ਰਜਨੀਕਾਂਤ ਦੀ ਫਿਲਮ ''ਕੂਲੀ'' ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ)- ਦੱਖਣੀ ਭਾਰਤੀ ਸੁਪਰਸਟਾਰ ਰਜਨੀਕਾਂਤ ਦੀ ਆਉਣ ਵਾਲੀ ਫਿਲਮ 'ਕੂਲੀ - ਦਿ ਪਾਵਰਹਾਊਸ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਸਨ ਪਿਕਚਰਸ ਨੇ 'ਕੂਲੀ - ਦਿ ਪਾਵਰਹਾਊਸ' ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਲੋਕੇਸ਼ ਕਨਗਰਾਜ ਨੇ ਕੀਤਾ ਹੈ, ਜਿਨ੍ਹਾਂ ਨੂੰ ਸਿਨੇਮਾ ਦਾ ਬਾਦਸ਼ਾਹ ਵੀ ਕਿਹਾ ਜਾਂਦਾ ਹੈ। ਰਜਨੀਕਾਂਤ ਅਭਿਨੀਤ ਇਸ ਫਿਲਮ ਦੇ ਟ੍ਰੇਲਰ ਵਿੱਚ ਨਾ ਸਿਰਫ਼ ਜ਼ਬਰਦਸਤ ਡਰਾਮਾ ਅਤੇ ਸਟਾਈਲਿਸ਼ ਹੰਗਾਮਾ ਹੈ, ਸਗੋਂ ਸੀਟੀਆਂ ਮਾਰਨ ਵਾਲੇ ਡਾਇਲਾਗ ਦੇ ਨਾਲ ਰਜਨੀਕਾਂਤ ਦਾ ਸਵੈਗ ਅਤੇ ਨਾਗਾਰਜੁਨ ਦਾ ਰੋਂਗਟੇ ਖੜ੍ਹੇ ਕਰ ਦੇਣ ਵਾਲਾ ਖਲਨਾਇਕ ਅੰਦਾਜ਼ ਵੀ ਹੈ, ਜੋ ਅਨਿਰੁੱਧ ਰਵੀਚੰਦਰ ਦੇ ਸ਼ਾਨਦਾਰ ਸੰਗੀਤ ਦੇ ਨਾਲ, ਇਸਨੂੰ ਹੋਰ ਵੀ ਖਤਰਨਾਕ ਬਣਾਉਂਦਾ ਹੈ।

ਸ਼ੁਰੂਆਤੀ ਸ਼ਾਟ ਤੋਂ ਹੀ ਜਿੱਥੇ ਰਜਨੀਕਾਂਤ ਆਪਣੇ ਵਿਲੱਖਣ ਅੰਦਾਜ਼ ਅਤੇ ਸਵੈਗ ਨਾਲ ਸਕ੍ਰੀਨ 'ਤੇ ਛਾ ਜਾਂਦੇ ਹਨ, ਉਥੇ ਹੀ ਨਾਗਾਰਜੁਨ ਆਪਣੇ ਗੰਭੀਰ ਖ਼ਤਰਨਾਕ ਅੰਦਾਜ਼ ਵਿਚ ਦਿਖਾਈ ਦਿੰਦੇ ਹਨ। ਫਿਲਮ 'ਕੂਲੀ' ਇੱਕ ਸਾਬਕਾ ਸੋਨੇ ਦੇ ਤਸਕਰ ਦੇਵਾ ਦੀ ਕਹਾਣੀ ਹੈ। ਇਹ ਫਿਲਮ ਸਨ ਪਿਕਚਰਜ਼ ਦੇ ਬੈਨਰ ਹੇਠ ਕਲਾਨਿਥੀ ਮਾਰਨ ਦੁਆਰਾ ਬਣਾਈ ਗਈ ਹੈ। ਇਸ ਫਿਲਮ ਵਿੱਚ ਆਮਿਰ ਖਾਨ ਨੇ ਇੱਕ ਕੈਮਿਓ ਰੋਲ ਨਿਭਾਇਆ ਹੈ। ਇਸ ਫਿਲਮ ਵਿੱਚ ਰਜਨੀਕਾਂਤ, ਨਾਗਾਰਜੁਨ ਅਤੇ ਆਮਿਰ ਖਾਨ ਤੋਂ ਇਲਾਵਾ, ਸੱਤਿਆਰਾਜ, ਉਪੇਂਦਰ, ਸ਼ਰੂਤੀ ਹਾਸਨ ਦੀਆਂ ਮਹੱਤਵਪੂਰਨ ਭੂਮਿਕਾਵਾਂ ਹਨ। ਇਹ ਫਿਲਮ 14 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।