3 ਡਿਸਪਲੇ ਵਾਲਾ ਗੇਮਿੰਗ ਲੈਪਟਾਪ

 

ਜਿਥੇ ਰੇਜ਼ਰ ਬਲੈਕ ਪ੍ਰੋ ਇਕ ਪੋਰਟੇਬਲ ਗੇਮਿੰਗ ਲੈਪਟਾਪ ਹੈ, ਉਥੇ ਹੀ ਬਲੇਡ ਸਟ੍ਰੈਂਥ ਮੈਕਬੁੱਕ ਨੂੰ ਘੱਟ ਪੈਸਿਆਂ ''ਚ ਸਖਤ ਟੱਕਰ ਦੇਣ ਵਾਲਾ ਲੈਪਟਾਪ ਹੈ। ਇਨ੍ਹਾਂ ਤੋਂ ਅਲੱਗ ਪ੍ਰਾਜੈਕਟ ਵੈਲੇਰੀ ਵਰਗਾ ਡਿਜ਼ਾਈਨ ਅਜੇ ਤੱਕ ਕਿਸੇ ਲੈਪਟਾਪ ''ਚ ਦੇਖਣ ਨੂੰ ਨਹੀਂ ਮਿਲਿਆ ਹੈ, ਕਿਉਂਕਿ ਇਸ ਵਿਚ 17.3 ਇੰਚ ਦੀਆਂ ਤਿੰਨ 4ਕੇ ਆਈ.ਜੀ.ਜ਼ੈੱਡ.ਓ. ਡਿਸਪਲੇ ਲੱਗੀਆਂ ਹਨ। ਅਲੱਗ ਤੋਂ ਲਗਾਈਆਂ ਗਈਆਂ 2 ਡਿਸਪਲੇ ਮੁੱਖ ਸਕਰੀਨ ਦੇ ਸਾਈਡ ਤੋਂ ਕੱਢੀਆਂ ਹਨ। ਹੋਰ 2 ਡਿਸਪਲੇ ਆਟੋਮੇਟਿਡ ਡਿਵੈੱਲਪਮੈਂਟ ਮਕੈਨਿਜ਼ਮ ਕਾਰਨ ਯੂਜ਼ਰ ਦੀ ਮਦਦ ਤੋਂ ਬਿਨਾਂ ਆਪਣੀ ਥਾਂ ''ਤੇ ਐਡਜਸਟ ਹੋ ਜਾਂਦੀਆਂ ਹਨ। 

 

ਰੇਜ਼ਰ ਦੇ ਫਾਊਂਡਰ ਅਤੇ ਸੀ.ਈ.ਓ. Min-Liang Tan ਮੁਤਾਬਕ ਮਲਟੀ ਡਿਸਪਲੇ ਵਾਲੇ ਪੀ. ਸੀ. ਪ੍ਰੋਫੈਸ਼ਨਲਾਂ, ਰਚਨਾਕਾਰਾਂ ਅਤੇ ਗੇਮਰਜ਼ ਲਈ ਜ਼ਰੂਰੀ ਹੁੰਦੇ ਜਾ ਰਹੇ ਹਨ। ਪਹਿਲੀ ਵਾਰ ਅਸੀਂ ਇਸ ਦਾ ਹੱਲ ਪੇਸ਼ ਕੀਤਾ ਹੈ, ਜਿਸ ਨੂੰ ਆਪਣੇ ਨਾਲ ਵੀ ਲੈ ਕੇ ਜਾ ਸਕਦੇ ਹੋ।

 

 

ਇਸ ਲੈਪਟਾਪ ''ਚ ਨਵਿਦਿਆ ਜੀਫੋਰਸ ਜੀ.ਟੀ.ਐਕਸ. 1080 ਗ੍ਰਾਫਿਕਸ ਕਾਰਡ ਲੱਗਾ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਗ੍ਰਾਫਿਕਸ ਕਾਰਡ ਟਾਪ ਦੇ ਲੈਪਟਾਪਸ ''ਚ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਤਿੰਨੇ ਡਿਸਪਲੇ ''ਚ ਸਮੂਥ ਫ੍ਰੈਮਰੇਟਸ ਲਈ ਨਵਿਦਿਆ ਜੀ-ਸਿੰਕ ਟੈਕਨਾਲੋਜੀ ਵੀ ਲੱਗੀ ਹੈ।

 

ਇਸ ਲੈਪਟਾਪ ਦਾ ਭਾਰ 12 ਪੌਂਡ ਅਤੇ ਮੋਟਾਈ 1.5 ਇੰਚ ਹੈ। ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਇਸ ਦਾ ਭਾਰ ਅਤੇ ਮੋਟਾਈ ਆਮ ਲੈਪਟਾਪਸ ਤੋਂ ਬੇਹੱਦ ਜ਼ਿਆਦਾ ਹੈ ਪਰ ਇਸ ਗੱਲ ਤੋਂ ਵੀ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਹੈ ਕਿ ਇਹ ਇਕ ਪਾਵਰਫੁੱਲ ਗੇਮਿੰਗ ਡਿਵਾਈਸ ਹੈ, ਜੋ ਦੂਜੇ ਲੈਪਟਾਪਸ ਤੋਂ ਬੇਹੱਦ ਅਲੱਗ ਹੈ।