਾਇਰਲੈੱਸ ਚਾਰਜਿੰਗ ਸਪੋਰਟ ਦਿੱਤਾ ਜਾ ਸਕਦਾ ਹੈ। 

ਫਿਲਹਾਲ ਇਸ ਫੋਨ ਨੂੰ ਲੈ ਕੇ ਹੋਰ ਜਾਣਕਾਰੀਆਂ ਸਾਹਮਣੇ ਨਹੀਂ ਆਈਆਂ ਪਰ ਇਸ ਰਿਪੋਰਟ ’ਚ ਇਹ ਜ਼ਰੂਰ ਦੱਸਿਆ ਗਿਆ ਹੈ ਕਿ ਐਪਲ ਨੇ ਹਰ ਮਹੀਨੇ 20 ਤੋਂ 40 ਲਖ SE 2 ਫੋਨ ਬਣਾਉਣ ਦਾ ਟੀਚਾ ਰੱਖਿਆ ਹੈ। ਜਿਥੋਂ ਤਕ ਇਸ ਦੇ ਲਾਂਚ ਹੋਣ ਦੀ ਤਰੀਕ ਦਾ ਸਵਾਲ ਹੈ ਤਾਂ Kuo ਨੇ ਪਹਿਲਾਂ ਦੱਸਿਆ ਸੀ ਕਿ ਇਸ ਫੋਨ ਨੂੰ ਕੰਪਨੀ 2020 ’ਚ ਲਾਂਚ ਕਰੇਗੀ। Kuo ਨੇ ਇਹ ਵੀ ਜਾਣਕਾਰੀ ਦਿੱਤੀ ਸੀ ਕਿ ਐਪਲ ਨਵਾਂ ਆਈਪੈਡ ਪ੍ਰੋ, ਇਕ ਨਵੀਂ ਮੈਕਬੁੱਕ ਅਤੇ ਇਕ ਆਗੁਮੈਂਟਿਡ ਰਿਐਲਿਟੀ (ਏ.ਆਰ.) ਹੈੱਡਸੈੱਟ ਨੂੰ ਵੀ 2020 ਦੀ ਪਹਿਲੀ ਤਿਮਾਹੀ ’ਚ ਲਾਂਚ ਕਰਨ ਦੀ ਤਿਆਰੀ ’ਚ ਜੁਟੀ ਹੋਈ ਹੈ।