ਟੀ.ਵੀ. ਦੇ Highest Paid ਹੋਸਟ ਬਣੇ ਸਲਮਾਨ ਖ਼ਾਨ, ਲੈ ਰਹੇ ਹਨ ਇੰਨੀ ਫੀਸ

ਮੁੰਬਈ- ਸਭ ਤੋਂ ਵਿਵਾਦਿਤ ਰਿਐਲਿਟੀ ਸ਼ੋਅ ਬਿੱਗ ਬੌਸ ਸ਼ੁਰੂ ਹੋ ਗਿਆ ਹੈ। ਇਹ ਸ਼ੋਅ ਪਿਛਲੇ 17 ਸੀਜ਼ਨ ਤੋਂ ਲੋਕਾਂ ਦਾ ਮਨੋਰੰਜਨ ਕਰ ਰਿਹਾ ਹੈ ਅਤੇ ਹੁਣ 18ਵਾਂ ਸੀਜ਼ਨ ਸ਼ੁਰੂ ਹੋ ਗਿਆ ਹੈ। ਸ਼ੋਅ ਨੂੰ ਸ਼ੁਰੂ ਹੋਏ ਸਿਰਫ 2-3 ਦਿਨ ਹੀ ਹੋਏ ਹਨ ਅਤੇ ਪਹਿਲਾਂ ਹੀ ਇਸ 'ਚ ਹਫੜਾ-ਦਫੜੀ ਮਚ ਗਈ ਹੈ। ਜਿਵੇਂ ਹੀ ਮੁਕਾਬਲੇਬਾਜ਼ ਘਰ 'ਚ ਦਾਖਲ ਹੋਏ, ਉਹ ਆਪਸ 'ਚ ਲੜਨ ਲੱਗ ਪਏ। ਬਿੱਗ ਬੌਸ 'ਚ ਕਈ ਟਵਿਸਟ ਵੀ ਆਉਣੇ ਸ਼ੁਰੂ ਹੋ ਗਏ ਹਨ।ਇਸ ਟਵਿਸਟ ਕਾਰਨ ਲੋਕ ਇਸ ਸ਼ੋਅ ਨੂੰ ਬਹੁਤ ਪਸੰਦ ਕਰਦੇ ਹਨ ਪਰ ਬਿੱਗ ਬੌਸ ਸਲਮਾਨ ਖ਼ਾਨ ਦੀ ਵੀਕੈਂਡ ਵਾਰ ਤੋਂ ਬਿਨਾਂ ਅਧੂਰਾ ਹੈ। ਜਿਸ 'ਚ ਉਹ ਕੰਟੈਸਟੈਂਟ ਦੀ ਕਲਾਸ ਲਗਾਉਂਦੇ ਹੋਏ ਨਜ਼ਰ ਆਉਂਦੇ ਹਨ ਪਰ ਕੌਣ ਜਾਣਦਾ ਹੈ ਕਿ ਸਲਮਾਨ ਖ਼ਾਨ ਇਸ ਸ਼ੋਅ ਨੂੰ ਹੋਸਟ ਕਰਨ ਲਈ ਕਿੰਨੇ ਪੈਸੇ ਲੈ ਰਹੇ ਹਨ। ਜਿਸ ਤੋਂ ਬਾਅਦ ਉਹ ਟੀਵੀ ਦੀ ਸਭ ਤੋਂ ਵੱਧ ਤਨਖਾਹ ਲੈਣ ਵਾਲੇ ਹੋਸਟ ਬਣ ਗਏ ਹਨ।ਅਦਾਕਾਰ ਕਈ ਸਾਲਾਂ ਤੋਂ ਬਿੱਗ ਬੌਸ ਨੂੰ ਹੋਸਟ ਕਰਦੇ ਨਜ਼ਰ ਆ ਰਹੇ ਹਨ। ਬਿੱਗ ਬੌਸ ਨੂੰ ਲੋਕ ਸਲਮਾਨ ਖ਼ਾਨ ਦੇ ਨਾਂ ਨਾਲ ਵੀ ਜਾਣਦੇ ਹਨ। ਕਈ ਲੋਕ ਇਸ ਨੂੰ ਸਲਮਾਨ ਖਾਨ ਦਾ ਸ਼ੋਅ ਵੀ ਕਹਿੰਦੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਸਲਮਾਨ ਇਸ ਸੀਜ਼ਨ ਲਈ ਕਿੰਨੇ ਪੈਸੇ ਲੈ ਰਹੇ ਹਨ।

ਜਾਣੋ ਕਿੰਨੀ ਫੀਸ ਲੈ ਰਹੇ ਹਨ ਸਲਮਾਨ ਖ਼ਾਨ 

ਇਕ ਰਿਪੋਰਟ ਮੁਤਾਬਕ ਸਲਮਾਨ ਖ਼ਾਨ ਬਿੱਗ ਬੌਸ ਲਈ ਹਰ ਮਹੀਨੇ 60 ਕਰੋੜ ਰੁਪਏ ਲੈ ਰਹੇ ਹਨ। ਜੀ ਹਾਂ, ਇੱਕ ਮਹੀਨੇ ਦੇ ਅੰਦਰ ਹੀ ਸਲਮਾਨ ਖਾਨ ਬਿੱਗ ਬੌਸ ਤੋਂ ਇੰਨੀ ਵੱਡੀ ਰਕਮ ਕਮਾ ਰਹੇ ਹਨ। ਖਬਰਾਂ ਦੀ ਮੰਨੀਏ ਤਾਂ ਸਲਮਾਨ ਖਾਨ ਨੇ ਪਿਛਲੇ ਸੀਜ਼ਨ ਨਾਲੋਂ ਇਸ ਸੀਜ਼ਨ 'ਚ ਆਪਣੀ ਫੀਸ ਵਧਾ ਦਿੱਤੀ ਹੈ। ਜੇਕਰ ਬਿੱਗ ਬੌਸ 15 ਹਫਤਿਆਂ ਤੱਕ ਚੱਲਦਾ ਰਿਹਾ ਤਾਂ ਸਲਮਾਨ ਖਾਨ ਸਿੱਧੇ 260 ਕਰੋੜ ਰੁਪਏ ਘਰ ਲੈ ਜਾਣ ਵਾਲੇ ਹਨ।

ਇਹ ਖ਼ਬਰ ਵੀ ਪੜ੍ਹੋ -ਮਸ਼ਹੂਰ ਫਿਲਮ ਅਦਾਕਾਰ ਦਾ ਹੋਇਆ ਦਿਹਾਂਤ

ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਖਾਨ 2010 ਤੋਂ ਬਿੱਗ ਬੌਸ ਨੂੰ ਹੋਸਟ ਕਰ ਰਹੇ ਹਨ। ਹਰ ਸੀਜ਼ਨ ਵਿੱਚ, ਉਹ ਲੋਕਾਂ ਨੂੰ ਚੀਜ਼ਾਂ ਸਮਝਾਉਂਦੇ ਹੋਏ ਦਿਖਾਈ ਦਿੰਦੇ ਹਨ ਅਤੇ ਉਨ੍ਹਾਂ ਪ੍ਰਤੀਯੋਗੀਆਂ ਨੂੰ ਝਿੜਕਣ ਤੋਂ ਵੀ ਨਹੀਂ ਝਿਜਕਦੇ, ਜਿਹੜੇ ਸ਼ੋਅ ਦੇ ਵਿੱਚ ਦੂਜਿਆਂ ਨੂੰ ਪਰੇਸ਼ਾਨ ਕਰਦੇ ਹਨ। ਇਸ ਸੀਜ਼ਨ 'ਚ ਵੀ ਕੁਝ ਅਜਿਹਾ ਹੀ ਹੋਣ ਵਾਲਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ