ਐਪਲ ਦਾ ਮੈਗਾ ਈਵੈਂਟ ਅੱਜ, ਸਸਤੇ iPhone ਸਮੇਤ ਲਾਂਚ ਹੋ ਸਕਦੇ ਹਨ ਇਹ ਪ੍ਰੋਡਕਟਸ

ਗੈਜੇਟ ਡੈਸਕ– ਐਪਲ ਦਾ ਅੱਜ ਯਾਨੀ 8 ਮਾਰਚ ਨੂੰ ਮੈਗਾ ਈਵੈਂਟ ਹੋਣ ਵਾਲਾ ਹੈ। ਅੱਜ ਦਾ ਈਵੈਂਟ ਸਾਲ 2022 ਦਾ ਐਪਲ ਦਾ ਪਹਿਲਾ ਈਵੈਂਟ ਹੈ। ਇਸ ਈਵੈਂਟ ’ਚ ਨਵੇਂ ਮੈਕਬੁੱਕ ਪ੍ਰੋ, ਮੈਕਬੁੱਕ ਏਅਰ, ਮੈਕ ਮਿੰਨੀ ਅਤੇ ਆਈ ਮੈਕ ਪ੍ਰੋ ਦੇ ਲਾਂਚ ਹੋਣ ਦੀ ਉਮੀਦ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਨ੍ਹਾਂ ਸਾਰੇ ਪ੍ਰੋਡਕਟਸ ਨੂੰ ਐਪਲ ਆਪਣੇ Apple M1 ਅਤੇ M2 silicon ਚਿੱਪਸੈੱਟ ਨਾਲ ਪੇਸ਼ ਕਰ ਸਕਦੀ ਹੈ। ਇਸ ਈਵੈਂਟ ’ਚ ਸਾਰਿਆਂ ਦੀਆਂ ਨਜ਼ਰਾਂ iPhone SE 3 ’ਤੇ ਰਹਿਣਗੀਆਂ ਜਿਸਨੂੰ ਲੈਕੇ ਕਿਹਾ ਜਾ ਰਿਹਾ ਹੈ ਕਿ ਇਹ ਐਪਲ ਦਾ ਸਭ ਤੋਂ ਸਸਤਾ ਆਈਫੋਨ ਹੋਵੇਗਾ, ਹਾਲਾਂਕਿ, ਐਪਲ ਨੇ ਅਜੇ ਤਕ ਨਾ ਨਵੇਂ ਆਈਫੋਨ ਬਾਰੇ ਅਤੇ ਨਾ ਹੀ ਕਿਸੇ ਹੋਰ ਪ੍ਰੋਡਕਟ ਬਾਰੇ ਅਧਿਕਾਰਤ ਤੌਰ ’ਤੇ ਕੁਝ ਕਿਹਾ ਹੈ।  

ਇਹ ਵੀ ਪੜ੍ਹੋ– WhatsApp ’ਚ ਆ ਰਿਹੈ ਕਮਾਲ ਦਾ ਫੀਚਰ, ਯੂਜ਼ਰਸ ਨੂੰ ਸੀ ਸਾਲਾਂ ਤੋਂ ਇੰਤਜ਼ਾਰ

ਇੰਝ ਵੇਖੋ ਲਾਈਵ ਈਵੈਂਟ
ਐਪਲ ਦੇ ਇਸ ਈਵੈਂਟ ਦਾ ਆਯੋਜਨ 8 ਮਾਰਚ ਨੂੰ ਭਾਰਤੀ ਸਮੇਂ ਮੁਤਾਬਕ, ਰਾਤ ਨੂੰ 11:30 ਵਜੇ ਹੋਵੇਗਾ। ਈਵੈੰਟ ਨੂੰ ਕੰਪਨੀ ਦੇ ਯੂਟਿਊਬ ਚੈਨਲ ਤੋਂ ਇਲਾਵਾ ਐਪਲ ਟੀ.ਵੀ. ’ਤੇ ਲਾਈਵ ਵੇਖਿਆ ਜਾ ਸਕੇਗਾ। ਐਪਲ ਨੇ ਇਸ ਈਵੈਂਟ ’ਚ ਲਾਂਚ ਹੋਣ ਵਾਲੇ ਪ੍ਰੋਡਕਟ ਬਾਰੇ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਪਰ Peek Performance ਟੈਗਲਾਈਨ ਦਾ ਜ਼ਰੂਰ ਇਸਤੇਮਾਲ ਕੀਤਾ ਹੈ। ਈਵੈਂਟ ਦੇ ਟੀਜ਼ਰ ’ਚ ਮਲਟੀਕਲਰ ਦਾ ਇਸਤੇਮਾਲ ਕੀਤਾ ਗਿਆ ਹੈ ਯਾਨੀ ਇਸ ਵਾਰ ਫਿਰ ਤੋਂ ਆਈਫੋਨ ਨੂੰ ਇਕ ਨਵੇਂ ਰੰਗ ’ਚ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ। 

ਇਹ ਵੀ ਪੜ੍ਹੋ– ਗੂਗਲ ਤੇ ਐਪਲ ਤੋਂ ਬਾਅਦ ਇਨ੍ਹਾਂ ਸਾਫਟਵੇਅਰ ਕੰਪਨੀਆਂ ਨੇ ਰੂਸ ਨੂੰ ਦਿੱਤਾ ਵੱਡਾ ਝਟਕਾ

ਕੀ-ਕੀ ਹੋ ਸਕਦਾ ਹੈ ਲਾਂਚ
ਐਪਲ ਨੇ ਅਧਿਕਾਰਤ ਤੌਰ ’ਤੇ ਇਸ ਈਵੈਂਟ ’ਚ ਲਾਂਚ ਹੋਣ ਵਾਲੇ ਪ੍ਰੋਡਕਟਸ ਬਾਰੇ ਕੁਝ ਨਹੀਂ ਕਿਹਾ ਪਰ ਰਿਪੋਰਟ ਮੁਤਾਬਕ, ਈਵੈਂਟ ’ਚ ਨਵਾਂ ਮੈਕਬੁੱਕ ਪੇਸ਼ ਹੋ ਸਕਦਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਈਵੈਂਟ ’ਚ ਲਾਂਚ ਹੋਣ ਵਾਲੇ ਮੈਕਬੁੱਕ ’ਚ M2, M1 Pro, M1 Max ਚਿੱਪਸੈੱਟ ਦਾ ਸਪੋਰਟ ਮਿਲ ਸਕਦਾ ਹੈ। ਨਵੇਂ MacBook Pro, MacBook Air ਅਤੇ Mac mini ਨੂੰ M2, ਜਦਕਿ ਨਵੇਂ iMac Pro ਨੂੰ M1 Pro ਅਤੇ M1 Max ਚਿੱਪਸੈੱਟ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ। 

ਮੈਕਬੁੱਕ ਏਅਰ ਦੇ ਨਵੇਂ ਵਰਜ਼ਨ ਦੇ ਵੀ ਆਉਣ ਦੀਆਂ ਉਮੀਦਾਂ ਹਨ। ਮੈਕਬੁੱਕ ਤੋਂ ਇਲਾਵਾ ਇਸ ਈਵੈਂਟ ’ਚ iPhone SE 3 ਲਾਂਚ ਹੋ ਸਕਦਾ ਹੈ ਜੋ ਕਿ iPhone SE 2 ਦਾ ਅਪਗ੍ਰੇਡਿਡ ਵਰਜ਼ਨ ਹੋਵੇਗਾ। ਨਵੇਂ ਫੋਨ ਦੇ ਨਾਲ 5ਜੀ ਸਪੋਰਟ ਮਿਲੇਗਾ। ਇਸਤੋਂ ਇਲਾਵਾ ਇਸ ਵਿਚ ਏ15 ਬਾਇਓਨਿਕ ਚਿੱਪਸੈੱਟ ਮਿਲ ਸਕਦਾ ਹੈ। ਇਸਤੋਂ ਇਲਾਵਾ ਨਵੇਂ ਫੋਨ ’ਚ ਬਿਹਤਰ ਕੈਮਰਾ ਵੀ ਦਿੱਤਾ ਜਾ ਸਕਦਾ ਹੈ। iPhone SE 3 ਦੀ ਕੀਮਤ 300 ਡਾਲਰ (ਕਰੀਬ 22,700 ਰੁਪਏ) ਹੋ ਸਕਦੀ ਹੈ। 

ਇਹ ਵੀ ਪੜ੍ਹੋ– ਸੈਮਸੰਗ ਨੇ ਗਾਹਕਾਂ ਨੂੰ ਦਿੱਤਾ ਝਟਕਾ, ਬੰਦ ਕੀਤੀ ਇਹ ਸਮਾਰਟਫੋਨ-ਸੀਰੀਜ਼