ਨਿਰਦੇਸ਼ਕ ਅਰਜੁਨ ਰਾਜ ਦੀ ਫਿਲਮ ''ਖੇਲ ਪਾਸਪੋਰਟ ਕਾ'' ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ)- ਫਿਲਮ ਨਿਰਦੇਸ਼ਕ ਅਰਜੁਨ ਰਾਜ ਦੀ ਫਿਲਮ 'ਖੇਲ ਪਾਸਪੋਰਟ ਕਾ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਫਿਲਮ ਦਾ ਟ੍ਰੇਲਰ ਡੀ.ਆਰ.ਜੇ. ਰਿਕਾਰਡ ਮਿਊਜ਼ਿਕ ਤੋਂ ਰਿਲੀਜ਼ ਕੀਤਾ ਗਿਆ ਹੈ। ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰਦੇ ਹੋਏ ਨਿਰਦੇਸ਼ਕ ਅਰਜੁਨ ਰਾਜ ਨੇ ਕਿਹਾ ਕਿ ਫਿਲਮ ਤਿਆਰ ਹੈ ਅਤੇ ਜਲਦੀ ਹੀ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਪੂਰੀ ਫਿਲਮ ਮੁੰਬਈ ਸ਼ਹਿਰ ਵਿੱਚ ਸ਼ੂਟ ਕੀਤੀ ਗਈ ਹੈ। ਫਿਲਮ ਵਿੱਚ ਹੇਰੰਭ ਤ੍ਰਿਪਾਠੀ ਨੇ ਮੁੱਖ ਭੂਮਿਕਾ ਨਿਭਾਈ ਹੈ। ਫਿਲਮ ਦੀ ਕਹਾਣੀ ਇੱਕ ਆਮ ਆਦਮੀ ਦੀ ਜ਼ਿੰਦਗੀ ਨਾਲ ਜੁੜੀ ਹੋਈ ਹੈ। ਇੱਕ ਮੁੰਡਾ ਨੌਕਰੀ ਲਈ ਵਿਦੇਸ਼ ਜਾਣਾ ਚਾਹੁੰਦਾ ਹੈ ਅਤੇ ਮੁੰਬਈ ਆਉਣ ਤੋਂ ਬਾਅਦ, ਉਹ ਪਾਸਪੋਰਟ ਟਰੈਪ ਵਿੱਚ ਫਸ ਜਾਂਦਾ ਹੈ। ਇਸ ਪਾਸਪੋਰਟ ਟਰੈਪ ਨਾਲ ਜੁੜੀ ਕਹਾਣੀ 'ਤੇ ਆਧਾਰਿਤ ਹੈ ਮੇਰੀ ਫਿਲਮ 'ਖੇਲ ਪਾਸਪੋਰਟ ਕਾ'।

ਫਿਲਮ 'ਖੇਲ ਪਾਸਪੋਰਟ ਕਾ' ਹੈਪੀ ਕਰਾਊਡ ਐਂਟਰਟੇਨਮੈਂਟ, ਕਿੰਗ ਕੀਆਨ ਐਂਟਰਟੇਨਮੈਂਟ ਅਤੇ ਰਜ਼ੀਆ ਪਠਾਨ ਦੇ ਬੈਨਰ ਹੇਠ ਬਣਾਈ ਜਾ ਰਹੀ ਹੈ। ਇਸ ਫਿਲਮ ਦਾ ਸਹਿ-ਨਿਰਮਾਣ ਰਾਜਵੰਤ ਸ਼ਰਮਾ ਕਰ ਰਹੇ ਹਨ। ਅਰਜੁਨ ਰਾਜ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਨੂੰ ਅਰਜੁਨ ਰਾਜ, ਆਨੰਦ ਸ਼ਰਮਾ, ਰੰਜੂ ਸਾਈਕੋਲੋਨੀ ਅਤੇ ਰਜ਼ੀਆ ਪਠਾਨ ਨੇ ਲਿਖਿਆ ਹੈ। ਇਸ ਫਿਲਮ 'ਚ ਹੇਰੰਭ ਤ੍ਰਿਪਾਠੀ, ਰਾਜਵੰਤ ਸ਼ਰਮਾ, ਗੌਰੀ ਸ਼ੰਕਰ, ਆਰਿਫ ਸ਼ਾਹਡੋਲ, ਮੇਘਾ ਸਕਸੈਨਾ, ਆਨੰਦ ਸ਼ਰਮਾ, ਜ਼ੇਬਾ ਖਾਨ, ਅਰਜੁਨ ਰਾਜ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਡੀ.ਓ.ਪੀ. ਸ਼ਕਤੀ ਸੋਨੀ, ਲਖਿੰਦਰ ਸ਼ਾਅ (ਲੱਕੀ) ਹਨ। ਫਿਲਮ ਦਾ ਸੰਗੀਤ ਹਰੀਜੂ ਰਾਏ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਰਵੀ ਬੌਸਨੇਟ ਦੁਆਰਾ ਰਚਿਤ ਗੀਤਾਂ ਨੂੰ ਅਰਿੰਦਮ ਚੱਕਰਵਰਤੀ ਮੰਜੀਰਾ ਗਾਂਗੁਲੀ ਦੀ ਸੁਰੀਲੀ ਆਵਾਜ਼ ਨਾਲ ਸ਼ਿੰਗਾਰਿਆ ਗਿਆ ਹੈ।