ਅਦਾਕਾਰ ਤੋਂ ਸਿਆਸਤਦਾਨ ਬਣੇ ਦਿੱਗਜ ਐਕਟਰ ਦਾ ਦਿਹਾਂਤ, ਅਮਰੀਕਾ ''ਚ ਲਏ ਆਖ਼ਰੀ ਸਾਹ

ਲਾਸ ਏਂਜਲਸ (ਏਜੰਸੀ)- ਮਸ਼ਹੂਰ CBS ਦੀ ਐਕਸ਼ਨ ਸੀਰੀਜ਼ 'ਦਿ ਡਿਊਕਸ ਆਫ਼ ਹੈਜ਼ਾਰਡ' ਦੇ ਆਦਾਕਾਰ ਅਤੇ 2 ਵਾਰ ਅਮਰੀਕੀ ਕਾਂਗਰਸ ਦੇ ਮੈਂਬਰ ਰਹੇ ਬੇਨ ਜੋਨਸ ਦਾ 84 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਉਨ੍ਹਾਂ ਦੀ ਪਤਨੀ ਅਲਮਾ ਵਿਏਟਰ ਨੇ ਇੱਕ ਫੇਸਬੁੱਕ ਪੋਸਟ ਰਾਹੀਂ ਦਿੱਤੀ। ਰਿਪੋਰਟਾਂ ਮੁਤਾਬਕ ਜੋਨਸ ਦੀ ਮੌਤ ਘਰ ਵਿੱਚ ਟੀਵੀ 'ਤੇ ਬੇਸਬਾਲ ਮੈਚ ਦੇਖਣ ਦੀ ਤਿਆਰੀ ਦੌਰਾਨ ਅਚਾਨਕ ਆਏ "ਹਾਰਟ ਅਟੈਕ" ਨਾਲ ਹੋਈ।

ਇਹ ਵੀ ਪੜ੍ਹੋ: 51 ਦੀ ਉਮਰ 'ਚ ਵੀ ਸਿੰਗਲ ਹੈ ਅਮੀਸ਼ਾ ਪਟੇਲ; ਦੱਸੀ ਵਿਆਹ ਨਾ ਕਰਵਾਉਣ ਦੀ ਅਸਲ ਵਜ੍ਹਾ

ਅਲਮਾ ਨੇ ਪੋਸਟ ਵਿੱਚ ਲਿਖਿਆ ਸੀ, "ਮੈਂ ਅੱਜ ਆਪਣੀ ਜ਼ਿੰਦਗੀ ਦਾ ਪਿਆਰ ਗੁਆ ਦਿੱਤਾ। ਬੇਨ ਦਾ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ ਹੈ। ਉਹ ਘਰ ਵਿੱਚ ਆਪਣੀ ਮਨਪਸੰਦ ਕੁਰਸੀ 'ਤੇ ਆਰਾਮ ਕਰ ਰਹੇ ਸਨ ਅਤੇ ਟੀਵੀ 'ਤੇ ਬੇਸਬਾਲ ਮੈਚ ਵੇਖਣ ਦੀ ਤਿਆਰੀ ਕਰ ਰਹੇ ਸਨ। ਉਹ ਬਹੁਤ ਸਾਰੇ ਲੋਕਾਂ ਨੂੰ ਪਿਆਰ ਕਰਦੇ ਸਨ ਅਤੇ ਬਹੁਤ ਸਾਰੇ ਲੋਕ ਉਨ੍ਹਾਂ ਨੂੰ ਪਿਆਰ ਕਰਦੇ ਸਨ। ਉਨ੍ਹਾਂ ਦੀ ਕਮੀ ਹਮੇਸ਼ਾ ਖਲੇਗੀ।" 

ਇਹ ਵੀ ਪੜ੍ਹੋ: "ਆਪਣੇ ਪਤੀਆਂ ਨੂੰ ਚੀਟ ਕਰਦੇ ਹੋਏ ਮੈਂ ਹੀ ਫੜਿਆ ਸੀ..."; ਸ਼ਵੇਤਾ ਤਿਵਾਰੀ ਦਾ ਵੱਡਾ ਖੁਲਾਸਾ

ਬੇਨ ਜੋਨਸ ਨੇ ਸੀਰੀਜ਼ 'ਡਿਊਕਸ ਆਫ਼ ਹੈਜ਼ਾਰਡ' ਵਿੱਚ ਕੂਟਰਜ਼ ਗੈਰੇਜ ਦੇ ਮਾਲਕ ਦੇ ਕਿਰਦਾਰ ਨਿਭਾਇਆ ਸੀ ਅਤੇ ਉਨ੍ਹਾਂ ਨੇ ਇਸ ਸੀਰੀਜ਼ ਦੇ 141 ਐਪੀਸੋਡਾਂ ਵਿੱਚ ਕੰਮ ਦਿੱਤਾ। ਇਸ ਸ਼ੋਅ ਆਪਣੇ ਸਮੇਂ ਵਿੱਚ ਬਹੁਤ ਮਕਬੂਲ ਸੀ ਅਤੇ ਰੇਟਿੰਗਾਂ ਵਿੱਚ ਦੂਜੇ ਨੰਬਰ 'ਤੇ ਰਿਹਾ ਸੀ। ਇਸ ਤੋਂ ਇਲਾਵਾ ਜੋਨਸ ਨੇ ਇੱਕ ਡੈਮੋਕ੍ਰੇਟ ਵਜੋਂ ਜਾਰਜੀਆ ਦੇ ਚੌਥੇ ਕਾਂਗਰੇਸ਼ਨਲ ਜ਼ਿਲ੍ਹੇ ਤੋਂ 2 ਵਾਰ ਅਮਰੀਕੀ ਹਾਊਸ ਆਫ ਰਿਪ੍ਰਜੈਂਟੇਟਿਵਜ਼ ਵਿੱਚ ਸੇਵਾ ਕੀਤੀ। ਉਨ੍ਹਾਂ ਨੇ 1988 ਵਿੱਚ ਵੱਡੀ ਜਿੱਤ ਦਰਜ ਕੀਤੀ ਸੀ। 1994 ਵਿੱਚ ਉਹ ਨਿਊਟ ਗਿੰਗਰਿਚ ਤੋਂ ਚੋਣ ਹਾਰ ਗਏ ਸਨ ਪਰ ਉਨ੍ਹਾਂ ਦੁਆਰਾ ਗਿੰਗਰਿਚ ਵਿਰੁੱਧ ਕੀਤੀ ਗਈ ਨੈਤਿਕਤਾ ਦੀ ਸ਼ਿਕਾਇਤ ਨੇ 1998 ਵਿੱਚ ਗਿੰਗਰਿਚ ਦੇ ਸਪੀਕਰ ਵਜੋਂ ਅਸਤੀਫੇ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ। 2002 ਵਿੱਚ ਉਨ੍ਹਾਂ ਨੇ ਵਰਜੀਨੀਆ ਤੋਂ ਫਿਰ ਚੋਣ ਲੜੀ ਪਰ ਉਹ ਅਸਫਲ ਰਹੇ। 

ਇਹ ਵੀ ਪੜ੍ਹੋ: ਪੰਜਾਬ ਦੇ ਦਿੱਗਜ ਕ੍ਰਿਕਟਰ ਨੇ ਕਰਵਾ ਲਿਆ ਵਿਆਹ ! ਇਸ ਅਦਾਕਾਰਾ ਨਾਲ ਲਈਆਂ ਲਾਵਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e